今早睇到一篇文章，大致是講有幾種室內植物對家居不錯，相信大家都會估到，來來去去都是什麼淨化空氣、吸甲醛、吸油煙之類的功效...不過最主要睇睇有冇自己喜歡的室內植物在內~~
有些人認為有花植物會比較靚，可以觀賞，但花朵往往都係得幾日貨仔，不能持久欣賞，所以森伯比較喜歡常綠植物，感覺比較長青~~其實一路以來，森伯家中都種有室內植物，先是富貴竹、後來都種有黃金葛...這些都比較易種，而近這幾年，忽然變了植物殺手，種什麼都枯什麼，搞到都沒有興緻再種了...
俗語有話：那個阿伯不多情，都有好幾種室內植物是喜歡的，有文竹、網紋草(小白菜)、常春籐...這些多數用泥種，而事實我比較喜歡水種，打理容易也較衛生...其實在家居種些植物很好，除了吸收一些負氣之外，還可調整一下身心，種得好個人都開心些...
相片是舊照，現在家裡沒有真植物，仿真植物就有，貪它們不用打理!!
初初搬去馬鞍山時就新屎坑買植物點綴間屋，我都係三分鐘熱度，又怕惹蚊蟲，好快就無咗，現在，只剩2枝富貴竹。
回覆刪除我已經被山巒環抱住，窗外一片綠地一片藍，唔似人哋住石屎森林中需要在家增添綠色。
為滿足双親願望（唔係我），新年會買水仙頭自鎅，得到佢哋讚賞花好靚、好香我就開心。
我諗我會考慮嘅係驅蚊草。
好多人都會新屎坑買植物返屋企或辦公室擺，養得不好就會好容易枯...泥種好容易惹蚊仔，所以我比較喜歡水種植物!!
刪除初時都常買富貴竹，不過現在的富貴竹好容易就枯...富貴人家的居住環境係好啲，綠草如茵比較接近大自然~~
森伯的家中少陽光入屋，除左夏天又兼且西斜熱，不過分分鐘曬乾植物，又因為唔想家裡太潮濕，冇再種植物了~~~
如果要種驅蚊草驅蚊倒不如買盞滅蚊燈可能仲有用...哈哈
馬鞍山有過渡房屋、公屋、居屋、村屋、夾屋、私樓，有富人偏見嘅森哥，貧富都享有同一樣環境！
刪除唉！有冇植物係擋刹架？呢個九月接二連三出現問題，首先幾十年身體壞咗、接着9年雪櫃壞咗、最後（希望係最後）4年路由器壞咗，壞嘅嘢都好頭痕嘅，好黑仔。望打風無事啦！
貪低價一直用三星，想續緣，可惜4間店覆代理無貨，但有1黑店話有，我急用，佢想呃我/錢。好彩發現部好嘢！多幾百嘅減價中日立牌，佢冰格更大正合我意，而且第一次用冰格在下面嘅，用起嚟分別唔大。二天後舊雪櫃有上門免費回收，我塞喺玄關口。點知店舖甩轆報錯回收洗衣機。
上次部$100 D-Link用十幾年，今次$315 D-Link短命4年，睇完一輪都係喺$299"水星”和$249小米中揀，決定網上有優惠券買小米$209。因接口和線接觸不良令我搞咗一大輪，依家好穩定。
人生充滿波折，要沉着面對。
森伯冇分人貧定富，因為人有錢，人冇錢都唔關森伯事，我只希望森伯自己早日脫貧！！
刪除我發覺有時黑開有條路，一來就幾樣黑事走過來，我成日認為黑事過後接住來就好運期，你話身體壞咗，情況嚴重嗎？咩事都可以跨過去，唯獨身體有事最麻煩……
通常換大型電器好Q麻煩，唔好話買，連棄置都一樣麻煩，早幾年前雪櫃壞了都要成個換，我成日同人講，買些長期用的電器或電子產品，唔好慳，一分錢一分貨，不過始終都係撞手神，現用的Dexx筆記簿型電腦，買的時候在官網，買回来激到現在……我用親呢個牌子都係麻麻地，日後唔再買佢！！
人生總會有波折，就是考驗你怎樣應對！！共勉之……
種花養草，可以怡情養性，我一直都有做。幾年前買了一盆黃金葛放在厠所，是泥種的，快高長大，我剪出部份用水養放在廳，原來水養的生長速度慢啲，這正合我意。
回覆刪除黃金葛真是家居植物的代表，因為它的玍長特性耐陰，潮濕，很適合擺放在家居仼何角落！！
刪除始終水沒有泥土咁多養份，水栽生長比較緩慢！！
老牛以前在職場謀生時，帶一盆細細的「金邊吊蘭」放在公司。牛太在世時會在窗前放盆「紫羅蘭」及「四葉草」。這幾年老牛在窗前放兩「瓶」水插植物，一瓶是富貴竹，一瓶是黃金葛。只是為有點綠色較為養眼。我會買液態葉質肥料，每天滴幾滴。
回覆刪除對呀，有時家居擺放些植物，都是增加點點綠意，養養眼……
刪除牛兄講起窗邉的植物，不其然令森伯記起細時，家裡的窗邊吊著一盆叫太陽花的植物，這花朝著陽光生長，毎早都會開花，但花的顏色每日不同，到黃昏便會枯，很有趣的植物……
朋友送我粗生的蘆薈，佢幾個月都不見生長，但又不枯死，我都是不懂得養生佢哋。
回覆刪除′蘆薈生镸很慢，似耐乾牲高的植物.，如仙人掌等多肉植物！！
刪除新鮮蘆薈很多用途，據講可治燙傷皮膚，䕶膚最得！！
我最鍾意文竹和紫蘿蘭 , 以前住九龍種得唔錯 , 反而現住新界就種唔到 .
回覆刪除文竹也是我喜歡的室內植物之一，不過難種得好……
刪除植物種得好唔好，好睇環境因素！！
以前我老豆都有種，不過我阿媽話惹蚊所以就冇再種了。
回覆刪除我諗在家裡種植的人，最怕就是惹蚊蟲，若果轉為水種，應該會比較衛生易打理...
刪除