2018年8月15日 星期三

種善因;得…動物旗仔~



我諗對於大家來講,周未賣旗已經再沒有人理會賣的是什麼旗因為有時都未必係為人熟悉的大非謀利機構,好多時賣的旗乜會物會都有~至於森伯又有冇幫手賣過旗呢?!又好似未賣過喎在森伯小學生嗰個年代(數算下應該係白堊紀年代…XXD)比喻年代久遠啫因為小學生會幫手賣旗,都算係一種生活體驗

好似過去的周末就是動物愛護協會賣旗日,其實好早我們就知,因為有親人申讀賣旗現今的父母親,很想有些活動可以同子女一齊參予,當作親子活動,目的都係想小朋友多些參予一些課外活動,閱歷都可以有點東西寫下...

通常有咩籌款活動,親朋戚友梗係第一浸贊助架啦若然好似上周六咁,撞啱落好大雨,賣旗的都幾辛苦,街上冇乜人之餘兼且要人攞錢出來又唔方便原來可以在商場門口賣,但唔可以入商場內賣我都係現在屋企人講先知咋,唔怪得好少見人在商場裡賣旗啦至於賣完的旗袋可以在附近銀行交還,又幾方便喎

記得前陣子有人提過賣旗用(發達通)捐款,最後又唔知有冇實行到,想像中都唔係太方便啦!反正拎銀包出來又唔係太麻煩,或者只係自己井底森的愚見


 今次愛護動物協會的旗又幾特別,張張都印有不同的動物圖案,賣旗之餘又可以揀你喜歡的動物旗貼,又幾有諗頭喎

47 則留言:

  1. 啲旗應該同啲卡通人物(好似冇口貓)合作,出幾款畀啲人當集郵,啲fans一定買多幾個。

    回覆刪除
    回覆
    1. 通常賣旗都要配合番個慈善機構,卡通人物又唔係咩慈善團體...況且冇口貓都唔係個個鍾意~~

      刪除
  2. 『八乂通』肯定要收手續費,捐款人又點會甘心自己啲捐獻會咁花。

    善森人更美。

    回覆刪除
    回覆
    1. 為慈善, 要唔要收手續費就唔知喇,..
      善心人更美...通常呢句都係捐完錢既人自我安慰~~~

      刪除
    2. 古天樂同慕蓮捐錢起學校,有善心,內在美顯得外在美更美。

      刪除
    3. 以我覺得, 內在美幾時都襟睇過外在美啦…但可惜人人都係睇咗外表先呢…

      刪除
    4. 咁森伯有冇嫌棄自己外表好醜?影響咗乜嘢?事業?學業?交友?愛情?
      除咗些微善心同過份謙虛,森伯仲有乜內涵呢?

      刪除
    5. 哈哈...我唔係講自己!!只係感覺每個人都係貪外表, 同做善事基本無關...

      有善心的人可以唔靚, 但冇愛心的人就算幾靚都令人憎厭~~
      有冇內涵唔係自己講, 係身邊的人來講...
      森伯雖然係醜男, 但勝在有同理心...咁算唔算內涵?!!

      刪除
    6. 先有智慧同理心...才算有內涵 !!

      刪除
    7. 你我距離咁遠,唔喺你身邊,我咪要忍口,內涵呢!要留番畀森伯枕邊人講喇!

      森伯有幾醜?見到會發惡夢嗰種?我估好輕微。

      刪除
    8. 同你哋班blog友日日吹水,感覺就這麼近…其實就那麼遠~~~~><..
      有冇內涵又唔一定枕邊人先講得到,認識得耐的人們都知啦!!

      你又估錯喎…唔係輕微…係慘不忍睹嗰隻~~~XXXD

      刪除
    9. 符合唔到 『身邊人』 呢項要求, 唯有要忍著淚說唔知啦!

