2018年6月6日 星期三

休養中…

的確有很多事情係意料不及,因一個小意外,撞傷隻手,其後已經感到隱隱作痛,頂到做妥要做的事先去醫院,因為跌傷都可大可小,照過X-ray後,醫生話有骨裂,以我記憶所及我都係咁大個第一次打石膏,據講係半石膏(暫時性),最後要再整個固定手托先出得院,護士仲嚟問我左搲定右搲,幸好我係右搲,仲可以寫下字畫少少野><…

擾擾攘攘都成個禮拜,其實都不能打電腦,寫blog都係用電話,希望可以盡快復原,唔駛對返工返學影響太大…

113 則留言:

  1. 森伯,年紀大整親復完耐呀,要多加休息,祝早日康復﹗有時間才滙報進展﹗

    回覆刪除
    回覆
    1. 多謝Bonnie…我都知老人家跌親手尾長,經過今次仲要加倍小心…
      實會同大家匯報吓的~~

      刪除
  2. 回覆
    1. 謝謝大夫…我都係咁望……

      刪除
    2. 真正的友情都應該具有“捨求”的性質....
      親情、愛情、友情都重要,
      我會毫不猶疑告訢你,是理智最重要......
      找一個好中醫;一個好牙醫......
      能伴你走過漫漫的健康人生路。

      刪除
    3. 講到情,在我眼中好簡單,有綠而聚,無緣而散…
      大夫好似做了家庭醫生的代言人,睇過咁耐嘅醫生,唔會有邊位覺得特別好,時而好,時而差…冇諗過要固定睇定一個……

      刪除
    4. 情好簡單 緣聚緣散
      家庭醫生 睇定一個

      刪除
    5. 幾好喎,化繁為簡…
      幾隻字代表晒!!

      刪除
  3. 森兄,有人陪你,我第一篇日誌都是當年休養中寫的…

    回覆刪除
    回覆
    1. 係呀…在休養期間寫吓blog唔錯~將自己病榻中的經歷講出來,唔多唔少都可以減吓壓……

      刪除
  4. 常言道:「天有不測風雲,人有旦夕禍福。」今天終於下大雨了。
    森少無意中撞傷了左手,且有骨裂,真係要好好的休養。
    尤幸右手無恙,寫劃都可以消閒。手機也是很好的消閒工具。好好休息吧。

    回覆刪除
    回覆
    1. 今次意外都令我諗起呢句說話,人生無常,現在呢一刻都好地地,下一刻又如何呢?…係無人會估計到~~
      謝謝秋葉,現在唔敢郁動太多,休息為主…相信手機對有冇事嘅人來講,都係最佳消閒工具…

      刪除
    2. 有啲人無論乘車、上茶樓坐下了,仍然做低頭一族,其他什麼事都不看不理。這樣對眼睛其實不好! 這時間應該讓眼睛休息一下。
      在醫院太多空閒了,這時多看手機,才是最好的消閒項目。

      刪除
    3. 如果不方便郁動太多,都係多休息為上!
      聽醫生的囑咐吧,養傷不能心急,欲速則不達。
      希望骨裂能自己癒合,不用做手術。如果要做手術,也要信任醫生。

      刪除
    4. 未必個個人都沉迷手機,我應睇則睇…住院時候係用長者手機,求其能夠聯絡人就可以了~
      係呀,睇手機都唔敢睇太耐,對眼唔太好…

      現在都係以休養為主,希望唔需要再做進一步的治療啦,好多謝秋葉的關心呀~~

      刪除
    5. 關心是應該的,不必客氣。就好好的休養為上。
      你的手機可以上網,功能多多,不是那麼簡單的長者手機吧?

      刪除
    6. 我會多休息,想動也動不來……
      智能手機用來上網,我另有一部用來作簡單聯絡,冇上網功能,咪稱佢為長者手機囉~只係打出打入……

      刪除
    7. 森少手機都有兩部,你都好豪啊! 整多幾部,可以分別應對不同的女友,唔怕撈亂啦!

