正所謂有森唔怕遲，十月都係拜年時，既然新正頭都係講講有關新年的東西~~
唔知大家blog友家中仲有沒有擺放攢盒呢?!!其實當中的食物都很少食，很多時都係做吓樣~~不過現在都算好，很多糖果都有少少賣，足夠就可以了...大家過門都係森伯的客人，順道都要講句：搲銀，搲銀...
過年都係講意頭，食糕都係其中一樣，寓意"步步高升"，今年吔糕都吔到肚仔滯滯，唯一消滯都係要做吓運動，散吓步行走15分鐘都唔錯~~今年基本有的糕都食過，不過有兩款糕想介紹一吓，我今年都有買返棗茸糕，食過的人都話唔錯，蒸完後熱熱軟軟，勁好食，睇過佢用料都OK，而且保存期至1月底，當然未必太快食晒，結果都係搞到發髦髦~~~即是防腐劑落得比較輕手~~~
另一款是自家制發糕，與新年有關都莫過於將賀年食品加在內，今趟就做了個開心果椰子發糕，厡味，不甜，而且冷藏就放很久都可以，今個年頭仲唔發、發、發!!!...
森博再祝大家今年有個...發大財、發展好路數、發放好心情...的一年~~~~
森伯都好傳統！過年的「儀式感」唔少得！新春期間當然是要講祝福語、吉祥語，祝森伯蛇年遠離病痛、身壯力健、事事順利、時時平安！
回覆刪除謝謝牛兄，我都祝你新年事事順利，身心健康愉快!!
刪除不知牛兄會否認同，過傳統的節日，怎樣也要有些傳統的東西才有氣氛，擺放攢盒是其中之一...更何況森伯屬於咸豐年代的人~~~哈哈
攢盒就冇放好多年嘞，費事又係自己食番哂，壊肚皮呀！不過我都自己整咗兩盆棗茸糕，一盆送比人，一盆自己食，但食完之後我都冇高到....，無論如果，只望血壓唔好咁高。😂
回覆刪除攢盒對農曆年具有象徵意義，無論當中的食物會否吃完也好...通常揀糖果一般都揀些自己會吃的...
刪除哈哈，相信和平兄的棗茸糕必定食到個個大讚!!!!
人上了年紀，身高唔高唔係重點，最重要是三項身體指數唔好高高高，就感恩萬分~~~~哈哈哈哈哈哈
開心果椰子發糕，好叻啵！
回覆刪除現在拜年都在酒樓，攢盒冇放好多年，只有年糕及蘿蔔糕迎新歲，好好保護牙齒已經好多年冇買瓜子。
多謝stella讚賞，家中有久放的麵粉，怕會變質，所以趁過年就做個勁簡單的發糕~~~~
刪除我諗現在都有幾多人已經唔咬瓜子了!!!!不過家中仍有開心果應節~~~
祝人日快樂。
回覆刪除祝人日，人人生日快樂~~
刪除森伯,真是趕上潮流，無論雪糕、蛋撻、麵包、蛋糕只要加上開心果，就好多人去排隊，開心果熱爆。
回覆刪除係呀，最近多了很多開心果味道的食品，話時話開心果都冇什麼味道……有機會都要買來試吓！
刪除自制開心果椰子發糕好看, 食得健康又好意頭 , 發發發恭喜發財 !
回覆刪除謝謝AK的讚賞，森老伯保證實物靚過相……
刪除過年整什麼食物都會加番個意頭名！
我向老外介紹攢盒嘅時候，除咗糖蓮子蓮藕之外，就諗唔到仲有啲乜。
回覆刪除攢盒仲有瓜子，糖果，王子英語流利點介紹都得喇，畀著森老伯講lucky food就算！！😅
刪除傳統過年，年味十足，還是自制，正！
回覆刪除傳統氣氛，傳統東西，已經賣少見少，自己可以營造出來就最好！！
刪除森源自家制 “開心果椰子發糕” 又發又開心，真是應節好意頭。
回覆刪除以前年年放攢盒(全盒)，食物放得太久不想吃而浪費掉。自從改在酒樓飲食拜年，那個全盒已經封存。
現在有一種專門用來剥瓜子的小小器皿，不用再勞動牙齒了。
都好耐冇整過饅頭糕點之類，趁過年才來整個簡單的發糕...
刪除咁得意...有酒樓飲食拜年~~未聽過，食完後就乜都唔駛準備，好慳功夫喎!!!!
而家真係好多種器具，方便人們做些簡單家常日事...自己對咬瓜子並不熱衷，反而都會吃些糖漬果...
