正所謂工欲善其事,必先利其器,當然明白箇中的道理啦,但現時的電子新世代,要追科技或更高的產品,真係可能追唔切,尤其森伯呢類落後幾百世代的人,完全脫晒節…
但係要搵食工作,就要運用到好的工具,才能夠發揮好的表現嘛…當你用到一些軟件去做些設計工作之時,你就會好佩服軟件的編寫員,甚至佩服電腦真係人類最偉大的發明。乾手淨腳就可以做好一份稿出來,因為以前要搵字粒再拼版,再要貼圖或相片(森伯未試過,因為不是這個年代…)記得以前初做版面設計的工作時,會用到專業的Mac機,後來設計軟件漸漸普及或者軟件公司想吸納多點生意,現在普通PC機只要容量大,都用到很多專業設計軟件…
在今次學習中,也有機會碰上Mac機,忽然鈎起長者森的想當年,其實機只是電腦,軟件的應用最為重要,不過對於森伯來講,軟件都應該冇問題,反而最重要係個出品導師滿唔滿意啫…
過完年後都成個月,發覺都冇博友提返森伯伯做一件事,咩事?咪就係畫幅生肖畫,今年豬仔年,認真畫要花些時間,反而卡通豬簡單易畫得多,一於畫隻為食豬仔…今年豬年都好應該食少啲豬,之前豬瘟嚇到大家過年時都少吃豬肉,不過對港人來講,可以選擇其他食物…
為食豬寓意大家…包括自己食得是福,以及「豬」圓「肉」潤…我所指唔係身形係大家個豬仔錢罌…yeah!!
今篇之後,可能暫時唔出blog幾星期,因有太多趕事要做…
若然仲有一個半個blog友記掛住森伯仍可以留言,我會照覆…
為食豬個樣令我想起午餐肉^_^
回覆刪除午餐肉加隻荷包蛋伴即食麵食真係好正……
刪除工作忙,不忘多休息!
回覆刪除為食豬,幾趣緻。
對,休息好重要…謝謝提醒
刪除肥嘟嘟豬仔,容易惹人討好…
畫到 為食森豬 肉騰騰,令人垂涎,想咬一口。
回覆刪除令人聯想起罐頭豬仔肉。
豬仔多數都係肥,咁你有冇即時想食碗燒腩仔飯?!
刪除點解你哋相同都諗起隻罐頭??
想食香煎午餐肉。
刪除我們讀出森心,你根本係畫出罐頭豬肉嘅招紙。
一般最正的食法都係用來香煎~~~
刪除咁為食豬可以做個罐頭品牌的代言人,希望有關公司人士見到...XXD
咁隻豬仔係咪用mac機畫?
回覆刪除貼相果啲好似以前做校刊時有體驗喎XXD
隻豬係用手畫,畫完再放到PC加個框…
刪除做學生校刊唔需要太專業,通常啲相貼完晒版就可以攞去印…
森豬加個框
刪除框住隻小肥豬唔畀佢走~~
刪除加油加油^^
刪除暫時可以鬆一鬆…
刪除覺得森少畫這隻豬豬個樣都幾懶吓。
回覆刪除多謝豬豬成為我愛吃的燒腩仔。今年有豬瘟,攪到我都不敢買豬肉做餸。
其實吃素為主是最好的,無奈,點都戒唔到不吃肉。阿彌陀佛!
一向以來豬畀人感覺都係懶洋洋…有這想法都好正路…
刪除的確豬瘟在新年期間鬧得好大,相信很多人都怕了,不敢攞豬肉做餸…
要食全素又未必咁易做到,每餐都以素為主,肉為副就易接受!!
如果不是寫生、掃描,畫動物加點想像雖然冇咁迫真,但效果會得意好多。
回覆刪除對於畫豬來講,用卡通畫法最好,本身豬的外形都很卡通...
刪除牛、馬、羊,就可以畫得迫真些練下畫功~~
森伯暫時唔出Blog幾個星期,閉門做功課,一定必屬佳品!努力呀!!森源豬豬!哈哈哈…
回覆刪除都唔係要搞些什麼佳品,只係要專心一致做好目前的工作啫…
刪除聽完kaka的鼓勵,森源豬豬想唔努力都唔得啦!!!哈哈
都未用過mac機,但認識某些漫畫家,他們都有用。
回覆刪除豬年,轉眼都過了幾個月呢。
Mac機的記憶量較大,儲存多些軟件或圖畫都冇咩問題…所以繪畫有關的都喜歡用…
刪除時間真的稍縱即逝…