2018年7月18日 星期三

保護套…

生活仍是要繼續,路仍是要繼續行,工作仍是要繼續勞碌…
一個人有過傷患,心理障礙可能就係最大的問題,會凝住凝住再會碰傷,所以為求安心,呢個時候做些保護都係需要…又想保護隻手得來又唔想太誇張,有些護踭套都幾大舊,所以用對緊緊的壓力襪唔錯,薄薄地,戴咗都唔覺啦…
其實呢對壓力襪,唔係咩名牌子出品,在一些臨時攤擋買,不過之前用過都唔錯,我用的時候就會把腳掌位置剪去,方便穿戴…
個檔口係臨時,都冇見一排,後來又見出現,見到當然買多少少啦,戴住再加個墊應該去邊都冇問題,總之自己都係要小心為上~
真架…每次外出都驚驚地,呢類算唔算係老年陰影呢?

37 則留言:

  1. 小心駛得萬年船。
    即係拆咗石膏,恭喜晒。
    放心啦!醫生睇過骨頭裂縫生埋咗冇事,才拆得石膏。
    以老人家來講,森伯算復原得好快。

    回覆刪除
    回覆
    1. 其實個臨時石膏出院前已經拆咗,嚴格來講戴咗唔夠一日…
      不過仲未完全康復…否則都唔會咁驚青啦~
      我仲以為你講,以老人家嚟講,森伯嗰啲算賤骨頭……

      刪除
    2. 有文化又謙遜嘅古人叫妻子為賤內,我估識用呢個3字詞彙嘅森伯應該係好有文采又有修養,我就拍馬屁都追唔上。😝

      刪除
    3. 你咁講即係話森伯係古人啦…講嘢都老土啲,森伯跟你哋啲後生人越來越有代溝,遲啲真係要寫返篇文言文blog…哈哈哈

      刪除
    4. 陳家樂喺『逆緣』演冷凍爺爺都係講番所謂老土嘢,咁又得好多人嘅愛戴喎!走型格路線嘅森伯咪係愈老愈可愛果種囉!

      古董、紅酒、陳皮、普洱茶、…………全都係貴價嘅舊嘢,舊嘢森伯咪又係貴價嘢囉!非凡貴氣。

      嘩嘩!乜森伯識寫文言文咁勁,好多中文系畢業嘅大學生都寫唔出喎!快啲寫番篇啦!引頸以侍。

      我覺得係中咗聰明森伯嘅圈套,你愈自貶,我愈要誇獎你。

      刪除
    5. 你唔駛扮口乖……森伯寫Blog咁耐都冇諗住走咩型格路線,可愛路線…只係將森伯最真一面寫出自己心聲啫…嚴格來講走老實穩重路線~~

      識欣賞舊嘢就話好囉,唔識欣賞就變得一錢不值…

      森伯話寫文言文啫,冇話幾多字為一篇…可能幾隻字呢,你估寫成篇論文!!!

      我邊有自貶,係講事實啫…

      刪除
    6. 畀人話我得罪人多、稱呼人少,我都要從善如流,賣多啲口乖,唔係啲人會嬲咗我,唔同我傾偈,我咪變孤獨精,慘慘豬,為咗可憐我,森伯容許我扮口乖啦!(眼泛淚光,楚楚可憐,請見諒)

      打扮走型格風,自畫像走可愛(好想搣你面豬dum),談吐走敦厚穩重,人生要多樣化。

      渴望森伯文言文篇。

      信森伯係講事實。

      刪除
    7. 你講得扮口乖即係全部係假話…哈哈
      咁而家我又唔覺啲博友嬲你,冇你的留言真係少咗好多娛樂性…唔信可以問吓其他博友…

      就係平時唔可愛先畫個自畫像Q啲嘛…

      多謝一爺兄對森伯伯的信任…

      刪除
    8. 賣口乖係講多啲好聽嘅說話,我講果啲好聽嘅全部都係真架,只不過,收起難聽嘅說話啫-例如:乜你咁冇自信心,永遠質疑人家嘅讚賞係假話。

      刪除
    9. 真假說話都冇咩所謂,起碼人家聽起嚟開心又有得笑吓…好似我有時都會讚吓人哋,都係一句啫…起碼覺得森伯唔係個寸嘴又惹人反感嘅人~~

      刪除
  2. 以前有人講過,一個人的跌打損傷是跟年齡成正比,亦即是六十歲便要六十日左右才可愈復,所以,像森兄的年紀想亦應沒事了…
    而保護套也只是買過保險!

    回覆刪除
    回覆
    1. 照恕兄的理論推則,如果康復進度跟年齡有關,咁森伯未有排好?!…
      其實保護手套都係頂住先,不過都有少少實際作用,可以幫助消腫…

      刪除
  3. 乘坐長途飛機,著壓力襪都唔錯,有些長時間企立工作人士著壓力襪都有幫助。
    要多休息,康復都需要一些時間啊!

