2018年3月15日 星期四

粒粒皆…甘甜~

睇開森Blog的友好們都知,森伯間中都會介紹下有益健康的東西,今次推介一種唔錯的小食,當你試過後可能會再買…
記得以前細個食乾果只係當零食,但現今講求健康飲食,有很多以前唔起眼的食物,到現在被推崇為健康聖品,尤其果仁類、乾果類…聽講葡萄乾係好有益,偶爾食下都幾好,但葡萄乾對於森伯來講比較酸…都好耐冇食過~其實好多乾果都同新鮮水果一樣含有果酸,所以唔係咁多乾果食得…

其實桑椹子記得以前有人送過,在記憶裡都記得好食而且又甜…但事隔多時都沒有刻意去搵,可能呢類乾果分季節性,所以不常見不普遍…
其他店舖唔清楚,但某間有機連鎖店就間中會搵到,呢種乾果冇咩特別果味,勝在夠晒甜甜潤潤~~
而且粒粒顆粒好有嚼口,據知料所講桑椹子有益脾胃、生津止渴除燥熱、促進新陳代謝(呢句好啱森老伯果類長者…XXD)它的好處唔講太多,自己上網睇睇!!買一包間中食下,都可以慢慢嗒…

原來桑椹子係出自桑樹,至於桑葉就是以前養蠶蟲的必要飼料,唔知大家又有冇玩過養蠶蟲呢?!早前記得有博友都介紹過樹上的桑椹,有紅色有黑色,不過呢種桑椹乾果係白桑椹…雖然顏色唔同但營養價值都係一樣,而家基本上見到都會買來食,本人覺得真係幾甜(天然甜),有血糖問題的人士就唔可以食太多…

38 則留言:

  1. 罕見,物以罕為貴,森兄真識食。
    我食開提子乾同西梅乾。

    回覆刪除
    回覆
    1. 桑葚無論新鮮或乾品都唔常見,可能季節性…
      提子乾同西梅兩樣都好好,尤其西梅乾細個經常食~~

      刪除
    2. 我細個時都未見過奇異果、藍莓、牛油果、火龍果,多得唯利是圖 嘅商人大力推廣至普及,才會不停供應,桑子都冇人 吹捧,果農唔會多種,自然產量少。

      我以前食2粒西梅咋,就好快絞肚痛,好健康又快見效嘅天然瀉藥,唔可以經常食,有需求至吞噬。唔知點解人老咗,食好多粒都冇反應,感悟人生唔可以一成不變, 地球天天在變,大家都要接受現實,與時並進,𣎴能抗逆。

      森伯細蚊仔時代經常食……係…經…常……………性…病……………便秘呢?😁

      我細個時好無知架,唔會理會要天天去一次架,好多青菜都唔鐘意食,大個咗又鍾意食菜喎,甜甜生果就好鍾意食,細路哥嗜甜,不過,屋企人多,係限量版,每人每日配給一個飯後果。哈哈哈!果日有2個水果食就好豪氣。

      刪除
    3. 其實現在有很多水果,以前都冇,例如人蔘果、巨峰提子、麒麟果等…不過對港人來講都已經唔錯,靠入口都食到世界各地的生果…但對於我來講食來食去都係嗰幾樣,只要係較為甜就饑不擇食架嘞…在記憶中新鮮桑椹子真係未食過…

      咁咪幾好,有西梅呢種天然瀉藥幫你~照邏輯估計,細路邊會食咁多菜蔬水果…好自然就排唔出便便啦…人大了知道唔會講口味,就算淡淡的菜蔬都會食,咁就自然腸胃通啦…

      細個屋企都多水果食,都係一般蘋果,橙,香蕉等…後來多咗特別水果賣,才試多咗其他水果…以一爺兄今時今日,一日食幾個進口生果都冇問題啦~~~~

      刪除
  2. 多謝好介紹,有機會見到我會試試。

    回覆刪除
    回覆
    1. 有機會見到,不妨買來試試,當作小食都唔錯……

      刪除
  3. 桑椹子我食過,我覺得麻麻﹗

    回覆刪除
    回覆
    1. 桑椹子冇咩特別味道,不過甜甜地幾啱我…

      刪除
  4. 今次又係好森有好報, 健康食品梗係要多介紹. 但未聽過桑椹子, 請問邊樹可以買到呢?

    回覆刪除
    回覆
    1. 又唔係什麼好森有好報,只係食開又想介紹吓啫…哈哈
      或者你有機會經過點點綠分店,試看看有否桑葚子,可能大型超市都搵到…不過我多數點點綠買~~:P

      刪除
  5. 以前去台灣至愛飲桑椹果汁,酸酸地幾好飲,夠消暑解渴

    回覆刪除
    回覆
    1. 反而新鮮果實以及打汁好少見,我諗飲桑椹汁仲有益,可惜香港唔多見…

      刪除
    2. 好次都幾時令,唔係次次去台北都有得飲

      刪除
    3. 係呀!桑椹子講時令,趁遇到就要飲多幾杯…

      刪除
  6. 謝謝介紹,桑椹子有益正氣,若果找到這間店舖,會買來試試。
    平時我都係喜歡吃新鮮的龍眼,或用乾品(桂圓肉)煲湯或沖水喝。

    回覆刪除
    回覆
    1. 唔駛客氣…很多天然產物都有益,起碼純天然嘛~我都喜歡龍眼,因為龍眼多數甜,但龍眼變了乾品桂圓就會變成燥熱性質…

      刪除
    2. 不錯,龍眼具有開胃益脾、養血安神、補虛的功用,但有一種溫燥的性質,不能多吃。也只適合在秋冬時候才吃。每日最多吃十顆。
      *
      因為我平日喜歡吃菜,但不能下生薑去煮,比較寒涼,就可以多吃補溫的龍眼乾,但不會超出份量。

