正所謂一年容易又中秋，每年一到呢個時候，天氣也漸漸微涼，感到少許夏去秋來的涼意，而且中秋將到，大家有沒有做些準備去應節呢……
現今，社會的氛圍都把節日跟飲飲食食連在一起，第一時間就諗到月餅，商䆥為搶佔月餅市場，乜店都出月餅，而口味更是千奇百怪，森伯食番原味道就可以了……話時話，今年的月餅貴咗幾多，聽講話糖的成本漲價，乜唔係現今興低糖或無糖？！反而今年我㑹買些散裝月餅，唔想買一盒盒的老餅家品牌，正如森伯既生活座右銘「慳得一亳得一毫」……
如果想在節日裡，有些少中秋氣氛，佈置都原用舊燈籠等裝飾……
至於中秋做節飯，暫定外出食，始終外面的應節氣氛較好，不過都要看看家人的身體狀況，在哪裡吃也沒所謂，最重要係大家平平安安就好了！！
森伯係一位注重實惠、追求傳統原味，同時充滿生活智慧又顧家嘅長輩。字裡行間透著一絲對現代過度商業化的無奈，但更多的是對家人平安的踏實期盼。
回覆刪除您呢句「慳得一毫得一毫」真係生活大智慧！今年啲月餅確實貴得有啲講唔通，一盒盒包裝精美但好多時都係買個包裝。支持您買散裝支持環保和荷包！依家啲千奇百怪口味，有時真係驚多過喜，傳統原味最有氣氛。用番舊燈籠應節就最啱喇，呢啲叫「復古情懷」，節日氣氛用錢堆砌出嚟就失卻意義。無論最後決定喺邊度食飯，最緊要係有您陪住。祝森伯中秋開開心心，屋企人身體健康，平安大吉！
還記得我舊年個黑9月，咁快又一年，我都過得OK啦!
注重實惠，追求傳統滋味，滿有生活智慧及顧家……好多長者都係咁，只係你啲後生人覺得出奇……
刪除有幾商業化，年年都係咁，這些月餅錢都要畀人賺，難道自己整月餅應節？！就算自己肯整，識整蓮蓉月餅，都唔一定平……
係呀，你講得啱，外邊知名的餅家的月餅，只是買包裝，買廣告，買名家出品……商家出新味月餅為求一搏，搏到有客路，又可大賣，又有新產品作賣點～～
咁一爺今年買月餅有咩心水？！！
多謝，希望大家都平平安安，有個愉快的佳節……
時間過得好快架咋！希望你的黒九月已成過去，迎接美好明天……
一D都唔出奇，明顯賣口乖啦！唔啱聽？果真要窒才開心？
刪除Al經過大數據搜集資料後覆：自製蓮蓉月餅和購買成品相比，價錢大約相差 2.5 倍至 4 倍。以市面上最主流的「標準 4 個裝雙黃白蓮蓉月餅（每盒約 4 大個）」為例，市售名牌價格大約在 $220 至 $290 港幣，而自家製的原材料成本一盒只需約 $60 至 $80 港幣。我講嘅一定被森伯質一輪，呢個你向Al求証啦！我回得好聰明呀！月餅暴利架。
心水月餅 ：我不規範於意識形態。1）可以將三色糙米飯撈麥片加豆干雞胸肉鹵水蛋做饀堆砌成月餅形，用蠔油寫上「月餅」。2）甜嘅又或且將雜豆糖水煮淋咗嘅豆，加上香蕉 蜜柑 幾種果仁 蕃茄乾果脯壓成形，面頭用彎月模撒上砂糖，燒成焦糖。隨手用我嘅日用餐食物整月餅，貼合：「慳得一蚊得一蚊」。市面千奇百怪月餅都有，我嚟呢個創新，唔贊同我係雙標。慶祝嘅有心就可以得到快樂，不拘泥形式。過往我反轉傳統用我真心回森伯，實畀森伯鬧餐矇，因為誤會我專登作對，先不要氣動，大人心平氣和睇埋下面生日篇才作出明智判斷。
