平時對早餐真係冇咩要求，越簡單越好，到假期周末才可以整一個較好的早餐…以前的人會食早飯當早餐，唔知何解，一諗早飯就會聯想到梅菜肉餅飯或者薑絲蒸雞飯之類，晨咁早真係陣陣飯香…不過我又冇食早飯的習慣，至於早餐飲湯就更加少，除非配些西式類型的食物…例如麵包，芝士，炒蛋等…
既然有剩湯，就不如留少少當為早餐，有個薯仔蛋湯就梗係配些麵包，如果有時間整個麥包蛋治都唔錯，若加片芝士生菜就更正喇！！不過我冇準備太多，搽少少牛油都已經OK，當然最重要翻熱個湯，湯一定係熱先好飲！
今個醒神早餐都幾飽飽，加上滾湯首選的薯仔蛋湯就perfect！下次若然可以加多個炒滑蛋整個三文治咁就豐富晒啦…
有時屋企飲剩啲蕃茄薯仔湯，我第二朝早都會整番熱嚟當早餐食，通常都整多件多士加少許牛油嚟食，除了食pizza外，平時很少食芝士，有時食麥記啲飽，我都走芝士。
回覆刪除係啦，通常有剩湯先當早餐，平時唔會~~
刪除芝士我OK...尤其有時早餐用片芝士夾在麵包裡再弄熱來食，就會覺得另捨唔同好好食!!
如果食Pizza冇芝士，咁就失了薄餅的滋味...
薯仔蛋湯
刪除好
以形補形
咁補邊鼠呢?!...森伯個薯頭薯腦…哈哈
刪除我是懶人，早餐去麵包，習慣了！發覺去旅行在酒店也經常吃麵包！
回覆刪除港人的早餐一般都必定吃麵包，都習慣了~~不過近來我唔食太多包，多了吃饅頭...
刪除喺屋企食嘅我得兩款早餐，平時食三合一咖啡/免煮燕麥片/提子乾/芝士加個生果，斷食日就2隻溏心蛋加半條香蕉，係咪覺得我好悶蛋呢！
回覆刪除個滾湯好清喎！啱曬做人一樣咁清高嘅森伯。睇你都唔會煲老火湯飲啦！
睇你早餐的餐單食物都幾健康，不過三合一的即沖品就麻麻，逢三合一的飲品都加糖精或奶精，不如買咖啡粉,奶自已沖仲好...
刪除我仲以為你會食兩隻蛋加整條蕉，食半條蕉剩返半條擺落雪櫃第二日食??!...
咁口乖...現今社會清高都冇乜鬼用~~森伯只是凡夫俗子咋...
年紀大一周飲一次阿媽的老火湯都夠啦~~
見超市半價咁鬼扺($20/42包雀X牌)咪買定一大堆畀人哋，但係，人生係充滿異數，陰差陽錯，最後，我要全數哽返曬，睇怕要食成年至清得曬。哈哈！孽隨身，有因必有果。
刪除斷食日限食2份生果，想三餐飯後都能嘗到甜頭，唯有咁樣，揻開放入盒內，室溫存放待下餐享用。哈哈！好怪。
我幫人買東西或者請人食東西，有時都會預左人家未必啱，所以買之前都諗吓啱唔啱自已食...萬一要自已哽晒都哽得舒服啲~~~~哈哈哈，起碼都唔會浪費...
刪除斷食日可以食兩份生果??!!我以為斷食乜都唔食得!!!咁斷食後你有冇咩親身得到的益處??
好識諗，我要學。
刪除全名叫間歇性輕斷食，唔係禁止食嘢呀！輕者係要食少少嘢架，健康消脂。
研究結果話會減輕體重，促進血液循環，幫助控制血糖，降低壞膽固醇，幫助預防老痴，疏解不良情緒，減少患癌風險，增強免疫能力，修護細胞。
禁食之所以會帶來健康效益，是因為禁食可以降低胰島素以及與癌症和糖尿病有關的另一種激素：胰島素樣生長因子-1(IGF-1)。降低這些激素可以減緩細胞的生長和發育，從而有助於延緩衰老過程，減少疾病的風險因素。
防止小鼠患上中風、阿爾茨海默氏症和帕金森氏症，並可將其壽命延長30%
可以讓身體合成更多保護腦細胞的蛋白質，增強其修復受損DNA的能力。
讓全身的細胞都更強壯，加強它們對以後的損害的適應能力。
減重以消脂為主，肌肉留失少許。
難得一爺兄要向森伯學習喎…
刪除通常寫斷食的文章都係講到好好，但你係親身試過斷食，咁有冇咩覺得好好呢？！我認為唔舒服有病的時候，都唔會食太多或太飽，減少消化時的負擔，所以有時病人都係儘量食清清地…
斷食係唔錯，不過我又未試過實行，有機會或者會試試…
係大學嘅學術研究結果，唔係江湖賣藥噏得就噏。
刪除我嘅反應係肚腩細咗，脂肪肝冇咗，血壓低咗，所以，好有成功感，影響心境都開朗埋，感覺心身都健康。轉咗呢個飲食習慣後，都未試過傷風感冒，好似增強咗扺抗力。
森伯平時都好注重飲食，冇食多咗嘢，身材標準，唔係肥人對呢個斷食法冇乜作用架，跟咗等於食唔夠嘢，仲會攪到營養不良，反而影響健康，唔啱你喎，有機會都唔好試。
聽一樣東西好定唔好，未必會信佢講，有熟人體驗過當然會信喇…
刪除看你的效果真係幾好，最緊要係你個肚腩仔細左，能夠控制血壓唔易架！人的腸胃在適當時候休息下都需要！！而且仲要抵抗力好左，呢樣人人都啱…
森伯雖然唔係肥人，但以前聽環保達人周兆祥講有關斷食，佢咁瘦都實行斷食，照理都冇咩唔適合…現代人就因為食得太多，所以抵抗力弱了和肥胖，間中畀腸胃休養生息，對人的健康都好～～
我覺得周博士走火入魔，睇過佢啲短片，我唔多認同佢嘅見解。 佢好似啲女人減肥，減到患厭食症咁，佢追求健康生活，但係，我覺得瘦到落曬形，一啲唔健康。
刪除周兆祥博士嗰種係崇尚自然，唔想畀人感覺太過造作，太過城市人…所以就冇咩裝扮，睇落真係有種原人feel，唔係咁多人接受到…回歸大自然就要有些東西要放棄，換來鋼條型的體格就係佢的理念卦…
刪除咁森伯認同環保先峰『食生』嘅理念，會追隨佢咁做。
刪除完全生食一定唔會，能夠日常找到生食的就只有水果或某些蔬菜，所以每日都會食...
