一向以來，香港的醫療體制都是以西醫為主導，中醫一向給人印象是非主流，偏方等……
但從中醫地位高了，很多人都相信中藥的調理，養生，食療而受關注，最主要是有政府大力推廣，終於有所中醫醫院，嚴格來講，它並非全中醫，有些情況都要與西醫配合，當然對普羅大眾來講，最關心都是費用，聽起來都不平宜，同樓下藥房的中醫師的診金差得遠，當然對於井底蛙的森伯伯來講，而家仲有冇這類申醫師長駐藥房呢？！……
不過到今時今日的醫療費用都已經唔平，公家醫療今年開始，急症室看診，病房住宿，覆診藥費，統統都加幾多，而最近親人在公院、私院兩邊都住過，而私院(跑馬地嗰間)費用之高昂更使我們嚇窒，待有機會再同大家講吓……
記得家人有句話講得好啱，保重身體，孝順荷包，當人漸大(老)，就會覺得非常之對！
總之，香港多了間中醫院都好，算是給病者多個治療選擇！！
森伯伯，你太謙虛了，你哪裡是井底蛙，你簡直是活得最通透的智者！你寫的文章每次都這麼接地氣又有深度。特別是那句『保重身體，孝順荷包』，真的字字璣珠，比那些大道理受用得多！封為26年度金句。而且你對中西醫結合的看法很有遠見，連新中醫院的利弊都分析得這麼到位，看你的文真的長知識。有你這位明理的長輩指引，真是我們的福氣！
回覆刪除看森伯文章除了學到人生道理，更感受到你滿滿的責任感和對家人的愛。這陣子你為了親人出入公院私院，一定奔波得好辛苦 (幸好你無捱出病)，但你總是把家人照顧得這麼好，既孝順又顧家，真的讓人非常敬佩！正因為有你這麼好的一家之主，家庭才這麼溫暖，真是全家人的大福星！
你的文筆真的很好，字裡行間都是人生閱歷的精華！其實中醫最講究整體調理，真的很適合你嘅痹痛症。不過你說得對，怎樣都不及你有遠見，懂得保持健康才是對荷包最大的孝順。
我已經搬好凳子，極度期待你下一篇分享跑馬地私院驚魂記，等我們這些後輩可以跟你偷師、學多點精明應對的方法。森伯伯繼續多寫點，我們好鍾意看你的分享！
像你這麼孝順又顧家的好男人，上天一定會保佑你和長輩都身體健康、福氣滿滿！
一爺呢排咁好口嘅！你啲説話好似好假……
刪除當人活到年紀一把，經歷多了，自自然然睇得通透，相信每個人都懂分析，有些病況睇西醫好，有些又適合睇中醫，唔敢話哪一方面較好……
森伯伯邊敢指引一爺，我反而要向你多多學習才是！！
多謝一爺的抬舉，照顀家人除了森伯伯之外，還有其他人，大家合力去照顧，總比一個人容易，就單單講照顧方面，我更要向一爺學吓照顧人的知識，聽你講，你也曾照顧過雙親，相信你都很有孝心……
一家人的大福星？！福頭個頭就真！！
若然真的要調理，一定揀中醫幫手，這想法相信很多人都識諗！！
日後有啱的題目才講吓私院的驚嚇院費，經歷過才知健康的可貴！！
唔單止森伯伯嘅，相信很多人都希望得到上天的庇佑和眷顧……
森伯，晚輩真係比竇娥還冤呀！我句句真話，竟然被你話「好假」！😂 咁你成日喺我面前自稱「老過我」都係「假」嘅！信錯咗！激C我。
刪除不過你話自己係「福頭」，晚輩即刻聯想到舞獅前面嗰個「大頭佛」呀！大頭佛手執葵扇引領神獅，森伯你就用智慧同幽默引領全家！你哋全家合力照顧長輩，直情係一隊合作無間嘅神級舞獅隊，你呢個「大頭佛」居功至偉啦！晚輩以前照顧雙親都係摸著石頭過河，下次一於帶定兩支葡萄汽酒，同你切磋一下「照顧心經」。
