過去一星期，相信最轟動的大新聞，就是大埔宏福苑火災，詳情大家都好清楚，在這裡不想多講...
常常聽到人生無常，珍惜當下，珍惜眼前人...都會常掛在嘴邊，但「珍惜」又有幾多人做得到呢?!!生命脆弱，下一秒鐘又會發生什麼，無人知道......
每每諗到意外，都總會諗到外出時萬事要小心，但估都估唔到在家裡，也同樣有意外發生...或者人生有太多的未知，你便會懶得去理，但有些事能預先做定，可能會減少很多麻煩~~
若然講到防火，相信很多人都清楚，而今次事情，往往跟防火意識沒大關係，反而我想講講在逃難時，能否趕得及帶走需要的東西?!!若然一早準備，不會更好嗎?!!雖然意外事情可能話來就來，但事先做好準備，怎都好過完全沒準備...無論叫「走佬袋」、「逃難袋」也好，若然要即時撤離，都起碼有個袋傍身......
這個袋，我會備有風褸、水樽，摺疊水杯、小軍刀、放些錢或証件的袋、即食乾糧(定時更換)、保暖被冚等...俗語有講：寧可千日不用，不能一時不備~~
在此，希望火災居民，可以盡早重建家園，徹查誰需要為事件負責，還逝者及火災居民一個交代...
一人計短，二人計長
回覆刪除會加嘅：
用個防水防火公文袋裝晒重要文件。
背囊騰空雙手比手抽袋更好走佬。
防毒煙口罩。
防火斗篷走起嚟輕鬆D，無濕水被單咁論盡。
手機和充電器（學習用電子支付）
要減嘅：
乾糧/水/風褸/保暖氈就減去，輕盈D，走得快好世界。火好快燒C，好彩走得甩就外面買啦！
另外：
唔住高樓住3層村屋，露台備走佬繩多條生路爬落街。
X多多特惠港人可用$0.01買1件/套防火物。
加咁多...好似帶個迷你倉走難咁喎!!!
刪除其實我指的走難袋是很多方面，並非專針對火災，有時可能冧石屎，亦有可能洪水圍困，地震都有可能~~~
我畫的圖是讓人知係個袋，真正我會用揹袋，背囊裝太多野會較為論盡，如果火災的火舌燒著個背囊會唔知...諗起都牙煙!!!應該加多條毛巾，防火災的濃煙，仲有哨子強光電筒(淘寶有售)釋出信號等人來救命...
乾糧/水/風褸/保暖氈就減去...不能減去，被困時乾糧同水好有用!!
呢句講得啱，住的地方唔會太高，一向有人講越高越難救...今次有人話消防的設備落後，幾幢樓用水喉淋~~~救命繩都是家居要常備~~
X多多...唔錯喎，平時要睇下有咩買定看門口!!!!咁你買左咩????
呢個走佬包決定放咩，好似有次公司請人返嚟做企業培訓，導師同我哋玩咗個遊戲：將20樣東東喺荒島求生中排列重要次序。首先個人交卷，然後分小組討論後又交群體版答案。結論係群體答案勝過個體，更接近完美答案。原因係1+1>3，多人多角度商議後得出最優勝結論。仲有呀！有D組團體答案成積反比個人差，因組別成員欠缺下面態度
刪除1）開放：敢發言唔怕得罪人，敢認低威，抛開個人睇法，無分職位高低，接納群體議決看法。
2）認真：馬虎玩玩下，無針對人只針對件事用心研究。
我認同團結力量，工作需要群體通力合作，有商有量。我咪用呢種態度留言。
睇唔啱，就算平到1仙無用都唔買。
呢類走佬包好因人而異，不同人有不同物品，對一爺年輕人，帶少少東西就OK，但對長者來講帶的就會多些，可能三高藥都要帶埋……
刪除如果有個測試，要㨂2O樣野帶去荒島，都會幾好玩，但係亦都一樣，不同的人有不同的需要！！雖然唔知你噏乜東東，當一個心理測驗題都唔錯……