      係咪醜到被人封為『森魔』,但係又有愛心捐錢買旗仔,好似奸人堅咁樣,成日畀人誤會為 十惡不赦 喺惡人谷長大嘅小森兒。

      刪除
    10. 有時唔知咁多咪仲好,所以森伯間中要扮吓懵伯~~
      森魔…咁又冇咁誇~~醜樣唔係罪啫,咩叫做十惡不赦咁嚴重…一爺兄啲番書仔好多中文字都形容得不恰當…反而幾like小森兒~~

      刪除
    11. 大夫, 懵又有咩食療可以調理呢...:P

      刪除
    12. 深水懵仔魚
      以形/名補形/名

      刪除
  3. 我呢邊只有少數慈善機構有賣旗活動。
    其它的多會在網上宣傳叫人募捐,並過數落專用戶口!

    回覆刪除
    回覆
    1. 反而得幾個慈善機構可以賣旗都好,市民可以捐得放心...太多旗賣有時咩會都唔認識~~
      我覺得官網捐都可靠啲,因為網上好多都做假...

      刪除
  4. 我曾經幫忙賣旗、賣慈善券,我相信賣旗活動不會再維持太久,因為會有更先進的取代,賣旗的確是生活一個好體驗,看到人生百態。

    回覆刪除
    回覆
    1. 我都試過賣慈善獎券,但又唔會四圍兜售,所以得個賣字...哈哈哈
      我諗賣旗活動都會繼續保持一段長時間,可能賣的形式都會電子化~~
      當然喇,賣旗都係一種體驗...

      刪除
  5. 呢個設計幾好,突出到動物主題。

    回覆刪除
    回覆
    1. 係呀~動物有好多種,正正代表什麼動物都受到保護…

      刪除
    2. 清涼海底椰就聽過...哈哈

      刪除
  6. 買旗用(發達通)捐款,最後好似冇實行到....
    我試過...冇散紙,銀包得一百蚊之類,冇理由畀一百蚊買支旗仔㗎嘛!!
    我問佢可唔可以用八達通? 用(發達通)捐款,真係方便好多囉! :P

    回覆刪除
    回覆
    1. 冇實行到都明白,因為捐款者的捐錢銀碼都唔同,售旗的又要帶多部嘟錢機呢...
      諗下都幾麻煩,不如用返舊有方法最實際~~
      我都估到啦,KaKa個銀包多數裝大紙...至於十元,廿元,嗰啲放在屋企個散紙包劈埋一邊......哈哈

      刪除
    2. 咁都俾你估到…@@
      我好怕袋住啲重疊疊嘅大銀散紙,都唔係淨係得嗰啲大紙嘅,有時都有十蚊廿蚊嘅,不過習慣咗就係一次過增值500蚊八達通,係想方便搭車返工,同有時冇帶飯去canteen買飯食,就咁嘟一嘟方便啲咁囉!:P

      刪除
    3. 我都係照邏輯推理啫…哈哈
      一向都知KaKa知慳識儉,理財有道…因為平時返工洗錢又唔多,除非諗住收工去街街食嘢買嘢…否則都係袋住幾舊水應急就算…
      有時覺得發達通就係太方便,嘟錢在不知不覺間,好快使晒又要入…冇搞自動增值,變相麻煩咗…

      刪除
    4. 哈哈!我有時都會失去理智胡亂
      買嘢㗎!
      有人說太過知慳識儉就是對自己刻薄,世事難料,也許不知在何時何日,在沒有享受過什麽便與世界道别了,所以適當時候都要對自己好啲呀!
      理財有道是要懂得開源節流,只懂
      知慳識儉(節流),不懂開源怎會是一個理財有道之人呢?:P
      係呀!尤其去超市買嘢,不知不覺間就好快用曬啲錢㗎啦!
      我都冇搞八達通自動增值嘅!總係
      覺得冇乜安全感!哈哈!

      刪除
    5. 每個人都會偶爾間失下常性亂買野架啦...都講得對,有時花錢都係善待自已的做法,不過對於一般打工仔,
      善待自已都不外乎食豪少少,買下名牌衣裝用品,頂多都係去外遊...去食去玩都算善待啦~~

      其實事情有兩睇,明日的事無人知,但有些人會居安思危未雨綢繆,對佢地來講都係一種安心,人各有志各適其式啦~~

      通常用發達通買野,D錢好快用晒,尤其去超市...所以在適當時候才嘟,平時都係畀Cash多...