看看人家不用傳統大蛋糕慶祝生日，其實有很多富有儀式感、好玩又好食的替代方式！無論壽星是不喜歡吃太甜、怕肥，還是單純想追求新鮮感，都可以參考以下幾大類的創意點子：
A)鹹食控最愛（完全不嗜甜）
炸雞桶塔
壽司拼盤 / 刺身蛋糕
芝士拼盤輪：對於喜歡品酒的人，可以用幾層不同口味的芝士輪（Cheese Wheel）疊高，周圍擺滿堅果、水果和火腿。
薄餅大批
B)一人一份份量剛剛好（極方便分派）
Cupcake / 迷你撻金字塔
冬甩塔（Donut Tower）
馬卡龍塔（Macaron Tower）
中式壽包拼紅雞蛋
C)輕盈與玩味感甜品
生果拼盤蛋糕
千層可麗餅（Crepe Cake）
雪糕糯米糍 / 雪糕磚
D)玩效果與好意頭
有錢花 / 抽錢蛋糕
造型饅頭塔：近年在 Birthday Bun 等店鋪非常流行的卡通造型饅頭塔，外表極其可愛，而且比蛋糕健康，深受家長及懂自制頭頭嘅森伯老人家歡迎。
生活並非一條直路，年頭食水喉捱唔住歲月磨損穿窿，物件老咗真慘，花錢全屋換水管，要三日爆牆好鬼大塵，打亂日常，好彩會所有熱水沖涼和洗手間，我唔使揾地方暫住。
呢種買口乖好行貨！！唔覺特別！！你自己都話係窒，真係無講錯！
刪除一爺平時數口精明，但係今次計錯數，自家製一盒餅用$60-8O元，仲有自己的人工呢？！而且未必好似買回來的月餅一樣，廚房整完餅仲要清潔清洗呢？！還要一個夠火喉的焗爐？！所以在家整月餅可能比想像中難，視頻教自家製西米月餅，冰皮月餅比較多，但傳統月餅比較少，在家裡做始終器材有限，未必做得滿意，分分鐘買盒仲有著數！！有時明知商家暴利，都奈佢唔何，你唯有死死氣吟個荷包出嚟畀錢！！
你講你嘅心水月餅，未見到實物，都已經反反地胃，感覺所有嘢撈埋似似地餿水，就算慳到一兩蚊，都寧願花點錢，食得好好睇睇……
正所謂一年一度，森老伯反而拘泥儀式感，創新好玩幾時都得，唔需要等生日，或傳統節慶，唔係你呢種叫幾手準備呀？！咁真係多謝夾承惠……
森老伯雖然老土兼寒酸，但做事要得得體體，要開party，都要過得賓客，過得自己，要搞生日都要似樣少少……
在生㓉上遇到的問題多的是，家居維修問題最棘手，住得耐，很多問題就出現，所以我平時都愛惜家裡用品，避免太消耗它們，希望減少維修，若有大工程的維修，會十分頭㾗……
口乖：「差」証明我做唔到擦鞋仔， 係實幹型，直腸直肚。
刪除自制：無錯，森伯高收入每秒$1確不值，晒命！全職愛心媽媽，家用得咁多，整大批送禮自用省唔少。
暴利：唔抵得一頸血，罷買。高薪森唔志在。
心水：「答無」森伯會話我不近人情，被逼老作啦！#兩難#無生路#死得
絕境：森伯邊會留條生路畀我行，千手準備也茫然。
家品：我「愛惜秘技」薄弱，跪求幾個方法。先謝過！
展現最真的一面，矜貴過做擦鞋仔……
刪除過時過節，唔好講啲唔好聽的説話，詳一頸血呀！！過節都係想大家開心，買啲好既靚既應節食品，使啲開心錢冇所謂啦……
我就唔覺得你不近人情，係你自己講……
