近日睇到有單元朗八鄉的新聞,搜到一間村屋有很多的珍稀動物,相信大家都可能覺得有趣…其實森伯好耐以前真係有諗過自己住的地方養好幾種寵物,不過就唔係咩特別寵物…當人越大越唔敢亂咁養,始終養寵物都要有一份責任感…
其實同大家Blog友認識咁耐,都好似冇真正介紹過森伯隻龜密好友,數算一下呢隻龜都養了五、六年…買的時候是小型龜,到現在都係小型龜…我懷疑係唔會再大,可能係品種問題~~
養開龜的朋友可能會認識,但冇留意開就感覺跟普通龜一樣…其實佢有名堂…叫西非側頸龜…來自非洲的一個龜種~咁又何謂側頸龜呢?可能會諗到蛇頸龜,但側頸龜係冇長頸架!!普通龜來講:龜仔個頭伸出伸入成直線…但側頸龜就做唔到,龜仔個頭只能打側,就算睡覺都係一樣,所以無論點樣你都能夠睇到龜仔個頭同眼,因此而得名…呢度真係要長氣咁講明龜仔個頭,冇得簡稱,費是又聯想起其他東西喇…XXXXD室內養要注意日照需要,間中要晒下十令分鐘的太陽燈對健康有幫助…
因為本身係水龜,都好易養冇咩持別需要,我會用魚糧餵飼,若然自己食開白飯魚都會給牠一些,蝦及白飯魚佢都鍾意食,夏季活躍期,冬季在港有假冬眠,唔需要點理!!所以都算係懶人寵物…
龜唔可以長時間在龜兜裡面,間中都要放牠到窗台,若然放地上可能易唔見,在窗台就冇走失,佢把窗台當佢自己的小天地,互動性就係可以跟住我的手行過來,可能畀慣食物畀佢…都得意嘅~~
都市人可能需要一些生活調劑,若然自己夠承擔力,養寵物都係一個唔錯的選擇,唔需要著重名種或稀有,就算好普通的寵物也能為你帶來歡樂…有機會再同大家講下龜經…
我覺得養龜最好,可能是長壽襟養,唔需担心見到百年歸老啲傷心事!
回覆刪除有好多人都咁講…寵物的壽命一般都唔太長, 見牠們離逝都會幾傷心…不過養龜或者大型鸚鵡就長壽得多~~~
刪除我對龜冇乜好感.
回覆刪除養寵物都講合唔合眼緣, 冇得勉強鍾意…
刪除細個時畀龜咬過?
刪除莫非童年陰影?!...
刪除會冬眠嗎?
回覆刪除一爺兄好少冇聽書架喎…我講咗佢會假冬眠, 懶郁唔會食嘢…頗長時間訓覺~基本上唔駛理…
刪除畀森兄捉到上堂發白日夢。😊
刪除冇法啦!老人家都視力衰退、記憶力差,絕對再犯,唔準罰呀!
唔緊要啦~~冇聽書就等森sir講多次...再冇聽0既, 就出去門口罰企!!!!XXD
刪除你咁後生就視力衰退,記憶力差...係咪夜生活太多呀!!!!!XXXXXXD
罰老人家企咁陰公! 好狠心!
刪除冇夜生活都咁差, 敵不過 歲月 摧殘。
哈哈…都唔算狠心,邊個叫一爺同學上堂發白日夢……
刪除唔可以話歲月催殘,有時間去郊區做下運動,望下遠景…
多年前我家人在未重建的沙田車公廟外的大水氹釣咗兩隻草龜回家,原來是一雄一雌,幾年後母龜生過兩次蛋就沒有再生,龜蛋要天然孵化,結果都是浪費,因此我試吃了一枚龜蛋,煮熟的龜蛋蛋白是半透明狀。
回覆刪除公龜養咗十幾年離世,因飼養母龜家人也離開,我將母龜放入龜池,牠會有很多同伴了!
因為我們試過開門納涼,母龜也試過走出家門,我們貼出街招,結果又有好心人送回,很感謝!
刪除你這樣的經歷令我想起以前養草龜, 牠們也是一公一母, 母龜也不時產蛋, 不過就冇吃(唔敢吃…)買些魚缸沙來孵化, 結果當然孵唔出, 可能跟家居的環境有關, 若果是天然都可能孵到…當時年少無知, 唔係太識養龜, 所以都養死龜, 諗返都好後悔架!!!!之後買些龜苗來養, 可能現今的龜苗太冇抵抗力, 養親都瓜…@@心諗: 龜唔係好粗生咩?!!...最後只係呢隻可以養到而家…
刪除你都好好彩, 走失的龜都會有好心人送回……難得!!!!!
