2018年2月22日 星期四

森犬報喜;步步糕升…


森犬報喜
相信禮多人不怪,更何況祝福語既然狗年再祝大家,與所愛所親的人長長久久(好似有關狗都係諗到呢句)其實話時話狗在於中國人眼中,狗的用詞都係比較負面,例如狗口長不出象牙虎父無犬子走狗甚至以前的中國人會吃狗,我們常見的鬆獅狗,本身是用來當肉食狗但時至今日外國人大大聲說明狗是人類最好的朋友,當養過狗就會明白呢句說話,之後人的思想都開明了
森伯過年時見人畫狗,於是乎又手癮起,拎起支鉛筆畫隻森狗仔感覺隻小森狗畫得肥肥地,寓意今年一定過一個肥狗年…哈哈哈



步步糕升
過年的傳統美食,都離唔開糕點基本上年年公司都有訂購糕點活動,查實公司所訂購的糕點都係十分之健康,食多都唔駛驚食滯果類不過我未訂過,糕點類又冇話特別喜歡,一般都唔會食得太多,除非有自己喜歡的味道,咁就唔同啦!之前我都有在Blog講過森伯喜歡椰子味,所有與椰子有關的食品都會畀個like佢,今年森媽自家製了細細底椰汁馬蹄糕畀森伯,記得以前食過都好正
每逢過年森媽都忙整糕點,所謂工多藝熟每樣糕都整得唔錯,底馬蹄糕整得軟中帶結實有彈口,最靚就係見到馬蹄糕的紋路,似白色雲石食落清甜又有椰香,基本上唔駛煎,冷食都已經好好味
最重要係出面買唔到咁正的椰汁馬蹄糕,唔講咁多食糕喇!!

55 則留言:

  1. 一路睇你啲糕糕就諗起阿茂整餅,唔知呢個月尾茂叔嘅財政預算案,會唔會有錢派?

    回覆刪除
    回覆
    1. 講真…派唔派錢我真係冇諗,記得上次派嗰六千大元都好似冇郁過…XXXD

      刪除
  2. 隻森狗仔很可愛呢!我正在畫緊史納沙呀!
    我都喜歡椰子有關的食品,伯母的椰汁馬蹄糕賣相非常吸引!

    回覆刪除
    回覆
    1. 謝謝讚賞~~畫史納沙都好,我都想挑戰吓喎…遲吓畫!!
      期待睇到你的佳作!
      代森媽謝謝你讚賞,手工糕點勝在用料充足,味道自然…

      刪除
  3. 祝森伯:新年新快樂!身體健康!

    回覆刪除
    回覆
    1. 多謝Man Man, 森伯都祝你狗年事事順利, 生活愉快…

      刪除
  4. 今年一定過一個肥狗年……係話人哋身形。😁
    隻肥狗畫得好可愛。
    我都好鍾意椰香味,屋企人年年都整椰汁馬豆糕……好味。

    回覆刪除
    回覆
    1. 只是畫作一幅, 冇話咩人的身形…身家肥仔好過身形肥仔啦…
      謝謝讚隻肥狗仔…
      我都係,逢去飲茶都必定要叫椰汁糕, 唔好提, 提起又想食……

      刪除
    2. 我反而想睇吓森兄另一面嘅創作,睇吓畫出意境嘅功力。
      用狗做命題,例如:『走狗』、『狗眼看人低』……帶有魯迅式 諷刺味道喎!唔好只得 可愛 呢一面。

      刪除
    3. 森伯一個老人家邊有咁好功力丫…仲要寫出帶魯迅式的作品,乜你唔知森伯目不識丁,盲字都唔識多個嘅咩…識寫blog都偷笑~哈哈
      呢排都渾身不得閒,出到篇blog已經好好…

      刪除
  5. 森伯肥狗仔 好食又好睇
    椰汁馬蹄糕 清熱兼消滯

    回覆刪除
    回覆
    1. 肥狗仔…好食又好睇~~大夫諗咗熱狗?!!!
      有大夫講解最好, 馬蹄糕既可清熱啱晒過年的大魚大肉, 而且又消滯唔漏…

      刪除
    2. 肥狗仔好食 ~ 肥狗仔喜歡食

      刪除
    3. 肥狗仔, 厚得意;大熱狗, 夠飽肚...