      刪除
    8. 兩部手機都算豪?!咁家中有個無敵海景咪鉅富……
      整多幾部手機為咗應對唔同女友?!!…咁似做戲嘅~森伯啲戲已經畀人話浮誇…

      刪除
    9. 得一部手機嘅人咪當你好豪囉! 華富邨都有面對海景呀,不過唔係家家都係鉅富。 咩嘢咁浮誇啫? 講嚟聽吓!

      刪除
    10. 有啲的士司機接生意…位前有四,五部手機添啦…兩部手機算得乜!
      聽講華富邨的居民都好富貴,風水好……
      森伯伯本身用開長者機,買咗智能機都有keep住部長者機,咪有兩部囉~

      刪除
    11. 係咩? 乜啲的士司機唔係成日用call台大聲通話嘅咩? 重有用四、五部手機接生意? 揸車重講手機,唔怕觸犯交通規則嗎? 唷,罪過,罪過,要你傷腦筋諗問題添。

      刪除
    12. 我諗秋葉平時揸慣架林寶堅尼出入,好耐冇搭過的士…間中都見到有些的士司機有幾部手機等call,當然不是個個都咁…他們是用免提耳機聽!

      刪除
    13. 今年真係未搭過的士,我搭的車超豪、超大架!金色的大巴喔! 超穩定!好坐。親友的私家車太過輕盈,呼一聲就過海去到目的地,快到我暈!下次免嘞。

      刪除
    14. 邊有森少咁豪,成日電召的士吖! 阿姨好窮架咋。

      刪除
    15. 搭巴士都好,可以欣賞沿途風景,有時搭的士都好睇司機態度,不一定次次遇到好的。話時話自有電召的以來,我都係call過一次半次咋,因為要截都唔算太難…

      秋葉姨姨唔驚窮啦,有森伯塾底…哈哈

      刪除
    16. 當趕時間而找不到的士,真係好無奈架!
      巴士個個站停,最適合睇風景。好過喺地鐵人睇人,只有睇手機。

      係咩! 我咁窮都有你墊底? 係咪架?
      你有好多海內外嘅親戚支持喎!
      一般人都係「憎人富貴厭人貧」架啦。

      刪除
    17. 坐上車,如非必要都好少低頭玩手機,睇吓沿途景致都唔錯…

      森伯係赤貧戶塾底,有咩奇…更加冇咩親戚支持…
      社會上咩人都有……

      刪除
    18. 講得好淒涼噉,森少知不知道什麼叫做赤貧呀!
      大時大節鮑參翅肚不知幾咁豪,咪講笑啦。

      刪除
    19. 我絕不是拿赤貧來講笑,只是形容自己貧困程度…
      鮑參翅肚咁勁…?!!幾時架………

      刪除
    20. 食得是福,著得是祿。森少畀啲心機休養,祝你早日痊癒!

      刪除
    21. 多謝秋葉的祝願…仲時不時過來同長者森傾吓愒……

      刪除
    22. 我都好明白休養很無聊,所以就和森森胡謅多幾句囉。
      若果太悶時,就找我胡謅一下吧。

      刪除
    23. 森少若果太無聊,可以去我的G+聽聽歌,看看花,寫寫留言。彃讚都得架。
      https://plus.google.com/117889390809100618208

      刪除
    24. 這條link 在通知的收件匣上一點即到,不用複製貼上。
      無聊時看看聽聽吧,不用傷腦筋留言的。
      祝順利過渡,這期間溫溫功課也不錯。祝好!

      刪除
    25. 推荐你看youtube 的日本“足利花園藤花祭”,和“上海嘉定紫藤園”,真是賞心悅目! 這個在我的G+上也有,建議放大了才看。

      刪除
    26. 點敢打擾秋葉呢…在這個期間又唔會太過悶,反而時間過得好快,因為都有很多繁瑣事要處理,唔能夠話休息就乜都唔駛理…

      多謝你的好推介,有機會一定要睇睇同聽吓歌仔……

      刪除
    27. 寫博都是一種興趣,也是一種消遣。不要說是打擾那麼嚴重。
      YouTube上什麼都有,日本的“足利花園”和上海的“嘉定花園”都有好多版本,覺得我選的這兩輯最好看。
      至於我喜歡的歌曲甚多,現在G+上的不過是佔極少數。粵曲太長不會上載。只有在去唱K時才會唱。

