雖則唔係成日要搭的士，不過的士加價或多或少都有影響…感覺上的士都時時加價，對上一次加都唔記得幾時…其實都明白，只要樓價租金貴民生各樣就一定加加加…有時都唔敢奢望薪水都加，唔炒魷都偷笑啦！所以點加都唯有硬食，有人話已經加到麻目晒，作為升斗市民的森伯伯，唯有慳慳慳…
其實到今時今日，Book車的渠道都多了，有時都未必需要坐到的士，只要車費較平，個個都樂意選搭…好似近來甚興的白牌車「U爸」都有見過人約，而且用部手機約，就相當方便，聽佢地講車費仲平少少，唔多唔少都搶走的士啲生意喇…我就未搭過～～
不過的士司機的態度有時都畀人唔係太好印象，有啲又濫收車資、禮貌態度又差、拒載、兜路等…當然唔應該一竹竿啦…不過若然路程太短就唔多願載，呢類情況真係時有所見！自己一個搭都冇咩…但多一兩位上車就多數黑面兼藐藐咀！XXD當然都有遇過好好喇！
新車費咪錶未裝，但新收費表就有一張，數目分明兼且一目了然…睇睇下原來加幅都唔少喎，不過始終都有一班的士客，加加吓都慣晒…
我曾有過幾年時間每天早上都會搭的士返工，這並不是份工好搵，而係第一，一程過剛剛唔使跳錶，第二我和太太一齊，計起條數兩人都係俾多五、六蚊。
回覆刪除其實最大原因係我哋可以瞓晏啲！
係呀！如果趕時間，搭的士唔錯～唔會好似公車要停站～地鐵都成日大排長龍啦…見到都驚～
刪除路程短都可能划算少少，不過最怕有啲司機對短程客麻麻地…所以而家唔太需要都唔選擇的士…
慳黎搭的士……邊個呢？…………豪畀森上人呢！ 唔係love boat 係 love taxi。滿滿的愛。
回覆刪除真係乜都畀你講到好好笑…慳畀自己搭的士好奇咩！（擰晒頭…）
刪除而家乜都加架啦~~車費只係其中一樣……
小森市民慳果雞碎咁多搭車， 又邊及得因為對沖油價蝕咗80幾億， 惡晒飛雞炒600人呢！簡直蚊肶同牛肶。 上流人做錯嘢， 要小職員受難 ，好森噏。
刪除富貴人家開幾百萬嘅跑車， 小小森慳嗰幾百坐的士， 小小市民要唱森酸的哀歌， 我哋呢啲世襲下流人， 幾時先可以攀上流過優哉游哉嘅生活呢……………………氣洩
你講晒小小小森伯啲森聲呀！對於富貴人家…森伯所慳的是微不足道，但對森伯就覺得慳得其所~~~所以唔同的人對駛錢觀念唔同~~
刪除香港地有幾時唔係有錢佬，地產商話事?!!...高層做錯事，搵細嘅承擔都時有所聞啦！只係見慣不怪…
你又唔需要洩氣，做富或貧都好，都有自己享受的生活方式！只要活得自在咪得囉…
我就好少搭的士,唔係好知佢加價呢:P
回覆刪除不過剩係慳都唔係法子,希望森兄可以開源,畫多啲森作品賺多啲外快增加多啲收入啦^^
其實每次的士加價都會有大把新聞報道, 應該唔會唔知…
刪除至於你話外快呢家嘢, 真係可遇不可求, 點知人家需要的是什麼…在微薄的收入裡唯有慳吓錢…
新車費咪錶未裝，可用森算，真係一D都難唔到童森，easy job la。
回覆刪除ykk好少搭的士，以電車為樂。
坐到車裡都係想relax…仲要心算車費?!!應該做唔到…嘻嘻~~有個表就大家冇爭拗嘛…
刪除坐電車只係KK兄的心頭好，有時坐吓電車都幾寫意…
而家間中都會同人一齊搭的士去近的地方，比較搭地鐵來說平均都係每個人多付一兩蚊。
回覆刪除我最怕遇到啲口水多過浪花的的士大佬，搭佢一句嘴，佢回敬你十句嘴，一路揸車一路噴口水，
不但煩人也危及安全，真想叫佢“收聲”。
係呀！有時去近近地搭的士都方便，如果在交通繁忙時段可能仲慳到時間添…
刪除我唔係好怕遇到吹水司機喎！都會諗下佢地成日坐在車裡，同人傾偈都可能係工作裡的調劑…我反而怕見到司機位有好幾部電話接生意，又同的士call台聯絡邊度有生意…
呢種情況真係會令司機分心，危及安全……
哈哈! 慳慳慳! 的起森乾! 唔洗咁誇張, 錢多唔用好笨.
回覆刪除錢多…唔用好笨?!!...呢句就係KK兄的座右銘?!...KK本身富貴就話啫~~~
刪除相對森伯：錢少…唔慳好笨~~~~><
KK兄你有冇留意前篇留言?!...恕兄同森兄都好想你寫返Blog喎!!!
其實用錢 , 森錢隨意啦! 哈哈, 精或笨只有到最後一刻才知道?! 恕兄, 童森是我網上的偶像!
回覆刪除好一句精或笨到最後一刻先知…很有道理!!!!
刪除或者人到埋單先知有冇好好運用到屬於自己的錢吧…
唔好講到森伯偶像咁誇，在網誌上都係講啱傾唔啱傾啫，我反而感激KK兄雖然冇寫Blog，但都如常來支持森Blog…
kk兄，錢多唔用好笨，這確是至理…
刪除而你和森兄亦都是我網上認識的益友良師啊！
聽KK留言幾時都有得著…
刪除恕兄言重…我都係跟大家學習做人的道理啫，正所謂三人同行；必有我師焉…
綠的好過紅的好多！
回覆刪除印象中好似冇乜搭過綠的...又唔清楚~~
刪除