一向只聞樓梯響的走塑，在這刻始終打到來，我覺得唯一最多人唔習慣，就是餐飲方面，外賣沒有膠匙，膠叉，裝食物的容器也不能塑膠，可能用紙盒或纖維盒...可是現在大家生活裡已用慣、嘆慣、消耗慣...所以一不能再用，便怨聲四起，回想返以前的人，買很多流質食物，都自備容器，既環保之餘又不需要浪費太多~
無論怎樣講都好，始終環保都是好事，森伯外食帶私家餐具已有多年了，一來比較衛生，尤其早幾年前的疫情，二來又可減少用些即棄餐具...
其實便攜餐具很多時都在家品店見到，相信要為自己選購一款適合的也不難，個人比較喜歡不鏽鋼餐具，因為易潔，輕便，耐用...而且便於攜帶!!!
相片中的組件式自攜餐具幾好，不需要太過累贅，無論要用匙、叉或筷子時候，只要換上柄就可以用了，這些餐具就是在A百貨裡的12蚊店見到...
12蚊店的餐具平靚正，走塑始終是需要的，我好少外買所以走塑餐具吾好用對我無影響，但有些食店例如麥記、大快X堂食已轉用木餐具，嗰啲木刀簡直切吾到嘢，連熱香餅咁軟都好難切，其實木餐具有些品質是好的，但不知為何食店吾去簡選，偏是用些品質吾好，其實走塑用品咁多多木，又真的環保嗎？
回覆刪除對呀，如果遇到合用的貨品，12蚊店又幾平靚正，本身自己已有自備餐具，所以呢款餐具冇買到，只是影相介紹下~~
刪除呢排見人買麥記，仲好似用紙杯，可能這種物料可以循環再用...一向少叫外賣，唔喜歡那種發泡膠盒裝食物，
如非必要，都少叫飯，大多數都有帶飯，順理成章地都有自備一套外出餐具...
都聽人講過，木刀唔實淨，塊扒厚靭少少都切唔到，
哈哈哈，唔係呀，熱香餅都難切...咁把木刀用來裝飾~~~~日後都要帶定把萬用小軍刀，遇有要鋸扒，切野就要攞出來用用~~~
一般回收的都是膠樽，其他的膠盒膠蓋膠餐具，通通都被丟進堆填區 ! 據說經過百年後才可分解，真是生態大災難。 海魚若是吃了膠粒，這些魚就會影響人類的健康。看來膠製品只合家用，不宜丟棄。
回覆刪除對呀，膠樽可以循環再用，其他的膠可能所製造的成份唔同，所以一般都不能回收...現在除了不易分解外，就算被分解化開，微細塑膠粒都會落入大海裡，魚吃了又給人吃，變相人都吃了很多微膠粒...
刪除塑膠物品家用都OK，起碼都會用上一段時間，但絕不能用作於即棄類物品，好易造成更大的污染!!!!
真巧，這期同你一齊講"塑"。退休前我午餐一定是在快餐店買回公司吃，我是自備餐具的，一點難度也沒有，事在人為。
回覆刪除近來出到blog都偷笑，未有逐一去探訪各位博友的博文，呢排最熱的話題，都莫過於走塑，只要有外賣過，堂食過，都會關注的...
刪除和平兄真係講得好啱，很多事情都係"事在人為"啫!!!
膠樽膠盒盛載食水，或者食物，日久會釋出毒素，有致癌物質 ! 若是裝載熱的水或食物，更加促使變質。
刪除對呀，很久前亦有人講過，膠容器用耐了就會釋出毒素，所以隔一段時間要更換，最緊不要裝酸食物，但膠樽亦有好處，就是不易打碎......
刪除經過專家測驗，原來用膠樽膠盒，和一般透明的膠袋裝載食物是無大礙的。 只是有顏色的膠袋，遇著過冷過熱時是會脫色，不宜用來裝食物，因為污染了食物，就會產生病變。
刪除謝謝秋葉的資料補充...
刪除因為膠樽膠盒比較安全，如玻璃瓶或玻璃盒較容易不小心打碎，基本上裝膠樽食物都是豆類，穀類...在煮之前都會用清水浸泡，有什麼污染物也會被水洗去...
至於顏色膠袋，很少用來裝食物，尤其是酸食物!!!