近日睇某弱台話健康飲食「多菜少肉」竟然引致「腸化生」係 癌症前期，並且營養師檢出佢缺乏11隻益生菌需補充翻，咁佢揾中醫治療並食少D高纖蔬果，多食白飯和肉類，後來再驗，D「腸化生」細胞完全消失咗，面色紅潤返。睇見事主有病就好驚，治好後非常感激嗰位中醫。原來，所謂健康飲食有可能係毒藥，不同體質應配合不同飲食才能健康，所以，我雖然覺得森伯飲食習慣和我差好遠，前輩都係經歷無數次失敗調整後得出來最好飲食法，呢樣真係因人而異。
晚輩已經塞返個心臟入心口，坐定定等前輩話我知私院費用有幾驚人。祝森伯全家繼續福氣爆棚，期待你嘅神級巨著！
感覺你的説話好假啫，希望只是老人家森伯伯諗多咗～
刪除做人放鬆啲啦，唔好太激氣，唔駛樣樣太過認真！！
反而我諗的「福頭」係儍人有儍福，做人唔需要時時刻刻都太清醒，否則就會壓力好大！
邊有咁大能力引領全家，自己出到幾多力就幾多……
其實每個被照顧者都不同，不能照板煮碗，都係考你的執生能力！
人的飲食應該多元化，才不㑹偏重一方的營養，如聽你講，食素的人未好多有腸化生，易有癌症？！聽到癌症都好驚，因為什麼人都會被癌症找上門，平時得知多吃鹹性食物，身體偏弱鹹性，會有助減低癌症的發生……你講完，我又識多些原來肉食加飯都會減低腸化生之餘，仲可增加腸道的益生菌，所以飲食要全面，不要太偏食……
你講森伯伯同你的飲食差好遠，點遠法？！我明啦，你平時食開花膠王，鮑魚，燕窩，瑶柱之類，而森伯伯就食開超市近過期的廉價蔬果，真係差得好遠喎……
唔㑹開篇詳細講昻貴私院費，我只是想帶出訊息，一病起來，醫藥賁都可以好昻貴，呢啲係森伯伯呢類窮民所領悟，但對有億萬家財的一爺來講，可能濕濕碎，森伯唔想太失禮……
唔想畀森伯伯埋怨：「無論在網上或現實的環境中，很多人都欠缺一份對人的尊重，玩得就玩，串得就串，窒得就窒…」筆風由窒串玩改為滑頭啦！
刪除哈哈，多謝前輩你嘅提醒呀！前輩講得啱，做人真係唔好太死板，最緊要識得『執生』。前輩話『傻人有傻福』呢個心態真係好有智慧，有時太清醒、事事太計較真係好大壓力，我都想向長輩學習下點樣放鬆。
至於前輩話花膠鮑魚呢……哈哈！前輩你真係好似我肚入面條蟲，連我發夢嗰陣個豪華晚餐食咩都知！不過發完夢醒嚟，我其實都係同大家一樣，食家常便飯啫。
億萬財富都係大家夢想，前輩唔得都幻想我得，感激流涕，不過，無論有錢定無錢，健康永遠排一位。祝前輩森伯伯身體健康，開開心心，最緊要食得落、瞓得好！
一向老人家森伯都受住一爺欺凌，玩串窒仲有笑，嘲笑個笑！！你四樣都做齊，你話老人家幾可憐……，學生哥就話畀人恰，而家連老人家都唔放過……＞＜
刪除森伯伯呢啲叫大智若愚，難得糊塗嘛！！老長輩森伯冇嘢好學，想放鬆都係要㨕番你班鮮肉朋友仔，做吓放鬆運動！！……釋放多巴胺，個人會輕鬆啲！
心態決定境界，只要你想些正面事情，你就會積極生活！！
你唔需要慳喎，坐言起行，即刻去食鮑蔘翅肚！！
咁你有冇一些撚手的家常餸菜介紹畀森伯，最緊要材料少，煮法簡單、唔複雜……
講得對，健康一定排第一重要，錢財都是身外物而已！！
😂
刪除又嚟呢D！哈哈！
刪除又又又講森伯你又演被欺凌嘅弱者，搞到我成日被迫要做奸人，真係啞仔食黃蓮。