咁得意...? 約在酒樓飲食拜年~都未聽過 ?
刪除其實我也不嗑瓜子好幾年了。
你咁樣講我才明白，我仲以為酒樓有咩生意新搞作...
刪除現在買瓜子的人大都只係做樣，唔會慢慢咬~~~~~
恭喜發財 ! 承您貴言，今年過年特別好心情。
回覆刪除祝秋葉今年勝舊年，事事順利~~
刪除森伯今年都想沾少少秋葉姨的特別好心情,,,,,,
很容易的，偶然看到周圍有滑稽的事情，都可以大笑一陣，心情自然好，都可以拋開煩惱。
刪除在生活上遇到困難，要忍耐應對。關關難過關關過。很快又一年。
當然唔係話喺公眾場合忽然大笑啦，旁人仲以為來了一個傻瓜。有些幽默感，自然笑得出。
刪除一年一度新年假要去到盡，才能洗滌令人沮喪嘅困難及病痛折磨。我都解禁亂食。
回覆刪除嘩！我要搭叮噹時光機，回到卅幾年前個攢盒才有糖霜蔬果漬，森哥仲買，好長情呀！唔怪得咁多人爭住錫森哥啦！
森哥黃金推介有好多網民𥄫住，等年後割價再次入貨。
新年喜訊就係土炮 Deepseek 打破美國AI壟斷，無浸鹹水工程師短短2年花600萬美金用廉價慢吞吞晶片打造迭代AI，仲要迫到OpenAI要Open，另外，祖克伯格召開緊急會議都搲晒頭唔知班𡃁仔點搞出黎，佢百億LLaMa凍過水。夢中笑醒！
一爺今年去左邊?!!...年初十二先來森伯家拜年~~~哈哈
刪除如果唔係因不適而戒口，大時大節都可以盡情吃多點點~~
就係多幾個一爺呢類"時尚青年"，搞到每年新年都冇咩氣氛，買少少糖漬果又話要搭多啦A夢部時光機...簡直不知所謂!!!
哈哈...你講的黃金推介係乜?!!
我覺得會否外個班搞AI專才想"過河都要濕下腳"呢?!!明知以好平的成本可以做到，但吹到要好貴攞多些撥款之類......
除夕已拜過早年，祝蛇乜蛇物…森哥D記性差咗喎！
刪除怕多留言加重病情吖。森哥好翻？
駐港。
卅幾年前揸fit人仲係死鬼老豆。“簡直不知所謂” 要森哥落去下面同佢傾啦！哈哈！仲乜唔用腦架？
人類不斷變化進步，袪漬唔影響氣氛，餘下日子唔多，我不管傳統和世俗，隨心所欲，活出真我最開心，但我會容納不一樣的我。
森哥推介棗茸糕。
AI係新嘢讓大家摸索，存在好多可能性，美國佬真係無知。禁制售賣高端晶片成就左新一代便宜AI模式喺中國爆出，環境所迫～方法總比困難多～無硬件改軟件。
中國近年才有錢花去培植大批人才，啱啱好係呢代結果豐收，進身科技強國。唔係舊陣時考試機器、高分低能…
新年流流仲提森伯的腦退化...
刪除都未好返晒，痺痛有改善，不過手指指仍舊未復原~~~
真係唔好意思，新年都要摷返一爺老豆出來講...你真係高估森伯伯，要落都係一爺落先啦，森伯伯點知一爺老豆係邊個什麼樣??!!
活出真我同過節有乜關係，我認為一爺做人做事都好喜歡畀藉口自己~~~
棗茸糕唔錯，有機會你都試吓...
中國的崛起，實在有太多的可能性，分分鐘都有很多你意想不到的事情發生，很期待國家可以繼續進步繁盛起來~~
我家是沒有攢盒的，因為不會有人來我家拜年。過年，只會擺些花，吃點糕而已。
回覆刪除想知道甚麼是發糕﹖
現在很多人過節，可以簡化就簡化，太多繁鎖的事情都可免則免，因會有人來拜年，所以個攢盒都要得體少少……😁
刪除細個都好鍾意食發達糖😬
回覆刪除森伯冇記錯，發達糖味道同瑞士糖有些類似……
刪除不知不覺已經係正月十七，攢盒剛好收埋咗。
回覆刪除發榚都識整俾個叻你。
基本上一到正月十五後，便把攢盒收起，已經習慣多年了……
刪除先謝謝Man Man的讚賞，森伯做的發糕好簡單，重點係發酵是否成功！！