有兩、三手準備都好足夠，千手準備？！你搞乜？？咁棘手！！
家中物件都總會有耗盡之時，平時用的時候愛惜一點，延長它的使用期……
最近有2樣對我來講係新事物都算錫住用。
刪除1) 有充電鬧鐘APP提醒低過30%和高過85%要插線充電和拔線停充，因為電池太餓太飽對電池物質傷害會減壽。
2) 喺近視眼鏡可外套多副太陽眼鏡，我只知夾式。因和Al傾養生時，佢提醒我曬太陽時都要保護對老人眼睛，想更耐用便需戴墨鏡防UV。
我主要講愛錫用係家居用品或家裡水喉，渠管等……
刪除其實平時運動很少望實太陽，造成眼睛傷害的機會大嗎？！
我最近吃多了藍莓，含胡蘿蔔素的胡蘿蔔，當作䕶眼食物……
我照顧老人有白內障或黃斑點才悉驚。把口生喺森伯度，你話乜就乜，同樣，對眼生喺你度，你喜歡啦！
刪除你呢個「孤寒鬼」半件具體事例都無分享。自知淺薄，想集思，反而我似師奶仔好多嘴。
中秋快樂！
廚房浴室防塞秘訣（日常錫住用）
拒絕倒油：用剩的橙皮刮走油污，或直接用紙巾將油漬索走掉進垃圾桶。
善用盆洗：洗菜、洗碗用盆洗。食物殘渣污水可直接倒馬桶沖走。
加設網篩：鋅盆去水口放個細網篩，徹底隔走殘渣。
小心泥沙：番薯等帶有大量泥沙的食物時，盆水要慢慢倒入馬桶，最後底部最粗的泥沙水直接倒進垃圾袋，千萬不要入渠。
定期保養：以前我每半年會倒 1/4 壺紅色通渠水清管道，自從嚴格做到上面幾點後，現在已經不用再倒了。
浴室防護：浴室洗手盆和沖涼去水口，同樣要放網篩阻隔毛髮。
係人都睇自己想睇，講自己想講，是否合你心水的説話，就唔係我可以控制～～
刪除都唔知你想森伯分享啲乜？！
咁想問吓你個師奶仔，今期超市有冇咩優恵可以慳返啲買餸錢呀？！等森伯可以慳得一毫得一亳……
渠最怕塞，所以自己好少食油炸食物，免得洗啲肥膩餐具……
多數落少許油來蒸……
係呀！！！洗蕃薯洗淮山好多沙泥，通常揀些乾淨企理買，佳佳超市的包裝鮮淮山好好，很乾淨冇沙泥……其實買開淘佬，佢有很多家居法寶幾好用，以前用開的門檔，用唔夠半年就夾到爛，之後上淘佬揾，揾到個好好用，半年後仍絲毫無損，相信揾些隔汚網篩都唔難揾！！
家務鎖碎繁多，未必有心德，點問。講講你得意傑作已避過大鑊嘅成就，印象深刻……。我係咁心態寫渠塞。森伯無料到喎！一心發展事業唔值得花時間顧家務。
刪除情報：愛「拼」係超市3折，仲送上門。
新鮮及冷藏食物運輸會爛，我轉 果脯、脱水菜、乾菇、即食食物享平價。
支付寶(A)安全及優惠勝過八達通和信用卡，又不會盗卡買蘋果。銀行停止我卡積分制。用A600分買$30券只付$27.7(92折)，可疊加使用，次次交差餉平$10。
衰鬼通$10利誘樂悠卡老人綁定信用卡自動增值，失卡損失大，但失手機係安全。
網上充值A最安全又快捷。
廚餘1分換A10分好著數。
我得兩樣食材喺香港買一綠葉菜和急凍鯖魚柳。
良莠不齊，有好多好嘢等你發掘，亦會失手。FB有個拼多多群組，你唔識可以出帖問問大家意見和經驗。
對，對，對，家事雖然很鎖碎，但遇有大問題時，都幾頭痕，唔好睇平時森伯好似癲癲得得，要自己一個去處理大型的家居維修事宜，肯定會轍夜難眠，所以平時都儘量愛惜家裡一切，免得找自己麻煩……