      刪除
  6. 你有隻狗model,定係睇相畫㗎?好靚呀!

    回覆刪除
    回覆
    1. 多謝王子讚賞…畫開動物就諗到狗的造型,睇吓素描書再構思就畫到…

      刪除
  7. 椰汁馬蹄糕真係未食過﹗你真係好有口福同幸福﹗真羨慕呢﹗你畫番幅正面的來睇下啦~~^^

    回覆刪除
    回覆
    1. 多謝愚老師讚賞…市面上的馬蹄糕好少加椰汁, 而且黃黃地唔靚~~
      我畫狗的正面麻麻地,所以畫側側地囉…

      刪除
    2. 都話愚老師最明白事理~~~

      刪除
  8. 喱隻小森狗畫得真係好靚,盡顯森兄筆下功力^^
    咁我都祝森兄喱個森情小品文長長久久,多啲森作品欣賞下!
    由於我麻麻地馬蹄,比較偏好椰汁紅豆糕多一點:P

    回覆刪除
    回覆
    1. 謝謝gael兄讚賞!!!!每日都會抽時間畫畫,所謂畫功都係練出來,不過仍有進步空間...
      我以為你話希望森兄長長久久...想森blog長長久久都要森伯長長久久先得假~~~哈哈哈
      我諗你以為椰汁馬蹄糕似茶樓的椰汁糕...其實兩樣嘢, 馬蹄糕要用馬蹄粉做,十居其九都係配馬蹄先正宗, 真係未聽過整馬蹄糕用紅豆喎@@

      刪除
    2. 長長久久好似比較少用來祝福人,多數係祝福一段感情關係,又或者果別事物......不過如果森兄喜歡我也祝願森兄長長久久萬事如意龍馬精神身壯力健wakakaka^^

      刪除
    3. 可能畀蘇軾的一首但願人長久的詩誤了,長久呢個詞以為都可以用在人身上…之不過gael兄都講得啱嘅!多謝...祝福說話幾時都啱聽…
      現在人大了發覺時間快過,有很多事物都稍縱即逝,能夠長久些又何妨呢…

      刪除
    4. 謹祝森兄人月兩團圓,甜蜜蜜過元宵^0^

      刪除
    5. 邊有gael兄在他方咁浪漫丫~~~

      刪除
  9. 又有咁啱得咁蹺,我都好鍾意椰汁整嘅食物。見到森少你畫這幅狗狗咁有丰采,我都手癢想畫番幅。多年冇畫畫,唔知重畫唔畫得出啦。哈哈!

    回覆刪除
    回覆
    1. 所以幾時都話同秋葉夾到飛起...哈哈哈
      多謝秋葉讚賞,其實每幅畫作都要落一番心機,從構思型態到真正畫都要時間架...
      好呀~~你都畫幅狗狗來睇睇, 不過要post畀我哋睇下, 期待你的佳作...

      刪除
  10. 撇除咗啲唔同嘅愛好! 真係有好多相同之處。哈哈...有噉啱得咁蹺啫!
    你又落柯打啦,整水餃、畫幅畫。有些網友叫我去這去那看一下,好多提議呀!
    以往畫畫屢創佳績,可惜俱往矣!
    畫畫要勤練才會畫得好,等我練番好先至講啦。

    回覆刪除
    回覆
    1. 哈哈哈…其實森伯有很多喜好都好大路,總有一兩個人都同樣喜歡~
      大家都喜歡畫畫,都好想觀摩下別人的作品,有任何畫作的意見都可以大家提點吓…所謂以畫會友嘛!
      不過唔急,靈感到先畫~不過要post出來畀大家欣賞,尤其屢創佳績的畫作,更令人期待……