      刪除
    6. 咁大夫對呢類間中失常症有冇咩湯水煲嚟飲吓…

      刪除
    7. 咁簡單, 有機會煲來飲吓…

      刪除
  7. 講返森兄果個白堊紀年代我好似都有賣過乜乜慈善獎券,以前頭獎好似有層元朗樓....XXD
    三張旗都好靚喎,貓狗雀都幾可愛,森兄果然有善心!
    星期六如果早出街我通常都會袋定小小散紙,費事到時先摷:P

    回覆刪除
    回覆
    1. 當年白堊紀年代的獎券係層元朗樓…係真嗎?對而家嘅人來講,真係不可思議…我記得當時的獎券頭獎都有部豐田車…可能森伯個思想早熟,唔信呢啲獎券會中,一般都好少理…

      自己親人叫到都會買,機構係幫助動物,都算有意義…
      原來gael兄都好有善心,袋定錢諗住買旗…

      刪除
    2. 以前小學老師會每人派一疊獎券回家去賣,忘了是什麼慈善體團...:P
      我通常都會賣,但有時都會留意係乜慈善機構先,驚有啲會呃人!
      小朋友老人家果啲一定要賣啦係咪^^

      刪除
    3. 如果慈善機構, 搵得學校去賣旗,賣獎券...都會放心買!!我記得小學又未賣過獎券,
      只是有些宣明會等來呼籲捐下錢...

      而家賣旗有好多機構未聽過, 唯有諗清楚先去捐, 又唔會乜善事都做一餐...
      我捐的慈善機構多數是病痛傷患等...

      刪除
    4. 老師會每人派一疊獎券……是「明愛獎券」!

      刪除
    5. 呢個冇咩印象,學生時代又好少幫忙賣奬券~~gael兄可能知...

      刪除
  8. 小學時全校幫“東華三院”賣旗仔,我班的老師好好,他到處巡查我們的情況。
    *
    第二次就係賣獎券,團體裡屬於我隊伍個阿頭對我說:「使乜出去叫人買吖!自己買番就得啦。買唔晒,就回尾。」結果我除了自己買,第一張很辛苦才賣得出去。幸好當時我老闆叫他讀中學的小弟全部拿了去,他的同學全都樂意買下。因此輕鬆解決了。
    *
    第三次要親身上陣,看盡人生百態! 也是畢生難忘的一天。

    回覆刪除
    回覆
    1. 老師恐怕有學生迷路或失踪,所以全程要睇到實…咁都好家長可以放心…
      不過以前的人都好熱心買慈善獎券,因為每張都係幾蚊,做善事之餘仲可以玩吓抽獎,致於而家的獎券就冇咩價值高的大獎抽,而係好多熟悉的食肆,家品店優惠券…

      通常看賣旗看似簡單,當自己去做可能別有一番體會…

      刪除
    2. 細心諗返轉頭,當時我班被派往街頭賣旗仔,當時是六年級。至於低班學生有冇去? 也不大清楚,只記得當日好大陣仗。
      因為以前年年都只是學校舉辦大旅行,未試過去賣旗,我們都覺得好特別。
      當日校長出動,班主任帶頭領我們去廣華醫院領旗仔。
      到我賣獎券的時候,已經是十蚊一張了,一般人家會嫌貴,可是當時老闆的細佬識嗰啲同學仔都好富貴,未夠年齡學車,都去學揸小型飛機。

      刪除
    3. 通常學校或者機構的賣旗日活動都好大陣仗,因為要動用唔少人力物力...
      以前的學生多數每年都有次秋季旅行,相對現今學生可能去咩遊學團,唔同了~~
      有時獎券都要睇有咩大獎,通常賣得貴獎品又會豐富一點...反而現在有食肆,家品店的coupon仲實際,就算冇大獎都有啲啲優惠濕下腳...哈哈

      刪除
    4. 當時我都買咗一本,總共十張。仲有幾多本都忘記了,至於聲明有什麼大獎,很多人都不大在意的,甚至忘記核對。雖然是大機構,但係好多人都唔多相信是真的。

      刪除
    5. 我相信呢個心態個個都有, 感覺呢類獎券都冇咁易中, 大獎唔知真定假~~

      好多時買了就算, 都冇理幾時抽獎~~哈哈哈
      自己咁諗做善事就當作善事, 不會計較有冇得獎...

      刪除