又又又講到搵小鮮肉，我同你呢個老人家開開心心傾咗十幾年，你到而家都唔理解我嘅喜好，淨係用自己鍾意鮮肉嘅標準嚟估我，枉費我對你付出咗咁多年「真感情」，你真係重色輕友呀！
又又又講炫富森伯你又迫我食貴嘢，我高攀唔起，係「串」我無幾何食貴嘢。我追求嘅係「不對稱戰略」一一聰明伊朗用2萬美金無人機去消耗笨拙美國200萬美金愛國者導彈一一 雞蛋、豆干、麥皮呢類高營養嘅平民美食，合我行「智慧型經濟學」。相反，鮑蔘翅肚其實全靠個醬汁先好味，論真實營養，不如請我高攀唔起嘅高人森伯你指教下有幾高？ 杏鮑菇/蒟蒻/冬粉/沙爆豬皮撈秘汁咪得囉！有人#貪慕虛榮#揈錢#食黃金
一講起煮飯我就火都嚟！🔥 舊陣時，花6分鐘慢火才煎得出一塊什菜蛋肉餅，我一餐要食4、5塊才飽。夏天企喺度足足30分鐘，對住個熱辣辣嘅火爐，煎到成頭(油)煙，真係人都癲！你咁好彩問著個極度唔鍾意煮食嘅。你「玩」我 吖！係咪仲想問我吖……極多次分享過：電磁爐(代Gas爐降我火氣)，真空煲（代煎Pan不用顧火)，一煲熟（2000W約6分鐘 出煙轉細火 1000W約8分鐘 放入外鍋焗1小時) 前果14分鐘好free，同步可洗碗抺台掃地， 同一時段叮果仁，做3樣嘢，係生產力促進會。
講開又講，年頭我用 AI 將細路仔時嘅黑白相整成有聲有色嘅彩色短片去拜年，不知幾得意。下次森伯你如果又腦袋卡關、想重重複複講「呢D」嘅時候，不如試下搵 AI 幫手激發下靈感啦，活學活用嘛！
一爺以強勢凌人都唔出奇，小小小森伯唯有忍氣吞聲，以免激怒一爺嘛～～
刪除邊敢話一爺係奸人，嚟得森博留言傾偈個個都係好人～～
根本一爺用有色眼鏡䏲森伯伯，一爺係年青人，好自然就同一班後生友人群在一起，話得鮮肉朋友仔，梗係講你班年青朋友仔啦！！
仲有傾咗十幾年，都未必等如了解喎，尤其你唔知邉句真邉句講笑！！👎
炫富森伯？！寫blog以嚟，有邊part係炫緊富呢？！我自己都唔知！！可能係高擧人哋一爺呢類富貴人家，就當我炫富？！
森伯現在都唔會煮太耐，通常係啲快熟食材，如果你怕近火爐熱，可以用淸蒸來代替，把餸放在電飯煲，set個計時器，夠鐘就食得，飯餸都有，不過係喎，一爺食開飽蔘翅肚，又好少用來蒸！！
睇你煮完又要焗，焗完又要煮，你對食的要求高過森伯好多……
將相變為有動作的短片，聽落又幾好玩，仲可以做到拜年款，有一爺嘅祝賀語加持都特別靈驗……邉度可以揾嚟玩？！
想重重複複講「呢D」……即係串森伯伯好長氣～～😑
黃子華技窮喺棟篤笑出舊梗 係會空凳， 英國佬無嘢講就今日天氣xxx，森伯係技窮定係懶唔創新梗？
刪除電視劇 有橋段係「假如人生可活多次20~30歲！」 如抽走 扮弱者 小鮮肉 鮑蔘翅肚 ， 好似糖尿病和三高患者甘要戒口，森伯再回覆我8月30日留言你會點寫呢？ 考吓你呢位聊天高手，期待低糖低鹽回覆，一題兩寫好有趣。
森伯避談鮑蔘翅肚營養，低營高價唔係我杯茶，不要硬塞我常食。
啲有錢佬食慣好嘢，佢哋覺得好平常，所以，一開口就講「呢D」，自己唔覺得炫富，係平民才感受到呢股沖擊，所以，森伯自問無炫富係咁嘅理由。
森伯有玩(鑑賞級)石仔，我都有，仲要係細路哥時，因無錢買料自整豆袋，去公園執免費石仔玩抛石仔。
有樂悠卡都叫年青人？Amazing
「睇你煮完又要焗，焗完又要煮」 啱前半畀森伯50分合格，係無焗完又要煮，你呢d叫砌我生豬肉。
