現在的細路真係好幸福定真係好疲累呢?本應講小朋友一點都與森伯個老人家無關,之不過近來屋企附近的一個商場,越開越多培訓小朋友的興趣班…雖則話係興趣班,但其實很多都同上堂教學差唔多,或者時代改變,細路都要增值,學得越多越有著數~~
一路以來商場的人流唔算多,裡面的店舖就時時轉變,最近有間茶餐廳,見住佢裝修至開張…在短短的幾個月又關門大吉~~~能夠繼續維持的唔多…但最近陸陸續續有新店進駐,大多數都係一些小朋友的學習班…最多係英語、其次係畫畫、跳舞、藝術都有…當然身邊都有認識的小朋友,幾歲大就學很多興趣班,見佢有學口才班、跆拳班、英文班…最有趣的是學一段時間就冇學,個細路都未必記得有什麼學過~~~
有日經過呢類的畫畫班,見到有幅梵高的名作…唔好以為係大人作品,可能就係當中的小朋友學生的作品,果然有大師級風範喎…
我覺得興趣唔可以強迫出來,當人漸漸大了就自自然然知道自己真正的興趣是什麼,到時再發展都未遲…
咁森兄唔駛執紙皮,去開畫畫班教細路揾餐食。
回覆刪除早十年前 我已經聽見話父母需要 喺仔女 掉低奶樽後就計劃 學乜嘢乜嘢,寫靚個 portfolio 鋪路 入名校 ,贏在起跑線, 每個父母都 愛錫仔女, 都想佢哋條路行得順啲。 所以啲細路哥都好辛苦㗎!好攰呀!
執紙皮只係作最後打算啫…森伯費事誤人子弟~開咗畫畫班都冇人報讀…
刪除我覺得現在的父母大都係跟風,見個個家長都咁做,自己唔照做就驚落後…子女係咪真正有需要學呢?!!...為咗畀人睇個靚靚簡歷,就乜都學怕蝕底…咁細個都意識要同人競爭………
向好處看,讓孩子涉獵唔同範疇,早啲發掘個人興趣和能力,從小就朝着目標進發,集中資金和時間向適當方向策劃人生。好多人都渾渾噩噩, 到退休 都唔知自己嘅長處同興趣,做啲唔合適嘅工作,浪費人生,自己又活得唔開心,對社會貢獻又少咗。
刪除假如森兄喜愛西洋畫,早就安排你跟大師學習,在興趣嘅推動下,你會用心學好外文 ,才能知道更多西洋畫知識,學起上黎係會事半功倍,唔做大畫家,香港都多個 靳埭強,就算唔係出名大人物,工作出色得到讚賞,做事得心應手,活得開心就夠好啦!
其實講到興趣都冇分年齡,就算等到幾廿歲都一様搵到自己的興趣...就好似你咁講,人前半生在工作,都唔覺得有咩特別興趣或者嗜好,等到退休後參加老人中心,才發現知道喜歡粵曲或國畫都有咁樣的人...現在的父母並不是真心為自己子女搵興趣來培養,只不過是另有目的,可能只是學一段少時間,就當已經學識所謂張張刀就冇把利......哈哈
刪除你諗得好理想好單純,但世事往往都係事與願違,有好多的工作都並非自己的興趣,而有些興趣又未必搵到食,所以好多興趣只能當作工餘時候減下壓...
森兄細個時係咪都有參加過喱類畫畫班,細細個已經打好基礎呢^^
回覆刪除我嗰代的父母唔似現在的,畫畫只係當玩下或嗜好,好少參加畫畫班…
刪除森兄靠自學,好有天份喎!
刪除你咁講我又認同喎...森伯冇打天才波,靠自己勤力多練...哈哈哈
刪除有空要擺多啲森作品上來blog畀我地欣賞下^^
刪除有合適post出來的畫作,我會擺上來,希望到時gael兄畀吓意見…
刪除我在屋邨中心的興趣班都見過幾位天才畫家,小小年紀的畫作細緻又有畫味,很棒!
回覆刪除當中的學生都可能真係有潛質或者真的喜歡畫畫,即使係普通的興趣班都有些同學的作品唔錯高水準…
刪除記得有專家講過,小孩子學習能力最強是十歲前,所以乜乜物物的興趣班便由此(藉口」而起,而過了十歲學習的就說是追落….
回覆刪除興趣,我相信是不能谷的,是要有適當的環境培養!