刪除森伯邊有一爺咁富貴，請工人幫手打理䆥務，請廚師幫手煮飯，森伯一腳踢自己做！！話晒都幾廿歲，自己做到就自己做，做唔掂，試吓捉一爺嚟幫手……😁
冇諗過在「拼」買食物，聽你講又果脯又乾菇，都唔錯喎！！
完全認同，支×寶好用，用幾多入幾多，而且除了購物，很多要支付的地方也用得……
森伯用錢好慬慎，要綁定什麼支付工具，一律唔會做，免得有什麼損失……
唉！真係家賊難防。估唔到匿喺我身邊、我最沙紙契弟嘅心腹，竟然先係最兇險嘅終極大Boss，仲要連續出陰招想置我於死地！
刪除不過，你今次呢陣風吹得低裝咗啲喎，簡直係侮辱緊我嘅財富。你當我背後由司機、飛機師、空姐、花王、管家、秘書、保鏢、到船長組成嘅「跨國智囊團」流㗎？你呢招同講鮑參翅肚無分別，換湯不換藥，森伯擺明就係想引綁匪犯罪！
既然被你識穿咗，我亦唔裝了，攤牌啦！下周一，下晝一點，準時上我部私人飛機飛巴黎歎下午茶！
你得罪終極big boss，會「香」硬……
刪除雖然我估一爺未必有個管家團隊服侍，但你起碼都有一個貼身丫環，一個煮足三餐的御廚，一個管接管送的車伕卦……😄
森老伯恨都恨唔到……
你飛去法國嘆下午茶，反觀森老伯只能吔個烚蕃薯，當一餐晏，當一個下午茶！！貧富懸殊差別很大！！！！
森伯，少喺度同我嚟呢套修昔底德陷阱！你一味扮弱者、扮窮，以為我唔知你背後玩緊『新興強權挑戰現存大國』！鬥嚟鬥去
刪除你話你食烚蕃薯！你根本同劉德華一模一樣，表面低調食齋蕃薯，實際上部私人飛機就停喺我隔壁個停機坪！你呢啲叫低調奢華啊！你幾粒蕃薯好似『炸芋角』咁，外表用最樸素嘅蕃薯蓉包裝，入面其實裝滿晒黑松露菌、魚子醬、同埋頂級燕窩！(笑森伯鮑蔘翅肚老梗) 你想借用貧富懸殊嚟掩飾你身為終極大Boss嘅野心？逃唔過我法眼
你話大Boss命硬，我會『香』硬？哈哈！你放心，本少爺乜都冇，有的是錢！邊個想我死，我就用美金掟死佢！我已經落咗張半億暗花訂單，買兇，僱用歐洲殺手集團係前CIA！森伯睇路行呀！
森伯話自己好硬，男人就好性，啱啱你才同情人個8月15日咁講完，把口收唔到。哈哈！
你估現在係哈佬喂？！扮鬼又扮馬，森伯唔識扮，係真！！
刪除近排差唔多日日早上都係食烚蕃薯，正所謂有Blog有真相，遲吓先寫，一個蕃薯，你又諗多咗好多野，你做篇劇都幾適合，小小一樣東西，可以寫成齣劇……
平時一爺為人精打細算，兼係個精明消費者，肯捨得駛咁多錢，高薪聘請前CIA搞掂森伯伯，睇嚟森伯伯在你心目中幾重要，忽然令森伯伯有啲啲感動，臨尾仲叫森㑑伯睇路，對老人家好閼心……
森伯幾時話自己好硬？！係唔係你啲小鮮肉朋友仔話佢自己呀？！乜都入森伯伯數……
我呢個老小編創意十足，目標為大家帶來歡樂。
刪除10月全港都推廣緊萬聖月，扮嘩鬼隨時有免費車坐，森伯你應該響應下港府號召喎！話你唔識扮嘢？邊個信啊。諗起你「過去式」用小鮮肉頭像，「現在式」又換成後生仔企崗……成日話自己老，幾時先肯坦白，將你白髮蒼老滿面皺紋嘅真實一面公諸於世？
