煥然…
既然一早都濕晒身…係熱到出晒汗！！都唔駛再等到端陽佳節就要馬上換季，雖然森伯唔係肥人，但都好怕熱…尤其時冷時熱的狀態，個人好易病，所以趁呢個時候換換季，清涼一點，而且順便來一個斷、捨、離，清一清都好既…森伯果類老人家，唔會時時掉東西，但容納空間又唔夠，清得幾多就幾多~~
一新…
一向森伯都唔係咩走在時裝界尖啄的人，買衫慕求平實款（俗稱阿伯款），硬係覺得呢種款式先適合森伯伯個style…呢刻都冇咩閒情逸致買新衫，著返舊衫都OK！外面衫唔買新啫，裡面冇話唔買喎…哈哈哈～買左兩件高領的白底衫，目的都係著面衫時見到底衫的白領，咁著睇落醒神少少…
我諗同你諗法差唔多,都係喜歡底衫淨色,不過我就唔喜歡冇袖!
回覆刪除唔知你有冇記得7,80年代,嗰時最興係魚網背心....
魚網背心…？！聽個名好似只係啲歌星登台先會著…我真係未見過…而且仲係七八十年代…當時已經咁潮？！
刪除通常指的背心多數冇袖…
我買個一次魚網背心，係廟街買的，好快爛，可能多窿唔噤著吧…
刪除魚網背心好少見…就咁諗魚網款的背心都應該幾易爛，唔襟洗……
刪除記得家父在那些年代，穿的白內衣是非常耐穿，就算穿了窿也不走線變樣，手工和品質都一流，現在的衣服是非常化學。
回覆刪除以前的消費者買東西著重襟唔襟用，所以舊時的商品質素好好多，而家的人著一兩季就可能唔要，都唔會理襟唔襟呢回事…
刪除deep V背心sexy d 喎.
回覆刪除森伯有啦！不過，唔著畀你睇，唔話你知啫。
刪除王子：只係普通返工著，要咁sexy做乜…
刪除一爺：幾時睇到一爺兄的留言都笑到碌晒地…你都識講森伯啦，老人家著deep V，陣間冷到個心口仔，咳幾聲就長手尾…
就算大熱天時，我都著有袖底衫喺 恤衫 下 索汗，可避免心口同 胳肋底 濕曬。
回覆刪除你都有道理…但係到天熱時根本都好難著住件有袖底衫出街，未出到門口已經周身汗，至慘就黐立立…
刪除傳統棉質底衫缺點好焗身，係時候破舊立新，試吓新科技研發出黎嘅創新材料，快乾排汗質料，著咗好似喺浴池浸涼水咁清爽，好似豆腐花咁順滑，好似羽毛咁輕盈，好似燈影牛肉乾咁纖薄，有啲江湖賣假藥咁誇張口吻，不過，我著緊uniqlo 嘅airism底衫， 搣除棉質嘅衆多缺點，啲科學家係花咗好多時間研，點樣可以改良人類生活，讓我們過得更舒適，佢真係爽滑輕薄，吋金呎土嘅櫃桶騰空咗一半位置畀森伯收藏寶石！
刪除你知森伯嗰類人好少試新嘢，唔似你哋啲後生破舊立新，打破傳統的枷鎖…有機會見到你介紹的底衫都來試，你直情好似做咗佢的代言人，到時又畀人話森blog有直入式廣告…
刪除而家買嘢都會考慮埋有冇位放…住的地方簡潔啲好，因為雜物太多，心緒就會特別亂，人都煩躁啲啦~
依家日日34-35度,我真係著唔落件底衫喎:P
回覆刪除期待看森兄的操練成果XXD
係呀~不過都要睇外出的場所而定，戶外的就梗係唔著，但室內就要諗埋冷氣…
刪除森伯練唔練都係差唔多…：P
斷、捨、離~~我十分喜歡這個概念，一生受用﹗對於我來說﹕我的生活最重要是簡樸、簡單，因為我時常覺得一旦死左，家人幫我執野都冇咁辛苦~~~~哈哈^^
回覆刪除你講得啱，人大了…反而會有種簡約主義，樣樣都想簡簡單單，煩惱唔想太多…
刪除相信愚老師都唔會留太多無謂嘢，最值得留為記念多數是舊相片…
除了上班不停講外，放工後我其實不是太想聽到自己的聲音~~哈哈。不過我事實上算是健談的。
刪除要講書教書，講嘢真係少不免…平時要好好保護把聲～
刪除森源就一般啦，又唔屬於健談，又未至於太沉靜嗰類…
時冷時熱好易病
回覆刪除我仲以為大夫有啲靚湯水介紹吓…
刪除近排天氣真係熱得好交關。
回覆刪除係呀…五月尾六月頭已經三十幾度，仲有排熱…
刪除