森兄介紹喱個新非洲朋友仔又幾可愛,望落好似好迷你版,有冇5蚊銀咁大隻?
回覆刪除細個時都有養過綠色殼果種龜,主要餵紅蟲,食龜好似方便過養魚,同埋可以出缸散下步幾開心^^
養龜...
刪除淨係得gael兄讚隻龜仔可愛咋...當然冇五蚊銀咁細, 龜個殼約有10厘米長, 不過都唔算大~~據資料講呢種龜會去到20cm...
刪除以前好多地方都有水族店買龜糧, 現在買定一包乾魚糧或龜糧會方便少少,係呀,養龜方便過養魚得多...
天氣咁凍有冇同你龜密保下暖先.....佢會唔會冬眠呢?
刪除其實養水龜一般都唔駛保暖,龜唔係溫血動物,凍得滯自己就唔活動進入睡眠狀態…gael兄有興趣可以養隻,唔多功夫…除咗做Blog友外仲可以做埋龜友…
刪除六年了! 真高興森兄的小竉物找到好龜叔. 個人認為喜愛小動物的人, 心地也很善良!
回覆刪除真係好多謝KK兄咁講...現在自己心態都有改變, 養得寵物就唔好當玩物, 要畀多點責任心, 所以唔敢養太多~~
刪除KK兄成日來探森老伯都係個心地善良的人啦!!
有個好「龜蜜」,生活有樂趣!
回覆刪除喜歡的就當樂趣, 唔喜歡的就嫌打理麻煩...哈哈
刪除記得以前有朋友送過一隻小綠龜給我,都很長壽。
回覆刪除有次遊青松觀,吃完齋菜後,有位園丁在園景池裡,撈了一只小龜送給我,也養了很久。
後來小龜歸了天,我去水族館店買過另一售回家養,可是次次都養不長,我都服了,不買了。
更正: 應是"另一隻",不是一售。
刪除龜一般都很長壽,所以當寵物都幾耐養…
刪除我常常覺得住在寺院的龜應該幾有靈性,只要畀心機養,龜都有唔錯的互動性…
而家的龜苗真係唔耐養,可能用藥水令牠們睇落生猛,養冇耐時間就歸天,曾幾何時買到怕怕…
作者已經移除這則留言。
回覆刪除作者已經移除這則留言。
刪除多謝KaKa讚賞森伯隻龜密…
刪除可能佢以為我餵食物畀佢, 所以眼仔碌碌望住……
我諗KaKa細個養嗰隻可能係忍者龜…又跌落街, 又爬大門, 又曉禽窗口~~簡直煉得一身好武功…我諗好多人細個都養過龜…尤其是巴西龜!!!
我都試過, 明明見到, 再入過去睇就消失了~~奇怪, 可能係G-blog的問題!!!
Ka Ka嘅龜蜜偷走跌咗落街
刪除作者已經移除這則留言。
刪除大夫:
刪除可能Ka Ka是住一幢獨立屋呢,跌落街都唔驚啦~~~
Ka Ka:
刪除就咁睇…Ka Ka同大夫越來越夾,對世事的領悟,對人生的參透…
越來越有見地!
作者已經移除這則留言。
刪除KaKa:
刪除可能大夫呢個結都係時候要搵個佢信得過的人幫佢解解~~
大夫 without 心
刪除without結得解
大夫解得開KaKa的心結
大夫能打開KaKa心結…相信佢聽到肯定好開心…
刪除作者已經移除這則留言。
刪除我都話KaKa聽到好開心…睇嚟真係喎!!!!!
刪除作者已經移除這則留言。
刪除KaKa的心結是未中六合彩,同埋未環遊世界!
刪除中$20六合彩,同埋環遊世界...
take it easy
作者已經移除這則留言。
刪除大夫真係幾了解KaKa啲心事…又知中咗六合彩會環遊世界~~
刪除所以好多人都話買少少,當買個希望囉…哈哈
我都認同KaKa所講,有時做嘢做到又煩又悶的時候,睇番啲Blog友的回應真係好好笑,當放鬆吓!!或者呢樣就係寫Blog的好處…