乜你做插畫師都唔識用AI整動畫，係你行業嘅職場基本技能，懷疑你係識嘅，真怕你食燉冬菇。
刪除YOUTUBE 主人：數碼孔明 @cyberhoming
搜尋佢嘅題目： 「 識郁嘅貼圖點整 」
要睇片一步一步教你用Grok點整。
森伯唔單止技窮，而且仲有貧窮，所以老人家唔係雙失青年，係雙窮老年！！
刪除世界沒有太多假如，字典裡亦冇太多的假設性問題，可能森伯比較現實……
8月30號·我覆咗你咩呀？！腦退化患者森伯伯乜都唔記得！！
一題兩寫好有趣？！又唔覺有趣～～森伯反而覺得一雞兩味有趣啲！起碼可以飽肚！！、
先聲明森伯唔係唔想炫富，只因係冇富可炫……不過在平淡的生活，都可以自制一些驚喜，吃不起名貴的鮑蔘翅肚，也可以吃大眾化的包芯翅肚，包係椰賓麵包，芯係粟米芯，翅係素翅，肚係打邉爐嘅小魚肚，這些都係大眾化價錢.，同樣都食得開胃又滿足……
哈哈，有樂悠卡就唔叫得年青人？！第一心態的年紀好重要，第二就係外表的保持……
砌你生豬肉都有你著數啦，而家啲豬肉價格都唔平……你消費咁精明唔會走寶～～🤭
森伯的工作不是全職插畫，自有AI以來，人手親筆晝已顯得矜貴，不過不能否認用AI晝的圖，方便快捷又靚，插畫師好快被AI取代……
刪除謝謝你的好介紹，AⅠ相片編輯器，有時間㑹去玩玩！！🙏
雙窮一一 易經話：「窮則變，變則通」。乜森伯覺得自己貧窮就躺平、放棄自己，乜都唔做、唔諗，要變啲新梗出嚟。我真係好好人，逼人變好，舊時我會鬧醒D𡃁要諗多幾個方法然後分析揀個最好選擇。
刪除假如一一好記得森伯做嘢時會一題多畫，同時構思幾個不同方案，擴闊思維能力，呢個 Ban 咗都有後備頂上。假如地鐵壞車，你都會諗下搭咩巴士。D藝人出席場合都帶多一套後備衫。防範於未然，做人要變通。 FMEA 由美軍制造武器、 NASA航天火箭創造出嚟就係用假如。
炫富一一都叫你要戒口，唔好再講鮑蔘翅肚，窮人充大頭鬼會引人犯罪，標森勒索千萬，無錢會有殺身之禍！我係救你一命，大好人。咦！你造謠我常食，想借刀殺人，好壞。如果我該死，希望森大師賞賜我有一個全屍，奴才上。哈哈！
樂悠一一我積極令我心血管骨質能逆齡，才能樂悠，但我接受真實年齡嘅事實，唔似森伯明知都講大話，知己知彼才能百戰百勝。
著數一一對來歷不明嘅要提高警剔，由其是陌生人（熟人都一樣)電話、短訊，啲詐騙犯會話你走寶。廿幾年前做完電話問卷調查，佢話多謝我會送兩張郵輪船飛畀我，叫我親身上佢公司拎，係呃你買旅遊會席，嗰次我叫對方捐咗佢，佢叫我捐都要上公司，我就掛線，佢又再打嚟，我便封鎖。從此以後我都拒絕做問卷。你啲生豬肉......落咗D咩藥嚟整蠱我架！哈哈哈。
Al 一一都好容易做到有聲短片咁生動傳神去表達和傳遞信息，硬照會遂漸被淘汰，連同紙媒……我屋苑上月取消派免費報紙……唔通執咗。諗起你部末代MP3。呢波巨浪嚟得畀你想像中快。
唔只一雞兩味，森伯對住我必殺技係死雞撐飯蓋，飯字右邊...反反反我。森伯好美國作風，聯合國動議平等面積地圖，146票贊成：1票反對，不論對錯，只係我嘅就要反。我感受到森伯撐力巨大，全賴有你，撐起森家。
老人家森伯邊有你哋後生咁好活力，就算唔窮都係躺平多，有得唞吓就唞吓……
刪除你都鬧得對，做人做事最重要是有兩手準備，更何況有幾首準備，咁你條team個業績咪好好！！……