而家人大了,專家的說話都要自己篩選過先入腦…其實一個人的興趣都無話由幾時開始,有時喜歡的就自然會鑽研這方面多些,慢慢就成為自己的一種興趣…
刪除你講得啱…興趣這方面冇得谷,要靠自己慢慢去培養…
所謂揠苗助長,實在不應該早便逼迫小孩子去學習很多樣不同的興趣。小孩子應有一個自由自在的快樂童年。
回覆刪除都是家長不甘人後。也有可能是嫌孩子在家胡鬧,有點錢的家長都把孩子送出去學東學西,自己樂得一陣清閒。有些孩子真是閒不住的,在家弄得天翻地覆。
所謂天才,除了莫扎特,很多都是靠艱苦學習而成功。
你的回應就是我今篇主要想講的...可能現在的家庭一般都環境唔差,有了錢就把這些金錢投放在自己的子女學業成績上,兼且現在要學興趣班就正正係風氣,所以個個細路都要學一兩樣興趣班先至跟到呢個潮流囉...我相信秋葉應該唔係呢類家長,因為你寫得到必定做得到嘅...
刪除你講嗰種弄到翻天地覆的小朋友,森伯都好怕...現在的家長著重子女成績,反而品行又忽略,所以好多小朋友目中無人好似小王帝...
因為小女很活潑好動,她小時我有帶她去學畫畫,使她安靜一些。
刪除後來轉而讓她學習芭蕾舞,讓她釋放活力,好好的去讀書。
在暑假的時候,為她報名康文處的游泳班。若是跌落水也可以自救。
都是分階段不同時期的學習,不會辛苦。後來她提出去畫苑學習繪畫。在學校參加跳舞班,有兩次組班參賽都得過獎項。
我住的都是窮人的地區,當時的父母最緊張的是子女的學業,只有少數父母會讓子女學其他的東西。在暑假時,多數人最重要的是在中心排隊報讀暑期天天的補習班。
刪除其實暑假應該讓孩子去玩樂,所以我只會在中心為她報名遊“嘉道理農場”,遊“音樂農莊”等等。並且常常帶去公園和沙灘遊玩,讓孩子有一個美好的童年回憶。
對呀,畫畫的確容易使人平和,安定…因為要畫好一幅畫的確要點時間及心機~從中亦可訓練小朋友的耐性~~
刪除你這樣的家長就做得對,現在的小朋友可能除咗上正式堂之外,還有上一兩樣興趣班,返到家中又要趕功課……有時仲忙過大人~~~
可能這個年代個個小朋友都要忙過不停,學呢樣學嗰樣先至係培養小朋友…有啲都唔排除係家長的面子問題…
我見過一位親戚,小女兒很美麗,他們很想女兒入影藝圈,就要她在課餘學習芭蕾舞。可是小女兒對我說:她根本不喜歡跳舞,覺得很辛苦!
刪除後來沒有聯絡,不知他們怎麼了。所以,我不會勉強孩子去學不喜歡的東西。家長的苦心可能是白花的,反而造成孩子的童年不愉快。
咁細個就訓練小女孩入演藝圈…呢種情況好似某些外國的選美國家,細細個就訓練她們禮儀,應對,著衫…其實能攞獎只有幾位,機會率都唔算高啦~~不過每個人的諗法都唔同,小朋友喜歡都話,如果唔喜歡就變得沒有意義…做父母都係想自己的子女開心成長啫……
刪除梵高生前窮愁潦倒;莫扎特雖然成名早,四、五歲已懂得作曲,童年已經在官廷表演,可是最終還是過著窮困的日子。梵高的向日葵,莫扎特的費加洛的婚禮,空留回響。
回覆刪除以前好多藝術家都係窮困潦倒,所以畀眾人覺得,搞藝術都代表搵唔到食囉...不過每個人都跟際遇有關的,作為一個有熱誠的藝術工作者,能做到一件滿意的作品,已經好過擁有一筆金錢...
刪除聽說莫扎特因為深富於作曲的音樂才華,受到前輩的嫉忌和排斥。但亦曾經受到欣賞而盛極一時,享盡榮華富貴。最終在排擠之中,窮困下來。而藝術家,大都會滿足於個人的創作裡。
刪除以前的藝術家留給後世的就係瑰寶,可是以前大多數的藝術家都是貧困,或者只可以講一幅好的作品,是真正無價,唔可以用金錢衡量……
刪除梵高生前窮困潦倒,去世後的畫作才價值不菲。可能因為畫家不在世了,沒有新的了,是絕版的,獨一無二的,就炒得起了。就這樣炒來炒去,價值不菲起來。這樣對畫家不公平。但也有些畫家受到賞識,生活得到資助。
刪除這個就是…前人種樹;後人乘涼~其實一幅畫作,都不需要理會是否出自名家,總之自己喜歡自己愛欣賞的,都已經是一幅好的作品…
刪除相信賺小朋友的錢是比較容易! 人流不多的商場. 小朋友趣味班, 變成生存的最後選擇.
回覆刪除這個當然啦,父母平時幾吝嗇都好,要駛在子女身上都變得闊綽…所以商家都睇中呢點,做補習生意就長搵長有…
刪除揀一至兩樣學都可以,但若冇興趣就唔好繼續,免得浪費金錢同精神。
回覆刪除