      刪除
    3. 秋葉也懂多少有關食物的宜忌,可能新鮮龍眼唔襟擺,好多時買來不久就要食晒,當然不會十粒八粒咁少啦…一食都會食上好幾十粒~~本身體質偏燥熱桂圓茶唔能夠飲太多,而且桂圓最好煲煮一般都甚少食…

      太多薑都唔食得,所以平時食菜都係清煮或白烚咋~~~

      刪除
    4. 網上都有不少的食物宜忌可供參考。
      新鮮的龍眼可以放在冰箱中層,如果太久沒吃,也可以吃多一點;如果天天都吃,則只宜每天吃十顆,不要過量。
      因為我氣管比較敏感,很多時都不能吃辛辣和薑、胡椒的物品。平常的時候,也可以吃小小辣的。我煮菜也是清煮白烚,頂多是下些黃糖去烚,也是有益處的。注意:糖尿病病患者不能多吃糖。

      刪除
    5. 對呀~~注意下食物的宜忌都可能幫到自己揀食物…龍眼基本上好少放入雪櫃,凍完再食好易肚仔痛,通常都係幾天內食完~長輩說龍眼比較濕熱所以食過一排再隔好一段日子先再買…不過香港好得意好似一年四季都見到龍眼~~

      烚菜落黃糖,未試過~基本上糖份有水稀釋,糖度都減了不少,就算糖尿病患都唔駛太擔心會血糖急升嘅…

      刪除
    6. 不錯,龍眼在室溫之中也可以放幾天。如果兩天不吃,放入雪櫃保險啲。每次取十粒出來剥開去了核,用滾水沖泡一下,倒去水份用叉吃,這樣龍眼清潔又有點冰涼,幾好吖! 我唔會肚仔痛喎。

      刪除
    7. 因為龍眼的果糖多,所以有糖尿病的人士不宜吃。至於烚菜落糖的建議,是一菜販教我的,也不是每樣菜都需要落糖。
      後來看電視,見有人也是這樣的提議過。

      刪除
    8. 可能龍眼的糖份高汁多,所以都幾易變壞,通常買完龍眼都會很快趣吃完…平時擺水果都係室溫為主,甚少放雪櫃,因為有很多生果都唔放得入雪櫃,最基本覺得食唔晒就唔會買太多…

      我仲以為你話烚菜落糖會影響糖尿病患的血糖指數…哈哈
      烚菜落少許糖應該可以提出菜的鮮甜味~~

      刪除
    9. 龍龍在街市都係一磅或兩磅的出售,我在超市都是一整大盒的買回來。一時唔食得咁多,都係沖洗一下,放在雪櫃好啲。
      一般人都係唔會話每次食十粒八粒就算架啦,自便啦!

      刪除
    10. “龍眼”不是“龍龍”。

      刪除
    11. 我仲以為龍龍係你啲小朋友親人~哈哈哈!

      平時好少見超市有大盒龍眼賣,我通常把龍眼放置在室溫便可,食完就算…始終生果都係趁新鮮食最好…

      刪除
    12. 雖然話生果要趁新鮮食,不過龍眼真係唔可以一次食噉多架。
      我們這裡的P超市賣的龍眼,用透明塑膠盒裝著,都幾大盒0下。

      刪除
    13. 唔想食太多可以盡量買少少,或者同人分甘同味都可以…

      刪除
  7. 養蠶蟲有玩過.變咗隻飛蛾。

    回覆刪除
    回覆
    1. 你真係好叻,我未養過到飛蛾階段…

      刪除
  8. 好健康,比個like你,不過甜我就......一般。哈哈^.^。有冇鹹的介紹﹖

    回覆刪除
    回覆
    1. 多謝多謝…很多食物只要唔過量,甜生果都冇問題~
      唔知愚老師有冇試過鹹柑桔呢,有啲人話對下火或喉嚨幾有幫助,尤其你們教書教學生的…

      刪除
  9. 作者已經移除這則留言。

    回覆刪除
    回覆
    1. 或者下次你見到桑椹乾就買來試試…你講的新鮮無花果及無花果乾我都食過…兩者比較我喜歡果乾,有甜味得多,反而新鮮無花果冇乜果味~

      內地某些地方可能水土適合種,所以出產的無花果較好吃,有機會又可以講下…

      刪除
    2. 新鮮的桑椹唔易見到...印象中未食過~~

      刪除
    3. 我有機耕種師兄的
      - e-farm - 川上農莊
      有8棵
      樹上熟紅桑椹很甜

      刪除
    4. 乾的果都很甜...相信樹上熟的更甜更有果味~~

      刪除