刪除早餐飲湯好似怪怪的。
回覆刪除我都覺得怪，不過唔想浪費，清除一下D剩餘食物~~~
刪除麥包蛋治和炒滑蛋三文治我都like
回覆刪除早餐飲清湯比較少,但會間中開罐粟米湯或忌廉海鮮湯煮麥皮
食蛋治對好多人來講都啱胃口，若加杯奶茶或咖啡都唔錯...
刪除開罐湯煮麥皮?!...真係幾特別，粟米湯都OK，海鮮湯真係冇諗過，聯想起碗麥皮腥腥地...畀我會用來煮通粉~~
知慳識儉係美德，值得俾個讚你。
回覆刪除可以食的東西，其實都唔應該浪費…
刪除用餐時湯配包，像西式食法，中湯配西包，應是中西式食法=P乜式都好，最緊要鍾意，食得開胃。
回覆刪除其實只要個湯加個蕃茄就會變成羅宋湯，薯仔又稱為洋芋所以都唔算中式湯水…正如你話食得開心、開胃最重要！！
刪除食早飯是自古以來的飲食習慣，現代有些人連早餐都不吃了。當然這不大好。
回覆刪除我的生活很隨意，上午吃一餐或兩餐，沒一定。但是多數是一碗熱豆奶，一個水煮雞蛋作早餐，很簡單快捷。
偶然也會以熱芝士放在麥包上吃。近日喜歡了吃寬條麵，雞蛋之外，也有加上十粒八粒小小的江瑤柱。有菜時梗係要加些菜啦。
我相信以前的人多數務農，一個早飯對增加體力好重要，所以朝早食餐飯個人都精力充沛，或者都係一個習慣，但相對現代人時間緊迫，早上都冇咩可能整早飯，有時間都寧願訓多陣…
刪除你個早餐唔錯喎，簡單得來又夠營養…近來我的早餐多煮薯粉，都係十分簡單而且又係熱食，加些什麼都可以，又有飽肚感…
森少說得很對 ! 古時中國以農立國，一早起來吃個早飯，出去開田就會氣力充足了。
刪除如果昨晚有可口的餸菜和剩飯在雪櫃，而那一朝早比較餓的話，我就會把飯餸弄熱來吃掉；如果早上有點兒餓的話，就會喝碗熱豆奶和雞蛋。如果那朝早不想吃東西，就索性不吃了。如果有時食滯了，就要少吃兼喝消滯茶。
對呀～農務工作，都要有氣有力，吃早飯夠飽肚做起事來都有幹勁！
刪除現在自己整早餐都是以簡單為原則，都不想花太多時間～通常麵包一定有，總之吃過後有飽肚感就停口…
你的早餐很正，熱豆漿好好味…會自己磨豆漿還是買現成呢?!!
我沒有森少的要求咁高，家中亦無買絞拌機。都係買高身紙盒的豆奶，寫明是用有機的一級大豆製造，沒有機因改造，無添加防腐劑的。
刪除如果自己買黃豆，也不知會不會買到一些機因改造的大豆哩。
牛奶是時常榨取母牛的奶汁，是很不仁道的事，而且牛奶會令人敏感。我有些親戚是完全不吃牛肉的。
刪除家陣很多人都認為攪豆漿麻煩，所以好多人寧願買現成豆漿，實在方便…
刪除自家磨豆漿都唔錯，做落唔算麻煩，而且即磨即飲都好健康…若然唔嫌貴，可以買有機店的黃豆，佢都標明非基因改造…不過豆漿只是當早餐，唔會太過花巧，買紙盒裝好過…
牛奶現在都少飲，正如你講不仁道養牛去榨牛奶，至於奶製品都會食不過只是間中…
首先是外國鼓吹飲牛奶，說有很多的好處。當然，羊奶、牛奶都很有益處，看到羊仔和牛仔的健康成長就知道。
刪除可是，近日有研究報導指出，有些牛場主人會餵牛隻喝一些催乳劑，以便汁液充足，可是這些催乳劑都不是正常有益的東西，它或會帶給人們疾病。少喝或不喝為妙。
好耐以前牛奶譽為健康飲品，但人口膨脹需求的奶類製品就越來越多，所謂的供不應求，所以奶農要大量生產才夠銷量，一要大量生產就什麼都要做出，做出各種反常態的方法，對牛或對生產的奶都添加很多東西，所以現在不應太過依賴牛奶食品或飲品，偶爾吸收都冇咩所謂…
刪除早餐,吃不慣蒸飯,通常我家煮蕃薯粥或白粥,再配些小吃,如榨菜或豆豉.或是方包塗花生醬.再配杯飲品
回覆刪除通常早餐都係食些較為清淡的好，粥品係唔錯的選擇，近來我吃粥多數配以肉包或饅頭，腸粉之類，夠晒飽肚…
刪除