不過森伯，你每日朝早食烚蕃薯，唔怪得近排「中氣」咁足，隔住個螢幕都聞到你陣蕃薯味！小心後欄放龜波氣功太勁，震親自己啊！
至於我呢個精明消費者，高薪請前CIA，當然係要將啲錢花喺刀口上啦。難得你又在意、又感動，我扭盡六壬、絞盡腦汁都算值回票價啦！
平時硬漢森哥對住我乜都硬撐，我感受到。你平時一見有虛位就夾硬塞入去、直搗黃龍，下下都咁堅挺。班小鮮肉見到你呢種「朝朝食蕃薯、朝朝有晨早硬實力」嘅神勇表現，都嚇到自愧不如啦！乜都入你數？你呢種「硬漢」直頭係實至名歸啦！
創意同收視，未必劃上等號……至於帶來歡樂就見仁見智！！
刪除一爺咁有米，就唔好貪優惠車坐啦，將優惠留番畀屬於基層民眾的森伯伯喇！！
仲有白頭髮可以用染髮水，火車軌縐紋可以用去縐膏，老人斑可以用遮暇膏冚住，老人除可以搽啲Hugo boss香水架嘛……你哋啲後生人唔知咁多驅老法寶！！！！🤭
有錢收嘅專業網媒、編劇、港旅發局智囊團都唔擔保達標，更何況我吖！
刪除我無錢cosplay唔畀上車嫁！老人森伯用咁多錢扮後生仔就合格。
森伯凍齡咁多大招，濶太/佬、明星爭住幫襯你間專業美容公司，加上你班猛男美女職員好吸睛。
你話用咁多錢扮後生……我仲以為一爺話森伯伯的後生是自然，唔駛用錢堆砌出㠟！！
刪除如果森伯伯開美容公司，拍烏蠅都似，唔駛半年都摺埋！！！😑
月餅都是吃傳統的有意思。年輕時不愛五仁月餅，現在才發覺五仁月餅香口又有嚼勁！若說苦瓜是半生瓜，那麼五仁月餅會不會是老人月餅😅😂🤣
回覆刪除現在都幾多五仁月餅賣，其實都有市場，大眾認為蓮蓉月餅很甜很膩，都想吃些果仁月餅，比較健康，可是並非隻隻健康，有些都很甜……
刪除五仁月餅並非老一輩人士喜歡，有些後生人群也喜歡，不過最重要夠唔夠牙力食佢……
散裝月餅都幾好，可以品嚐到喜歡味道又吾驚食得太多﹗
回覆刪除對呀，買少少地可以嘗嘗不同味道，滿足喜歡試新囗味的人士，不過森伯買㪚裝是舊味道的蓮蓉月餅……
刪除年年的月餅鐵盒都是要送到環保箱，都係買散裝的月餅合化算。
回覆刪除因為紀念父母生前喜愛吃蓮蓉和五仁月餅，平時我會去老餅店，買含有蓮蓉和五仁的嫁女餅來吃吃的。
有時就正正是這原因，買散裝不要鐵盒也好，毎年有些月餅盒都唔錯，可是森伯伯又冇咁多私己錢放在內，結果都要拿去鐵罐回收，所以買㪚裝較為好，喜歡吃多少就買多少，免得浪費……
刪除這樣……秋葉都十分孝順，正所謂毎逢佳節倍思親，吃著月餅感覺父母親仍在自己身邉一同過節！！
人的品性千差萬殊。 慈禧太后都說：「可憐天下父母心。」往昔父母愛子女愛在心，教要嚴苛，非常苦心。
刪除現代則多了廿四孝的父母，驕縱子女。
能體恤親心 就是孝。若裝模作樣，是騙子。
孝順好講個人的心性，勉強不來，自己認為上一輩的子女，比較尊重孝道，舊社會很多民眾也是基層出身，子女眼見父母為生活辛苦的打拼，他們長大後，也盡孝義讓老父母的日子過得好些……相對現在子女講孝義少了，為自己比較多……
刪除中秋已是最有氣氛節日，消費會多點！😉
回覆刪除今個中秋我的消費比較經濟，沒有太多要買，只是幾個月餅……
刪除