富貴老人森哥拎走夾萬入面百両黃金寶石都好笨重。
刪除『我未出世前』……屋企舊陣時住木屋（易燃）常發生火災，好快燒埋嚟，係走過好似3次火燭（燒咗搬3處不同地方住），最後上石屎樓（政府七層徙置區）話好安全，所以，認為住樓好安全。
獅子山木屋區火燭，我住橫頭磡隔老遠，有火屎飛過嚟，阿媽都好驚青要執"棉胎”走佬（係窮到身無長物，棉胎好重要，哈哈！），我哋都笑佢。佢感受過火燭威力有幾危險，警覺性好高，特別帶住9個子女，一個都不能少。
我住屋苑聽到警鐘大响我唔郁架，大多數誤鳴或小部份困升降機，依家，有外牆裝修就要驚驚！
咁又係，富貴森伯把百両黃金寶石放在月餅鐵罐裡，要走難都重過人...兼且森伯又弱雞，想搬走黄金寶石都難~~~~~~
刪除剛啱去了和平兄的網誌一看，都說小時的居住環境容易火燭，你燒過三次咁嚴重!!!畢竟都是人生經歷，石屎樓都起碼穩陣些吧~~只要有人不經意，木屋區真是很容易有火警，煮野，漏電，小朋友玩火，有人食煙...統統都有機會搶火發生火災~~
俗語有話：父母心勝萬金，一爺媽幾重的綿被都要拎走，就係驚冷親自己個寶貝一爺仔啫!!!!綿胎都燒埋，冚都冇得冚...
以前的人好堅強，遇上什麼事自己都會背起，你可以話逆來順受，我覺得是逆境自強...
我也是一樣，聽到警鐘響都係唔會在意，覺得是誤鳴，困升降機，試警鐘!!!!可能自此之後都會打開門望一望~~~~
斷捨離生活就算盡毀損失都係最少，再建設都用最少錢，無咁傷痛心悒都好呀！
刪除為咗要多D老人金就喺屋企存放幾大箱銀紙避免查到銀行賬目，揸現金都有風險。
第一次唔知政府有接濟災民（因以前無架），第二次就去登記，政府只喺新蒲崗劃一丁點地，自己買材料搭建，有街水喉但無電，照明靠火係危險源頭。最終就可上樓，周圍環境未完工仲係地盤沙地無路要瀡落去才到大厦入口。
我係用無火電磁爐，最長煲15分鐘就放入真空煲燜熟（包括雜豆糖水）。我原意係節能慳錢省時，撞啱好安全架。另外，我轉回發聲水煲和暖水壺古老派為省電，唔係常開自動恒温電熱水壺，唔使驚恆溫器和温度保險絲壞咗長煲引致火燭都好安全。要讚我高瞻遠矚。長插電只有雪櫃和上網電器。
常地震日本從小就灌輸走難知識，學校/公司都有演習，熟習就好鎮定兼無遺漏。我家裏常備2周乾糧被困屋內都唔會餓C。我喺大陸工廠都按法例有走火警演習。咁屋企自己都要演習下。
啱啱投票收到政府心意咭都註明係AI生成圖，起咗行業帶頭作用，插畫師人數將會銳減，要睇路行喇！一路好走。
煙頭起火，禁煙改批準電子煙咪可解決囉！
有時候都唔係太捨得丟太多東西，始終空間有限，現在買東西的策略，就是要找到空位才敢買新東西...
刪除森伯成副身家都係得百幾蚊，用個小鐵罐已經裝得晒...冇一爺又要揸大量現金，又要驚!!!!
如果有乜事，跟大隊最穩陣，當有人收到風有野派，有救援物資取，都可以即時知道...
一把火都燒晒很多家當，仲邊有錢自己去買材料搭建?!!!以前的人生活唔知，子女都完全感受到見父母親的艱辛，所以以前的子女都較為孝順...知道一爺都曾經照顧年邁的父母，所以我都斷定一爺係孝順仔，相對現在的人，子女情薄弱，一話有得遠走他鄉，都唔理年長的父母了，
以前的政府加社會，樣樣事都未必會做到完善，社區的建設是一步步來的，冇得急進~~~
人人都介紹電磁爐好用，搞到我都想買個電磁爐，乜唔驚電磁波?!!由其看到大埔火災，防火的意識強了...
