若然放任等如風流的話,咁節制就可能等如清清淡淡...
每逢過時過節都會比較食得多,再加上森伯又燥底,如果月餅食得多就會熱氣上火...今年月餅多,可能早餐,Tea time都繼續見到佢...所以平時都要食得涼性一點...
森伯有好介紹...一個飯,一個湯!!
呢個健康番薯飯一向都有食開,大節過後要清淡就最啱!個飯仲有糙米,紅米,扁豆,蘿蔔粒,當然有主角番薯...因為粗纖...肥膩,油膩都好易排走...
雖然淡淡口,不過勝在夠健康,任何體質都食得!可以話係太子都食唔壞~~
淡口指數:***3/5分
好多人都認為一餐要有飯仲要有個湯先夠完美,咁我都認為!!所以清淡又有益的湯,一定會首選海帶湯...有睇開健康資訊的朋友都知海帶屬於超級食物,係最佳的鹼性食物,佢可以平衡返偏酸性的體質~個人都冇咁易病~~
食海帶都好有益處,因為有天然的膠質有成份~聽人講話呢個湯對咽喉痛,不能開聲都好有幫助...
淡口指數:****4/5分
淡口的餸菜唔係個個都食得到,森伯都已經習慣了,做菜都唔需要太重味的調味劑...
睇到哩度!大家有冇發現一樣嘢呢?!!......
森伯原來幾易養~~~~哈哈哈哈
呢個番薯飯好健康,都等我試整來吃﹗
回覆刪除呢個飯好易整,若果唔嫌淡口的話,真係幾健康架!!
刪除過節食得太膩,節後係要清減吓,謝謝森兄咁好嘅建議,真係 識時務 、善解人意 、細心又無微不至。
回覆刪除咁嘅餐單要 連續食幾多日先得?
想問哩…善解人意,細心同埋無微不至同篇文章有冇咩關係架?!…哈哈
刪除個飯唔錯架,放南瓜或者山藥都得,隨個人口味…
只係當普通飯餐,番薯飯我一周都食兩三餐架…好睇個人需要~~
刪除當然講文章作者。
刪除個人需要…………指乜呢?
刪除咁又唔一定要細心,無微不致才可煮哩個飯同湯嘅~~
刪除視乎個人感覺飽滯和排便暢唔暢順而已,要的話可以食多幾餐…
就算唔係肚空空,我都成日好想食嘢,食慾旺盛,好驚做月巴族人,森師傅點算好呢?我唔做得富貴人食啲貴夾唔飽嘅,有乜平夾飽嘅健康建議?
刪除其實你自己都好多健康又飽肚的秘方, 駛乜搵森老伯指教~~
刪除或者你試下煮薯粉,用番薯粉,好快就煮熟配麵包食又飽肚又易消化,而且熱量低...
一包薯粉又唔貴,一兩個人食都有排食啦!!啱晒一爺同啲情人知已撐檯腳~~
習思廣益,會啟發我有新思維,問多啲、知多啲、有著數。
刪除薯粉未食過,係咪蕃薯磨成粉,加水?點整?
食成個好定其粉好?
十分認同~~所謂活到老,學到老嘛!森伯仲要學習的東西實在太多,所以而家仲係幼稚園生的階段...哇哈哈
刪除薯粉有好多種,木薯粉同番薯粉較多人知,木薯粉用來煮餸當獻汁,番薯粉冇咁淡,首先用水開再放落煲內滾熟,當中要不斷攪拌,加蛋液...大概十幾分鐘就有碗蛋花薯粉食...勁簡單~~
番薯成個食比較滯少少, 食得多又會放屁~~薯粉易入口又可配搭其他食材~~~
我就係想食咗飽飽滯滯,食唔落其它嘢,咁原個啱我多啲。
刪除如果放屁💨💨💨可以換來健康身體,我唔介意囉!呢個世界冇免費午餐,始終要付出少少。
你哋呢啲後生仔發緊育,時時要食到飽一飽先夠...
刪除對我哋呢類長者食七八成飽就最養生~~
你唔介意啫,驚你啲情人知己介意...唔適當時候放個P,真係幾尷尬~哈哈哈
七分飽知易行難呢! 你都知老人家一餓就手軟腳軟,冇預警幾時暈低架,跌一跤真係唔嘢少,都係時時食飽穩陣啲。
刪除真心愛係要包容對方嘅缺點。
刪除肚仔餓就暈低?!…都可能同血糖的高低有關~~
刪除成日覺得餓,除咗同發育有關外,都可能係生癪……
當然喇…識得包容好重要…
追求健康的飲食,除了是愛惜自己的身體,就是很理智和愛家人的表現。
回覆刪除其實有些食物真係唔使加油加鹽,只吃它的鮮味就好了。
其實對於森伯老人家來講,健康的飲食都是必要,都冇話要為誰人做的,為自己做得多少就多少吧~而且哩類飯餐也相當經濟實惠,最緊要唔需要用太多工夫去煮,簡單又有益。
刪除味道都係講習慣,食淡味都可以…
這麼講究健康飲食的人也不多見,真是難得。可能我們都是喜歡健康飲食,所以我也是不能接受燥熱的東西,不喜歡濃烈的味道,尤其是薑和辣。只要吃過用薑煮的食物,總會咳幾聲。
刪除綠豆加臭草就最好,我們都稱“臭草”為“香草”。如果加埋陳皮同海帶就好完美了。
番薯好有益,但係“番薯飯”真係從來未食過。只覺得用番薯來煲糖水好好食。
刪除人大了,方知健康的重要...當人訓在醫院的時候,你就會覺健康可貴~~
刪除有時見到假期時候人群迫爆急症室,不得不從生活習慣做起~從飲食習慣上注意等~~
我都覺得臭草味道好香好甜,簡直係綠豆的絕配...不過個名好唔抵名名咁香都叫臭草~~~~~~
而家的人講求健康好少飲糖水,通常用番薯煮來吃,有暖胃作用..