    回覆刪除
    回覆
    1. 係呀,而家都有幾多人內在循環系統唔太好,所以壓力襪都有幾多用途…
      謝謝,現在可以休息都盡量休息…

      刪除
  4. 又幾有計喎,將壓力襪改裝成護手套^^

    回覆刪除
    回覆
    1. 生活就是不斷地諗計去解決棘手問題…

      刪除
    2. 加個特大安全套在外
      下雨都不怕

      刪除
    3. 大夫講的特大安全套…會唔會用錯地方咁呢~~哈哈哈

      刪除
    4. 如果太緊要唔會驚阻礙血循環?
      消腫了沒有?

      刪除
    5. 其實呢種壓力襪會比較緊,所以佢有消腫作用,我都偶爾鬆鬆等血液可以循環得好啲…多謝你慰問

      刪除
  5. 保護自己,要有一套!

    回覆刪除
    回覆
    1. 需要保護時,呢一套真係唔慳得…哈哈

      刪除
  6. 森兄:受過傷當然會有陰影架喇!
    如果真的每次出街都有恐懼會再次撞傷,
    咁…你真係要出多啲街,多啲熟悉吓四週的環境,那麼會有助消除恐懼和適應環境。
    其實…我覺得通常自己撞傷手腳的人,一是個人過於大意,一是唔夠瞓,在精神狀態不佳之下,遇到特發事情下,頭腦及身手反應不夠敏捷靈活,那麼就容易出意外了,
    所以平時要有充足的睡眠和休息。

    回覆刪除
    回覆
    1. 我諗呢個陰影都係呢一段時間,遲吓又可能淡化,咁kaka又唔駛擔心森伯伯因為咁而唔出閨門,無論點有陰影都要繼續做要做的事情…
      你講得啱,可能老人家頭腦同身手唔敏捷容易有意外…始終都係長者嘛~
      現在都會打醒萬分精神,小心為上…

      刪除
    2. 你講話老人家嘅頭腦同身手不夠靈活 容易出意外,我覺得呢啲都係因人而異架啫!
      你睇人哋李嘉誠每日喺記者面前都堅持做運動鍛鍊身體,90幾歲仲日理萬機…
      身手靈活與否,呢啲係可以訓練出嚟嘅,森伯伯成日都掛住"老人家心態"咁就唔多好啦!:P

      刪除
    3. 我唔敢話第二個長者,森伯講自己啫,有時唔夠靈活又要行得快,唔出意外先出奇…><

      你都識講啦, 李先生的別號係李超人嘛~~梗係同平常人唔同啦~~若然森伯真係有日活到90幾歲相信都唔識郁~~~個老人家心態都係預早有定啫,到時有晒心理準備咪冇咁驚驚囉…哈哈哈哈

      刪除
  7. 一睇個標題即刻心邪諗咗第二樣嘢……😂😂🤣🤣🤣

    回覆刪除
    回覆
    1. 成年人間中心邪吓都好正常啫…哈哈~

      刪除
  8. 其實啱自己用就OK,消委會耐不耐都出一D報告話高價物品的功效和一般價錢的沒大差別。

    回覆刪除
    回覆
    1. 歡迎small U到訪…其實買日用品都唔一定係貴價的才好,有些合理價錢的也好好用,視乎自己的需要而已…

      刪除
  9. 看這題目,使我想起電視明珠台早前播映的一個節目,拍攝戴妃的次子,親身率先驗血,以看看有沒有愛滋病。原來英國是全世界愛滋病人最多的國家,總共有700萬人。聽說香港的愛滋病人越來越年青化。
    最無辜的是一些兒童和阿婆,被父母或是阿公傳染到! 此病一般潛藏7至10年,外表與常人無異。 保險套原來不一定保險。

    回覆刪除
    回覆
    1. 嚴格來講,愛滋病都是種性傳染疾病,我都相信性開放的國家,患病的人數就會多……這個當然啦,安全套都唔一定百分百安全,我哋中國人有句說話講得好啱:上得山多終遇虎…就等如濫交得多,患上愛滋病的機會也越高…

      刪除
    2. 聽說這種「世紀絕症」最初是由非洲開始,所以非洲特別多愛滋病人,一般會被收容在一起,以免他/她們四出交往,把這個病以幾何級數大量擴散! 所以很多人不肯去驗血,以免被關押,或不想受到歧視。
      英國和加拿大都是個流行同性戀的國家,由雙性戀至異性戀使得愛滋
      病漫延甚廣。很多人心存僥倖,不肯驗血,所以有了這個病也不知道。聽說就算不濫交,一次也會中招。

      刪除
    3. 不好意思,說到離題萬丈添! 森少懂得好好保護傷處,能夠重上生活的軌道,值得恭喜!

      刪除
    4. 秋葉都好清楚呢啲醫學知識,最初發現病毒是由非洲猴子身上的,後來傳給人類…
      所以話一個國家過於開放都未必是好事,治療疾病的開支亦有可能成為一個國家的負擔…或者從人的修為開始做起才是根本…
      你講得對,患者都唔一定私底下好濫交…但係濫交的人中招的機會又會高啲啫…

      謝謝秋葉,慢慢都要回復原本生活了,希望唔好再有咩事情發生…

      刪除