我都有類似嘅，但只係旅行時用。平時就自備不銹鋼飲管。因為紙飲管唔好用。
回覆刪除外出食多數帶自備匙羹，方便衛生！！
刪除紙飲管有得賣，不過聽講用兩用就霉……
我喜歡堂食，所以極少外賣呢！
回覆刪除外賣會造成很多即棄塑膠廢物，所以盡量都少叫外賣！！
刪除好人好者就話無乜嘢，回想以前照顧長者日日尿片加洗傷口，垃圾量大，要硬食垃圾稅就好鬼激氣，多病已好苦又多支出，呢D叫百上加斤。窮人真係唔好病，但係，上天要你病係無得揀，鬼叫你窮，頂硬上啦！一樣米養百樣人，唔好只睇自己，政策係全面性，不能只睇片面，要體率各大民情。
回覆刪除新政策冇得遷就每一個人，到實行時可能要不斷作出調整……
刪除搞咁耐的垃圾徵費，到時又可能要作出改變，暫時都未知數……
人好得意，有錢人注重健康，有些窮人就唔會注意乜都冇克制，變了貧窮同病痛連在一起！！
小數耆病弱勢社群就唔照顧！冷血！咁要每十年一次瘟疫自然淘汰人類便可。
刪除問題多多，所以副政務師要介入先行先試睇吓實際施行難度。
目的好都要方案可行。家計會兩個夠晒數都係敎育，唔係強迫性都好成功。
如膠樽，塑膠可回收重用，換左紙或木餐具唔會破壞森林？如果中國14億人推行用木制個森林會唔會消失？樹木生長好快咩？最快係竹。
為左環保，咁立法禁賣膠樽及紙包飲品，禁賣預先包裝食品，全部散裝賣。
係老左才易病，有錢同無錢唔識和唔想注重健康都一樣會病。
所以森老伯幾時都話，無論什麼年齡層，或富或貧的人都要著重身體的健康，等下一次瘟疫來的時候，都有強壯的抵抗力嘛...
刪除每項政策都關乎每個港人，好難每個人的需要也能照顧，現在政府做事係取採見步行步的方針，李特首和部份官員都係咁咋，總之少出錯就叫"好"~~~~冇個智囊真係諗到較完善的好橋!!!!垃圾徵費未諗到好就出籠，變得一推再推......惹來市民不滿!!!!!!
我都聽過竹係最易生長的植物，家裡的竹製不求人用了很長日子都仍健在，可知竹製用品耐用...啲政府智囊又有冇諗過呢?!!只顧紙商，環保餐具商等利益!!紙品太多都唔係環保，而且紙品野唔耐用，霉咗就要揼，變相不停浪費...
一爺唔驚啦，既有米又懂得養生...一定唔駛養醫生!!!!今日睇到一句好有意思：今天不養生；明天養醫生!!!哈哈哈
有官方健康知識唔使嘥我時間濾走錯嘅，令我盲摸摸。
刪除可津貼弱勢社群唔使好多錢。
工作上都係少錯就叫好，叻嘅預先揾錯處去解決，途中爆鑊即執生修改唔推遲投產日。
舊陣時回玻璃樽有$1，依家回膠餐具有$1都可減棄膠。用獎勵唔係罪錢。政策要好才有效果，都係懶用腦。
嘩！估唔到咁有森度。森哥金句入左我腦，所以，我話抗癌抗腦退化咩唔做都得，但一定要喺森博留言。
你識得睇官方消息就最好，啲料多數比較正確~~~
刪除你唔好咁講，有時津貼都用政府好多錢架!!!早兩日聽新聞才知$2元搭車優惠，原來政府要津貼成千萬1日...成千萬1日，真係嚇呆!!!!
最記得鮮奶可以按樽，現在的人習慣了方便，買紙盒裝奶，飲完就掉，都唔想又攞又按!!!未試過回收有獎勵，啲獎品好用嗎?!!
咁又唔需要太誇張，你話平時森博冇乜幾何有深度，就算唔睇唔留言，都唔係一個損失!!!!哈哈哈
獎過毛巾用2次就爛，環保反而增加廢物。
刪除一般都係醜嘅靈，如森想，無人睇，門庭冷清，到時唔好嗚嗚大喊！
有可能這些毛巾也是回收返來的，唔耐用丟了又可惜，不如當獎品送畀人...
刪除你真係當森伯極膚淺，冇人睇就自己睇啦...本身寫博都係畀自己睇，不過漸漸睇和留言的人多了...
老牛很自覺及適應，自從宣布「走塑」，老牛就用自備餐具，在食店買外賣，老牛自帶玻璃餐盒和環保袋，很快形成新的生活習慣，完全無問題。
回覆刪除真的要跟牛兄好好學習，自己只帶備個人餐具，很少帶餐盒買東西，因為在超市買食物居多，因為超市已預先包裝嘛...
刪除對呀，習慣真要慢慢培養，只要習慣了就一當一回事!!!!
很少買外賣 , 就算買都唔要餐具.
回覆刪除好好的習慣，這樣便是"走塑"的第一步!!!
刪除其實用自己的餐具最好，衛生又環保。
回覆刪除對呀，用自己餐具進食，既安全又放心!!!!
刪除我覺得自備餐具很好,加個餐具盒回家清洗就可以, 簡單又環保.
回覆刪除對呀，以環保為前題，人人都應有的生活新習慣!!!
刪除我外出用膳多數帶備匙羮，很方便!!