我煮豆粥好慳時間，用一個電煲仔就可以，不是每種豆都易煮，綠豆，眉豆，脫皮鷹咀豆，扁豆...這幾種好易煮熟煮稔~~~
日本人對逃難有意識，所以很多應有的知識都知道，走佬袋一定唔少得~~~
即食的乾糧好重要，危急情況下不能夠煮，只可以揀些即時可吃的東西，餅乾，法包，肉乾，堅果類...走難都要多種營養!!!!
插畫師人數將會銳減...森伯年紀老邁仲驚乜，都準備深山退休啦!!!!本身森伯不是全職畫插畫，是版面設計員!!!!
唉！人禍，真的一言難盡！
回覆刪除對，現在都要搜證，等警方調查，誰要負上刑責!!!!
刪除森兄都諗得好周到，準備定個「走佬袋」，走都走得快啲，不過，每個人最重要的東西不一樣，就按自己需要而儲備好了。今日電視訪問一個從那座沒有燒過的家中取回哪些最重要的東西，那人竟說「遊戲機」....哈！真係頂佢唔順！😂
回覆刪除謝謝，諗得周到一向是森伯會做的，諗多一步，有危急時都可以有點幫助...都冇和平兄的內容咁充實!!!
刪除的確每個人都有自己的標準，認為帶走什麼最重要，我的構想都是一個參考而已!!!
我都有睇呢個訪問，其實這個時候唔應該咁答...佢仲笑笑口!!!當各人家當被燒毀，仲邊有心情玩遊戲機!!!
認同，雖然他幸運沒有燒到，但總應該要有同理心，想想那些家破人亡的街坊聽到會有甚麼反應。
刪除都有很多人未必會有同理心，認為事不關己，輕鬆對答又冇所謂，其實能夠在這場世紀火災走出來，已經抺一額汗！！
刪除多謝森伯的分享，遇事冷靜，對己對人有好處，不過倉忙間難免失諸沉著。
回覆刪除不用客氣，這只是我給大家一個參考，每人要帶走的都有不同...
刪除這袋子可以放在方便拿走的當眼處!!!
大埔宏福苑的居民已經居住了40年，想不到一場大維修，人為失火造成連環烈焰，傷亡慘重 !
回覆刪除不錯，我們的逃生方案，真是要好好的設計一下。
我諗冇人會想到大維修，都會釀成慘劇...真令人氣憤!!!!
刪除但今次事件後，好讓人們知道維修規格及安全的重要性...
逃生事宜，需要早些準備!!!
正是「急驚風，遇著慢郎中。」舍下有不少衣物和文件紙張，都是易燃物，到了今天都未曾大事清理，說什麼逃生包，影都都未有。 幸好住得不高，有事起嚟 樓梯都走少d。
刪除現在大家聽到什麼易燃物，助燃物都驚驚，一向都應該執捨吓家居，保持有空間走動，若遇什麼情況，都可以逃走順利，很多事情都要做好準備，這點都要注意！！
刪除有備無患係好的方案
回覆刪除做好準備，到有需要的時候，都無咁驚！
刪除多謝無你的分享，也許哀悼期，一切回復正常，希望政府能處理今次這件事的善後工作。
回覆刪除只是個人的意見分享而已，世事沒人能預料，能及時作好準備，到有需要時都可能幫到自己......
刪除森伯伯的「走佬袋」真是好介紹。是的，人們往往都不在意「意外」的意外，往往沒有預先做準備，所以森伯伯的提醒和推介很有必要，老牛將學習，做好「逃難」準備，保命要緊。
回覆刪除謝謝牛兄讚賞，走佬袋的預備是好看個人需要，有時意外到來冇人能估計，大家只能做到就是預先準備定，當有刻要用到或可幫到自己...
刪除其實走難袋，簡單幾樣重要的就可以，若然搬到好似迷你倉，仲影響逃生......