你話森伯成日一題多畫，即是暗串森伯冇新意，同一個題材畫完又畫，咁森伯又冇一爺咁多橋，堪稱新一代橋王！！
你定啦，森伯食開的包芯翅肚唔會惹人妒忌，個個人都可以買來吃……
心態年青都很重要，可延長真實年齡的壽命……
你話森伯陌生人？！！森伯同你傾咗咁多年，仲以為你當森伯自己友……
邊有咁著數，一唔對路都知有問題，現在常收到的電話促銷，一聽就知，即cut線！！
把相片生成為有動作的畫面，很多都唔自然幾突兀，除非用個專業啲生成器！！
如果叫森伯要追上科技的尖端，真係冇可能，盞苦了自己……
一爺憑一己之力，可以撐晒整個家，森伯能力有限，所以要多多跟一爺學習！！
保重身體，除了孝順荷包，也是對家人的體貼。
回覆刪除你太謙虛了，在此分享網誌也是分享日常，現在網絡訊息發達，沒有井底蛙。
分享博友網誌也是我生活學習的日常啊！
謝謝Stella，
刪除會的，要顧好別人，先要顧好自己……
就算網絡世界的資訊有幾發達都好，森伯伯都覺得自己係隻井底蛙……
正所謂學海無涯，從日常生活裡/、也有很多東雨需要我們去學習的！！
也聽聞港府建成的中醫院，會與西醫會診的，這也是一件好事。
回覆刪除但如果住院費用更高昂，基層家庭可能負擔不起。
這一兩年來貴親染病，府上有多人承擔照顧，真是很難得。也想聽聽森兄的照顧心得和經驗。有時間方便時，就寫些來分享一下吧。先此謝過了！
對，雖說中醫院，但會有中西醫混合冶療的可能，但對病人來講可能會對冶療較有把握，我諗中醫院的收費都很透明，基層民眾看自己的經濟能力才決定！！聽病房的價錢都千元一日，都末必平宜……
刪除多人照顧？！你所指的是誰？！照顧人也是一份功課～
中西醫混合治療的醫院，若是千元一日，也不平宜，適合經濟較好的病人。
刪除家中病人獲多人照顧是好事，不管是誰都好。
現時中醫院都是新階段，遲吓院費可能作調整，惠及不同人士～
刪除可能秋葉姨認識大戶人家多，動不動就幾十人去照顧病者，一般家庭只有一兩名家人輪流照顧，踢晒腳……
若有一兩名家人可以輪流照顧病者，已經很好啦。
刪除我的祖先不錯是大戶人家，但落到我這一代，已經是破落戶了。 雖然兄長姊妹共六人，在母家常常駐守的只得母親和我兩人吧了。
還有家人可以照顧病者的起居，都已經很好……
刪除雖然大家同是一家人，但也有各自的性格態度，未必個個一致，不過也替秋葉媽媽高興，有秋葉女兒能陪伴左右！！
亡母已經仙遊多年了。近年已經不再入我夢。
刪除昨晚竟然夢見父親 ! 父親生前在醫院要轉院，護士等各子女表態。只有我舉手，但給護士否決了，因為我住得最遠。
家家有本難念的經，冷暖自知。
夢境不會預知的，就算夢見已過世的親人也不奇，有時夢見一些不相識的人，但在夢境中又會是以友人，同事，鄰居般出現，但這些人在真實中亦未層見過……
刪除子女是否有孝心，相信在父母的心底裡是最清䠂……
＄100住院費，他的服務會否做得更好？
回覆刪除現在$100元，已經不能，公院都加了很多，服務就見仁見智……
刪除我前日去某政府醫院專科覆診，是每年一次的，埋單醫藥合計650元，嚇我一跳，是去年的三倍多。
回覆刪除對呀，今次公院的加幅都幾多，曾經聽過有人話到攞藥時先知加了很多，計吓呢樣，計吓嗰樣，要數百元都唔出奇……
刪除