2019年5月15日 星期三

畀部相機食先…



既然學習有關拍攝的東西,好自然份習作也跟攝影有關,今趟個題目就是講解有關常見的拍攝對象,當中包括了形狀,在日常中有關形狀的東西真的很多,本應要影得好,影得靚都唔難,但是亦有難度至於個難度就係要高仿網絡媒體的相片,細節就唔詳談,之後我選了跟形狀有莫大關係的三角朱古力因為容易搵,容易買,容易影


一向都好少買朱古力食,都有個疑問,呢隻朱古力仲存唔存在?!去到超市糖果嗰part,要搵三角朱古力原來都好易,而且仲有好幾種口味揀,記得好耐以前得一種,所以有時自己唔食就以為唔存在,其實就一直存在只係平時自己完全冇察覺呢隻三角嘜原來唔貴,鍾意食朱古力的人應該覺得幾抵食

買完之後就等一個適當的時候就映其實影朱古力跟雪糕差唔多,就係要保持個靚靚形狀唔容易,好易溶影食物除了要保持個完好形狀之外,仲要抵得住為食,因為朱古力一溶就想即刻擺落口,一路影一路食發覺森伯其實對朱古力都係麻麻地,因為食了好幾粒後,真係好難再食落去,實在都幾甜,人老咗平時都唔敢食太甜諗諗下咁樣算唔算為藝術而犧牲呢?!!...梗係算啦!!哈哈哈

  
影完份高仿習作之後,都頗滿意,這幅不是高仿作品,只是用來放上blog,到最後當然整排食晒,到現在見到相片都覺得滯滯地唔關朱古力事,本身係牛奶朱古力都係好好味,只係個人唔受得吃太多,補返少少飛先!!!

26 則留言:

  1. 有得食、有得玩、有得交功課,一次過滿足3個願望。

    早知call我去做助手,我鍾意食朱古力架,森伯唔使啃得咁辛苦囉,人盡其用,各有所需。

    回覆刪除
    回覆
    1. 都可以咁講,直情係出奇蛋,有得食有得反(玩)…

      豈敢叫一爺兄過來食啲影剩的朱古力呢…過門都係客,定要買番十排八排招呼一爺先叫做有家教嘛……

      刪除
    2. 大客氣都會害我,就係知你得少少我先至敢開口,我會喪失自制力一口氣掃清光,試諗吓一次過食十排八排有幾大傷害。所以,我嘅策略就係隔一排買少少零食。

      刪除
    3. 尤其零食…好多人都會一食就冇咁易停口,對我來講一排朱古力都已經好多,所以請人食一、兩排都好夠,費事吃壞人家個肚皮啦…我都係間中買些零食,都要睇吓什麼心境、情況而定!!

      刪除
    4. 森伯係咩嘢心情? 同女友鬧交呀! 好激心。 同女友恩愛浪漫! 好開心。開心、傷心、無聊……,零食萬靈丹,一服搞掂,唔包斷尾。

      刪除
    5. 做咩你又爆你啲私人事畀森伯聽?!!哈哈……無論你激嬲人或想氹人開心,零食呢一招都萬試萬靈……
      我講嘅睇心境情況…係指過時過節開P就會盡情食零食,至在高興啫……

      刪除
    6. 咁森伯依家嘅十大零食係乜?

      過節……唔係節日食品?咁會有乜零食賀端午節?

      同人有過節都要盡情食零食早洩憤。(硬要講歪)哈哈!

      刪除
    7. 你咁問真係要諗吓喎…叫我立刻數十樣零食都唔係容易…
      過時過節當然指聖誕節、新年嗰類大節慶…
      咩叫做食零食早洩憤??...又係你啲私人問題XXXD

      刪除
  2. 這個牌子,現在冇廣告容易被人淡忘。

    回覆刪除
    回覆
    1. 都係架,廣告有時對商品來講好重要…

      刪除
  3. 回覆
    1. 講為藝術而犧牲好似高尚少少…哈哈哈

      刪除
  4. 對森兄而言,係咪用筆畫朱古力比用相機影容易呢^^

    回覆刪除
    回覆
    1. 當然唔係,影幅相用幾秒鐘,而畫畫就要用些時間……

      刪除
  5. 又唔post幅高仿作品嚟睇吓...

    回覆刪除
    回覆
    1. 今次主要講三角朱古力,功課或者有機會才講...

      刪除
  6. 森兄:你多啲寫有關學攝影的題目呀!
    我一直以來都想學架!

    回覆刪除
    回覆
    1. 其實我學的攝影,只是課程的其中一環,相當皮毛,如果有心學真係要搵專門啲較好...

      刪除
  7. 以朱古力做題材影相,唔只攝影技巧本身,由擺位開始已經是藝術一部份啊^_^

    回覆刪除
    回覆
    1. 都係架...通常朱古力商製作朱古力都係以美觀為主,而且有浪漫元素,只要就0岩角度影多數靚...

      刪除
  8. 之前我很喜歡吃朱古力,特別是壓力時,吃的特別多,但自兩年前住院後,少吃了。

    回覆刪除
    回覆
    1. 你住院跟吃零食有關?!!...都的確有很多人吃零食唔只因為肚餓或者口癮,想改變一下心情也是原因~~

      刪除
  9. 因為皮膚敏感已經戒咗食朱古力好耐……

    回覆刪除
    回覆
    1. 好耐冇見喇……近況好嗎??

      我也聽過人家有皮膚敏感症狀的不能吃太甜…

      刪除
  10. 拍攝商業產品的照片,一般要求效果高清美而亮。
    拍商業相是重要的一環。

    回覆刪除
    回覆
    1. 商業相片要求一定高啦~相片拍攝得美觀吸引,可能都會影響生意。暫時未知課程裡有冇商業拍攝……

      刪除