我都試過烚熟番薯,然後切片做早餐。如果昨晚吃得太過飽滯,第二朝早就會找生果吃,紅柿、楊桃,或香蕉都試過。
刪除不過有些飲食網,教人唔好一早吃那些水果,但我覺得想吃,吃了沒問題。 不錯,飲食得適當,醫生都不用看。
識得在飲食上知所節制,以求健康,都是個很理智的人。
刪除以前常聽人講, 生果通常飯後食, 跟住又聽人講最好早上食...所以呢類飲食健康資訊真係要自己親自認證一下先得, 揀自己認為舒服就最好...
刪除你講得好好, 飲食適當就醫生都可以見少啲~所以生活智慧就係靠在生活中實踐~~
我相信秋葉已經擁有呢種智慧~~
過獎!所謂智慧都是從生活中累積,每個人都可以。只是有些人很任性,罔顧健康,就此放縱飲食,弄得健康一團糟,自己也很辛苦。
刪除希望大家都向著健康的生活進發,活得比較自在。
生活有很多事情都要我們慢慢學習,增長人生智慧...
刪除健康養生都是要學習的一部分,但願謹守一些保健飲食原則,讓自己活得身心舒暢啦!!^^
海帶綠豆沙都唔錯,就咁煲海帶湯就未試過呢:P
回覆刪除我認為臭草綠豆先係最佳配搭,煲海帶冇味,但臭草就會好香好正…
刪除小森駛得萬年船, 吃完四黃, 吃返碗四寶珍珠飯, 再加碗海皇玉帶湯, 森體冇有怕!
回覆刪除哈哈~食四黃?!…除非KK兄請食,我諗食咗一個黃都未必有~~
刪除KK真係夠創意,下次再整就同人講,請大家食四寶珍珠飯,加個海皇玉帶湯…啲人見到貨不對名,打到森伯變豬頭……><
請問就係用海帶一樣煲就得?不用加其他食物嗎?
回覆刪除唔係架~~除了海帶之外, 仲有肉片加蜜棗, 因為有淡淡的甜味先可以護喉...呢個方係屋企人教...
刪除謝謝你!
刪除唔駛客氣…如果有人用得著都好~~
刪除吃得清淡,健康益壽!
回覆刪除但願如此,謝謝!!
刪除聽人家講:食生番薯先至會放屁,吃熟的番薯係唔會嘅。
回覆刪除如果生大食癪,顧名思義,就真係吃極都唔飽咯。
如果吃得魚生多,而導致肚裡有蟲,就可能會生癪。
食生或熟的番薯會放屁,我冇研究呀~不過都好少人會食生番薯…
刪除哈哈哈…以前就聽過小朋友生蟲(即係生癪),而家好少..所以以前有人食花塔餅,據聞話可以幫人驅蟲…
聽啲老人家講,日本侵華時,好多人餓死,又有好多人吃草根樹皮。南方好多人挖到啲番薯生食,就會成日放屁。不過,幸得地下有那麼多粗生的番薯,才保住了很多人的性命。
刪除又聽講生癪的小孩子,個肚會好大。對於花塔餅是不是有效,則不大清楚了。
諗吓當年打仗真係好慘,為了生存,大家都不惜一切盡量填飽個肚…甚至樹皮樹根可食的都盡食~~
刪除咁當年番薯的確救了很多人的性命,而家就救了很多腸道受困擾的人…
現在的人有蟲都搵西醫食藥…唔食花塔餅~~
也聽過有人講,以前的“花塔餅”真是很有效的。現在的人已懂得講究衛生,小孩子都健康好多,冇乜話會有生蟲的事了。
刪除現代的家長動輒就帶子女去看醫生。在生活上照顧週到,個個都好似金叵蘿。
而家的生活環境好了,小朋友好少生癪…正如你所講除非食魚生或不潔海產~冇喇現在文明社會,就算是小小事都會睇西藥食藥丸,為求令父母安心…
刪除身體髮膚,受之父母,不敢毀傷,孝之始也。好乖喔!
刪除其實我想講現在的父母好緊張小朋友,有小小事都帶佢去睇醫生,
刪除目的係令到佢哋自己安心...
以前 杜蟲藥係特登 整到同 細蚊仔食開嘅『花塔餅』一樣,味道都好近似, 細蚊仔食咗都唔知道,因為我細細個時冇生仔反而生蟲囉,阿媽去藥房買過畀我食。爆咗我個秘密添。😥😂
回覆刪除你而家講起令我記起花塔餅好似有兩種, 一種有藥, 一種係糖...
刪除如果你細細個就生仔, 咁就真係外星生物嘞...
憑你話自己食極都唔飽, 估計你一係就發緊育...一係就肚仔生蟲~啲蟲仔食埋你果份~~咁你細個知唔知食花塔餅驅蟲,一或以為糖?!!
唔好扮識喎!森兄個認老病真係絕症。
刪除知唔知以前啲瀉藥又整到同朱古力一樣,唔知係咪想整蠱人呢!
係因為生虫至生唔倒肚腩仔囉!
發緊肥豬肉嘛!要禁止。
知道架,想攞多粒食都唔得
你唔好蝦森伯咩都唔識就真啦~認老病係絕症你響邊樹聽番嚟架...
刪除理得佢似朱古力或吹波糖,咁大個人都唔會咩都放入口啦?!!!
逢有藥成份都唔可以食多,細路仔食一粒可能就夠...
粗糧是最健康的食品!
回覆刪除其實粗糧對我來講, 日日都有機會食到~~
刪除