      刪除
    28. 森伯為人就係怕打擾別人,就算網上都係啦…
      你所介紹的利足花園睇過,真係好靚,我諗現場都幾壯觀…

      現在個人都少了聽歌,反而多了畫畫,期待秋葉post些作品畀我哋欣賞欣賞…

      刪除
    29. 說到畫畫,生疏已久,不敢獻醜。最喜歡的是欣賞歌曲。尤其是狂小子介紹的Bonnie Tyler 和Shakin Stevens 的一首情歌,他們邊跳邊唱,是最佳的拍檔,看得人賞心悅目。可以振奮精神,一洗沉悶的心情。

      刪除
    30. 咁你的興趣都可以幾廣泛…睇吓youtube,聽吓懷舊金曲……一向以來聽歌都冇咩特定揀擇,啱聽就好了。

      一幅畫作都唔冇話好不好,從藝術的角度去看,感覺就不一樣,秋葉都係時候執起支畫筆重新開始畫畫……

      刪除
    31. 目前瑣事繁忙,邊庶有心情去畫畫吖! 真係唔敢諗住咯!
      上一年去重上古箏課都失敗,因為集中唔到精神,就免得嘥學費啦。
      不過都希望有朝一日,可以重新練習繪畫的。
      興趣太多其實不好。精的一樣就夠了。

      刪除
    32. 有時就係心情不靚時才畫畫減壓,你個古箏課程學學吓取消?!為什麼呢?樂器以前都想學,不過得個諗字…

      興趣都冇話多定少,總之在適當時候有個寄託好好…

      刪除
    33. 目前我個古箏只得18弦,而且都有點兒破舊了,堂上的新古箏是21弦,既然暫時我都冇乜心機學,就唔買過個新架啦。
      新的古箏比我那個舊的貴了七、八倍。都希望有朝一日有興趣時再算啦。不過,我都想去學其他有興趣的科目。寫字畫畫都唔錯嘅。其實我都唔會好悶,閒時就國粵金曲都唱一頓,樂在其中。

      刪除
    34. 好想知道森少原本喜歡學什麼的樂器呢?

      刪除
    35. 哦…原來係咁原因~~古箏的價錢我唔知,只知一部古箏都幾大部,在家裡放置都要有點空間…古箏的音色好古雅,聽起來十分悅耳……其實玩樂器和畫畫一樣都可以調劑一吓生活,我會揀畫畫,因為練習樂器會擾人嘛……

      我想學的樂器有口琴,電子琴,二胡……不過諗吓要練習時的噪音…怕畀人圍剿………哈哈哈

      刪除
    36. 口琴主要是一吸一索,但有埋襯音就難啲。學二胡就難度較高吧?
      記得小時候我家對面的天台,差不多晚晚有個男子在彃琵琶,真係好好聽。
      不過,一般練習的時候,都係會走音失準架啦! 好似練習拉小提琴,有人就話:好似劏雞咁嘅聲!
      古箏現在要六千元一具,老師代買會平一千或者幾百。箏音真係好清脆古雅。

      刪除
    37. 比較來講,古箏好聽過二胡,其實屋企都冇人玩樂器,所以都唔會有太大興趣…
      家陣乜都貴了,相信樂器都一樣,尤其是古箏講手工,除非甚有興趣,否則係三分鐘熱度就浪費了……

      刪除
    38. 更正:口琴主要是一吹一索。
      學習當然不能三分鐘熱度啦,因為有些樂器都好貴的。很多年前我們幫襯教師買的古箏是七百元,我有幸分配到品質好的,是一具以一棵梧桐木燒制出來的。當時我日日有練習,全班彈得最好。
      後來的老師很細心,教得很好,可是方式和我以前的老師不同。不但不習慣,而且沒法天天練習。所以要停下來,不想嘥學費。