      刪除
    2. 喜好大路都要po出來先至睇得到0架, 咁多年來都係見到森少有咁多樣嘢相同咋。那麼多年沒有畫畫,也不知道現在畫得如何了? 經過多次搬家,我的畫作要不是丟失了,就是被參賽機構收去了,得獎只有榮譽,卻失去花了一番心思的作品。
      *
      當初學的也是由素描而起,多年不畫,那本素描書籍已經難以找尋,等我找到了,可能興趣會重來也說不定。說不定的事,請別太在意。

      刪除
    3. 既然你咁講,都代表森Blog的內容令你容易有共鳴喎…

      我當畫畫係一份工作又當一種興趣,所以一日裡都抽時間出來練習,唔練就會生疏…你的作品經搬家後丟失,這未免太可惜了…我都有把細個時的畫作留下,不過唔敢post出來,以前的畫功可能很稚嫰,對我來講畫畫真係要用些時間常常練,每樣東西都畫畫,才能掌握當中的竅門…

      總之你一有畫作就post上來看看…

      刪除
    4. 謝謝你對我繪畫的事宜那麼有興趣! 近年來對於學習樂器和繪畫的事情,都已經少了興趣,只有對於歌曲的興趣始終不減。
      記得多年前我最後畫的是一條剛買回來的橙色的海魚,把牠的翅揚起來特別美妙! 我畫得和真的一樣。
      我畫完之後就把牠蒸了來吃。畫就貼在門上,牠的眼神很特別! 一想起我把牠吃了,心裡很不安! 有一天就把畫撕去扔了! 至今未有再畫畫。

      刪除
    5. 我畫畫係興趣,當然想睇吓別人的作品…你的興趣都幾多種,或者興趣就是生活的調劑品,有它們生活會精彩得多…

      秋葉都有一顆惻隱之心…或者有另一種想法,咁貴買一條海魚返來,用來食都係最主要,而條魚有你幫牠畫畫,也算犧牲得有價值…如果只是因為這個原因唔再畫畫很可惜…

      刪除
    6. 練習繪畫與彈箏,都是比較需要耐力和耐性,比較靜態,時間也需要付出較多;至於攝影和唱歌,則比較爽脆利落,這樣成為我後來最喜歡的消遣了。
      *
      那條魚,和我可說是奇逢。本來我一向是走入街市內的魚檔買魚的。
      那天在街市外,竟然有一輛小巴開來,從車尾取出幾箱有冰的凍魚來賣,當我看見那一條橙色魚,牠的魚翅是罕見的一大把,美極了! 就決定買了牠。
      雖然牠已經不動了,但我想起已經把牠吃個清光,牠還在目光如炬,好像在提醒我吃了牠是多麼的殘忍! 忍不住把畫撕掉了。也忘記了畫畫這件事了。

      刪除
    7. 玩樂器以前都想學一樣,不過到最後乜都冇學過…或者對樂器冇乜天份~~
      你跟魚都有一個經歷,有些事已成為過去,亦不需要太過放在心上…

      刪除
    8. 是的,若不是今次提起繪畫,其實也早忘記了。猛然省起來,可能是因為那條魚,所以我一直沒有再繪畫。現在明白了,希望這個心理不會成為障礙。謝謝你的聆聽。

      刪除
    9. 經過此事後你唔再畫畫,但魚有食嗎?!就算不造成障礙也相信也是心理陰影,希望新的一年你能走出陰影,重新拎起支畫筆…擺張畫紙!!再顯當年屢創佳績的風采…

      刪除
    10. 我一直喜歡吃魚,也會對魚拍照,沒有甚麼害怕的心理。
      可是當時對著那張親手一筆一筆地描繪的橙色的魚,牠飄逸美妙的上魚鰭,炯炯的目光,就是令我不安! 竟然有一種內疚的感覺,不想面對這幅畫。
      也想起有一次,我是有點兒後悔丟了它。可是這想法真能持久嗎?