      刪除
    39. 學習樂器都只是興趣,雖然想學,但只是空想,沒有真正去買來學,對森伯來講,要學的東西仍有很多,基本上學得都認真~~

      刪除
    40. 好好養好傷處,將來必有所為,只要有恆心毅力,學什麼都可以成功的。天無絕人之路。

      刪除
    41. 在這個時間,真係好多謝秋葉呀,有些說話對我來講也是一種好好的鼓勵,你真有心…

      刪除
    42. 對有病患的網友,我是特別關心的。當中有男女學生,她/他們亦因為健康上有問題而有著情緒病,數年來,她/他都先後升讀大學了,健康也大有進步了。隨著雅虎網結束,她/他們也離去了。另有一位上了大陸定居。

      刪除
    43. 每個人都有屬於自己的故事和經歷,當你用心聆聽,都會有所得著……

      刪除
  5. 小解咪要單手操作,仲可唔可以企喺度完成呀?
    獨臂力真係好影響生活,無法啦!暫時化身 楊過,用吓 黯然銷魂掌應付。
    有冇小龍女照顧過兒呀?
    醫生有冇話要吸收多啲鈣質同維他命D可以快啲恢復呀?

    回覆刪除
    回覆
    1. 我就唔知一爺兄平時小解點操作丫…單手操作都應該OK嘅!!整親係手踭位置啫,手指手掌仲郁得……
      你讀戲劇出身?!將森伯個病況講到成套神鵰咁……哈哈
      醫生都冇提過,佢預啲病人自己都識,而家唯有飲啲加鈣奶補吓……

      刪除
    2. 除咗借錢畀人和大家出外食飯買單,你就托手踭 做唔到外,仲有乜日常生活係做唔到,要人幫手?好似單手扭唔到毛巾,啲人爭住同森伯抹身咁呢?

      刪除
    3. 仲提托手踭,森伯已經托緊啦~咩都要放低晒冇得做…個人都勁森煩…
      真係大吉…爭住抹身呢啲福氣留返畀一爺嘞…由小解到扭毛巾一爺都關心到,不用擔心,森伯OK架…

      刪除
  6. 祝森伯:早日康復,多些休息啊!

    回覆刪除
    回覆
    1. 多謝man man…我都想快點復原,以休息為主~

      刪除
  7. 森源,去年我都是輕輕跌一跌就有輕微脚掌骨裂,不用打石膏,但要穿壓力鞋。
    所以我相信打石膏一定很不自在和辛苦,多多休息,早日康復!

    回覆刪除
    回覆
    1. 多謝Stella:所以平時唔好睇少意外的發生,尤其是傷患看起來輕微,其實嚴重都未定…經過意外事件,個人就唔會再大意,事事小心…
      打石膏都係一個時期,唯有學吓忍耐…

      刪除
  8. 係咪工傷?公司有冇補返病假?如果可以就請幾天假在家休息下,唔好咁博咁勤力^^
    幸好森兄後生應好快可復原,飲啲骨湯魚湯唔知有冇幫助呢

    回覆刪除
    回覆
    1. 今次的意外唔係工傷,假期有醫生寫紙,基本上公司休息多幾日都唔大問題…其實嗰日有事要做埋,否則可能要擱置,點都要頂埋去………

      我都覺得飲啲骨湯唔錯,但熬湯要時間,現在傷了唔敢補太多…日後才補救…
      謝謝gael兄提議

      刪除
    2. 咁盡量多休息,打石膏都唔方便郁動太多呢

      刪除
    3. 呢個時候都唔敢郁動太多,幸好而家用個可拆式手托……都要用一排~~

      刪除
    4. 咁沖涼駛唔駛遞高隻手避免濕水?

      刪除
    5. 都要…唔可以濕水都係唯有遞高手或者抹吓身……

      刪除
    6. 森兄隻手好返啲未?
      趁假期出外走走唔駛屈在家咁悶啦^^

      刪除
    7. 多謝gael兄慰問…
      我隻手只能話康復中…冇得心急…
      家吓靜森休養都唔敢走嚟走去~~

      刪除
    8. 咁就多點休息.....悶就睇下世界盃^^

      刪除
    9. 現在休息已成了生活的一部分…
      gael兄真係「勁」了解森伯,森伯唔睇足球架…(擰晒頭~唉……)

      刪除
  9. 作者已經移除這則留言。

    回覆刪除
    回覆
    1. 多謝kaka…而家唯有咁諗,當放假!
      要好返都急唔嚟…要好一段時間休養~~

      刪除
    2. 我們仨要好一段時間休養~~

      刪除
    3. 大夫都要休養?!!仲要好一段時間?!

      刪除
    4. 間唔中抖吓當休養都好嘅…

      刪除
  10. 有骨裂~~~咁你真係要好好休養,唔好亂咁郁。祝您早日痊癒。趁機休閒地生活下,睇下書,睡下午覺吧﹗kakakakaka....咁做有冇返夜學﹖

    回覆刪除
    回覆
    1. 多謝愚呀~呢個時候都唔敢亂郁,乖乖等到覆診,瞓就一定有,本身附近冇書局,冇買定什麼書看,休養期都被迫停工停學…

      刪除
  11. 作者已經移除這則留言。

    回覆刪除
    回覆
    1. 多謝關心呀~暫時都係康復中……

      刪除
    2. 作者已經移除這則留言。

      刪除
    3. KaKa:
      住過醫院的人都知道當中的心情,環境都影響到你唔開心,兼且又唔知自己要病到幾時,負面情緒一定會有…
      你當時雖然病了,但仍有一種正面的心態,唯有當為有一個休養假,專心養好個病先…其後的就好番才算…
      你這種心態真係值得一讚~~

      刪除
    4. 大夫:
      大夫睇嚟有好多心事要揾人傾吓喎…

      刪除
    5. 作者已經移除這則留言。

      刪除
    6. 作者已經移除這則留言。

      刪除
    7. 原來你當時的病況都十分嚴重,現在你能誇過這難關也替你高興,人生漫長總會碰到順境逆境,最重要就睇自己如何應付面前的障礙,誇得到就証明自己成長了……
      我諗你唔係命硬,係意志力硬淨啫……

      刪除
    8. 哀大莫過於心死
      大難不死必有後福
      命硬很難找丈夫
      除非找我......

      刪除
    9. 人生就係要有唔同的經歷,才算真正的活過…

      咁大夫算唔算跟kaka表白心跡咁呢?!呵呵…

      刪除
    10. 作者已經移除這則留言。

      刪除
    11. 中醫云 :
      十個女人九個鬱
      仲有一個命硬不嫁人
      幾拾年中醫生涯
      用盡方法
      使無數命硬女子
      通遇過改善身心靈
      心軟如水

      刪除
    12. 如果你不是因意外
      而喺深切治療部住咗成個星期
      你還不馬上找有經驗中醫談心
      上工治未病
      信乎

      刪除
    13. 醫院高層有窗臺 天上麻鷹飛去來
      悠長假期時吃藥 放鬆自己心情開

      刪除
    14. 大夫又懂得醫心理?!…當一個人大病過後,無論身心都需要一段時間復原…不過能夠從病榻中走出來都不易啦…

      刪除
    15. 作者已經移除這則留言。

      刪除
    16. Hear my words that I might teach you
      Take my arms that I might reach you
      But my words like silent raindrops fell
      And echoed in the wells of silence

      刪除
    17. YOU CAN CHECK-OUT ANY TIME YOU LIKE
      BUT YOU CAN NEVER LEAVE

      刪除
    18. 大夫今次睇嚟又激嬲kaka…
      好多事都冇得勉強的啊~~

      刪除
  12. 前年新聞報導:九龍有間道教會社,專收女信徒治病;那些現代道士就說那些年青的女信徒都有暗病,要道士用性才可以治癒。仲要女信徒出錢才可以給他們醫治。

    回覆刪除
    回覆
    1. 仲要女信徒出錢才可以給“她們”醫治。

      刪除
    2. 那間道教會社,向女信徒出售神仙水,其實是在水裡混入迷幻藥。

      刪除
    3. 社會上人心叵測,不要輕易信人,不要存有貪念,當心為上…

      刪除
    4. 都是看新聞聽來的,後來連電視劇都用來加入作一個單元劇,那間會社的門面裝修豪華,招牌中英兼備。

      刪除
    5. 做人幾時都要提高警覺,不要一時矇蔽做錯事……

      刪除