      刪除
    11. 我也希望再找回那本素描書,助我再拿起炭筆,從新開始學習。

      刪除
    12. 知道你能有一份自己有興趣的工作,真是一件很值得高興的事。

      刪除
    13. 其實好多心理陰影都係自己內心做成,只要你肯放下好多事都可以變得冇問題,問題在乎你肯唔肯放低啫…

      希望你能排除心理障礙,早日再拾起本素描書,拎起支炭筆慢慢練習,畫多啲靚畫畀我哋blog友欣賞~~~

      畫插圖對我來講只是工作裡頭的一部份,現在要全識畫畫好難搵食…不過當興趣就最好囉~~~

      刪除
    14. 講起為了工作去畫圖,想起在若干前有人邀我去工作,是一間細公司,做中東生意,利潤很高。我要兼顧打字和廠務。 誰知有一天,老闆阿Ben 買了一個錄音機回來,很客氣的要我畫個草圖,助他姐姐那間廠照樣生產。
      原來老闆打聽到我學過商業美術課。畫好之後我說:「製造同樣的產品會觸犯條例的。」 後來推出市場之後,老闆來和我說:「我姐姐收到律師信!」「那麼怎辦?」他說要我把圖樣改一改,這樣再推出市場之後,就沒有麻煩了。
      *
      前事都記得這樣清楚,看來我真是老了。呵呵!

      刪除
    15. 其實你學過商業美術課能夠學以致用才合理的,學到的也不會浪費…我有時望到呢類產品圖都覺得畫的人,手勢肯定好公正…比著老人家森伯伯一定唔得手震震…
      每個人出到來打工都總會碰到一些經歷或得意事(冇分好壞,包括得意人得意事),你的經歷也很有趣,最後你有冇繼續做呢份工作呢?!
      我相信每位插畫員,除了畫畫當興趣之外仲希望可以搵食,但又能否如願呢?!真係好睇因緣際會…

      刪除
    16. 其實我學這美術課程是交足功課,要上街畫實景,畫大廈,畫地盤,畫人物。可是臨門差一腳,沒有考試,所以我沒有想過以此維生搵食。
      在那間公司做了兩年,最後因為一個很特殊的原因,我堅決要離開。
      是為了成全我的姐姐。阿Ben原本是我姐姐的男友。

      刪除
    17. 閣下你謙啫! 可能有人不喜歡畫這類商品,喜歡畫較為可愛的東西。

      刪除
    18. 能夠做了兩年都已經有唔錯的工作經驗,畫產品圖雖然沒有什麼趣味性,但勝在可以當工作,我有位親屬也試過幫人畫過呢類產品圖,聽佢所講似是兼職而已…
      時時都有咁多電子產品推出,始終呢個工作應該長做長有…

      都唔係謙架!我真係唔識畫呢類產品圖…你講得啱!而家的人較喜歡一些得意的公仔,比較會有市場…

      刪除
    19. 其實“商業美術科”畫素描只是一個起碼的基礎。除了學平面設計,還有立體設計,這個還有分類。真是越說越多,要停了。晚安!

      刪除
    20. 相信商業設計科都有很多東西要學…若有興趣就冇問題喇~~
      想傾咪傾…森伯呢度好隨意咋~~~哈哈

      刪除
  11. 森犬畫得靈犬活現, 活筆森輝. 森兄有冇捻過, 多畫隻臘腸狗呢, 寓意長長久久!

    回覆刪除
    回覆
    1. 多謝KK的讚賞,狗年點都要活靈活現,神采過人嘛~~~有時間試吓畫臘腸狗,不過唔知畫唔畫到…:P

      刪除
  12. 森媽真有愛心, 話時話, 件糕點看見都想食 :p... 伯母常為乖仔整糕點賀歲. 其中一個原因, 可能森媽驚住森仔整糕後, 變成森糕氣傲, 所以常常代勞, 哈哈!

    回覆刪除
    回覆
    1. 乜都畀KK講到好聽晒…哈哈~~從相中睇都想食…呢句相信森媽聽到都開心~~
      其實森媽唔係驚森伯森糕氣傲, 係驚糕森莫測…整咗都唔敢食呀~~哈哈哈

      刪除
  13. 未吃椰子馬蹄糕.祝您新一年身體健康,合家平安.

    回覆刪除
    回覆
    1. 多謝您~~有機會自己整吓唔算難~~
      我都祝您身體健康, 狗年事事順利~~

      刪除