講開網購…唔知大家又活唔活躍呢種的消費模式呢？！但現今係網絡世界，或多或少都幫襯過網上買東西…在過去的雙十一唔知大家又有冇份參予，每年到呢個時刻都有極龐大的消費數字...但對我來講就算有幾平都好，買東西最主要都係睇自己有冇真切的需要…
其實淘佬的出現，的確改變很多人的Shopping習慣，無論要搵咩特別東西，好多人都話有冇上淘佬搵過呀…最記得我第一次幫襯淘佬係買一個冷氣遙控器，打去原廠就話再冇呢個型號的遙控器賣，當時有人建議去什麼鴨寮街之類買些萬能遙控器，但買時又未必試到，再有人話可以到淘佬搵搵呢種原廠貨，於是乎真係搵到個類似，機價加運費都只不過係幾廿蚊…@@心諗又幾不可思議…聽人講好多原廠的零件都在大陸生產，可以買到都冇咩出奇…唔覺唔覺呢部遙控器用到而家…已經係好幾年前的事了…講開又講，森伯個老人家到而家都唔識在淘佬買野，都係靠自己人代勞，多數買些陶瓷擺件或者文具…
一向好喜歡陶瓷，如果香港買可能會貴少少，而且現在要搵靚的陶瓷擺件，去國貨公司可能有多選擇，而且貨源大家都來自中國…
呢隻筆...畫畫需要，計埋運費都有著數，所以一買都買多幾支…
其實對森伯來講，網購只是多種消費模式的其中一種，由始至今都唔會在網上購買超過一千元的東西，除非係電腦就會上官網購買，至於新鮮食品就一定唔會，始終都係隔山買牛好壞參差，買貴價的東西點都要親身睇過斗過先買得放森（老人家森態）…
森兄隻雀手工真係又幾靚喎,係咪要幾百蚊??有冇一罐可樂咁高?
回覆刪除我都係老人家心態啊,平時都好少網購,最貴只係買機票:P
嚴格嚟講森兄嗰隻應該係鸚鵡大好多…XXD
刪除如果朝早夠光影會靚啲…冇記錯好似百多元，Size有兩罐半可樂咁高…
可能香港細細地買嘢方便，網購只是其一選擇…
咦咦咦.....森兄隻雀靚咗又青咗喎^^
刪除多數鸚鵡都會用綠青色配搭，有充足光線影梗會靚啲…
刪除我都未試過在淘寶網購物>_<好多時質數有參差不齊，不過件陶瓷鳥擺設又靚喎，幾錢呢？
回覆刪除我成日覺得上淘寶買東西好複雜，又要計算運費…所以搵熟人搭單買會方便得多，係呀貨品有好壞，只是平賣平買盡量減低損失~~
刪除多謝！如果夠光影鳥擺設實物靚得多！冇記錯應該百多元都買了好一段時間…
森兄，我暫時仍不怎樣喜歡網購，但我女兒在她十六、七歲已開始了，甚至還把她自己玩具拿上網賣…
回覆刪除自從流行網上購物，我便發覺有一行業被衝擊最大，便是這裡的二手店，執下執下就少一間，剩下的便只有像救世軍之類的舊品店了！
恕兄…咁你女兒真係好早已經熟悉網絡的賣買，年青人真係醒目得多…我到而家都唔太識在淘佬買東西，好在有人代勞～～反而自己在香港網店訂購就比較多…
刪除哦原來會影響到二手店!!呢樣真係唔知，平時絕少幫襯二手店，都冇留意相關的舖頭……
我哋呢度都有個本地購物網。
刪除除了甚麼都有得賣外，連物業放售都有得你揀…
其中有一服務是免費的，可能冇人會想到，就是將你不要的東西送給有需要的人，好處是，有人免費給你搬走，而又不會浪費！
物業放售都可以?!!…香港應該都有類似的物業網，據講仲可以網上睇樓，但作用性大唔大就真係唔知…對港人來講買樓都唔係買棵菜，好多買樓事情都係要親力親為…
刪除咁又幾好，有人幫你抬走之餘，物件仲可以reuse…
網絡已經同人類生活不可分割了，呢個時代嘅洪流不會逆轉。
回覆刪除記得早4、5年前，我有個家姐話報紙已經取消咗戲院播乜電影嗰欄，我冇睇報紙好耐都唔知已經冇咗，佢話想睇戲都唔知點算好，我咪話要上網睇囉，佢仲以為用電腦好困難，要識英文，又要學好耐先至識，我帮佢壯膽，話今時唔同往日，識睇中文字就識上網，好簡單，唔駛學架。最終，佢都買咗人生第一部電腦（係平板），仲畀我睇佢點樣上網，唔識就叫個仔教翻佢。
我都驚網上被騙，唔會用信用卡，要貨到付款。
因為香港購物實在太方便，其它國家地大人稀，要揸一程車先至有得購物，有啲地區勞工法例保障員工又好好，硬性規定店舖唔準假期開工，白天以外嘅返工時間又要雙倍工資，店舖都唔會開好夜，網上購物 毫無疑問 係方便咗，遲啲發展到無人機送貨，仲可縮短訂貨到收貨時間到1〜2小時就收到，又唔駛限時限刻，安在家24小時都可買嘢。
或者網購都係一種新興的生意，你話能否代替實體店可能就未必…正如你所講香港買嘢好方便，隨便落街都可以買到生活的物品，就算買些款式衫褲，頂多搭一兩程車就去到…你唔講又冇留意，報紙上的電影廣告都好似冇乜，以前都知香港有咩戲睇，而家就完全唔知…而事實香港而家所出的港產片都冇乜吸引，要睇都會揀西片睇…
刪除有一爺細佬親自教用平板，家姐就好快上手啦！其實現在的電子產品都以簡單易用為主，太複雜就減少很多客源…
我都係咁，到而家都唔會用信用卡在網上交費，可以的話就貨到收款或過數！！網購可能對歐美等地方可能唔錯，坐在家裡就有人送來幾方便哩…你講的無人機送貨又幾好喎…到時畀老到唔識郁的森伯伯幾好XXXD
不過生活所需，還有很多用品都係親身去買會好啲～～～
你都知道嘅 航拍機， 就係無人機嘅一種， 佢可以應用喺送貨功能上。 其實送貨服務已經試飛成功， 只不過 法例上 唔容許 無人機 喺 空中飛行， 有啲偏遠地方 已經容許佢飛。森兄講中咗其中一個重點，行動唔方便嘅老人家唔駛 舟車勞動 又要拎住重揼揼嘅生活 必需品， 對未來好多 人口老化嘅國家 係好適用嘅。
刪除對於我嚟講 陶瓷 除咗杯杯碗碗碟碟之外 就係 福祿壽三星 同埋插花嘅花瓶， 懂得買陶瓷擺設 嘅 森伯， 有著附庸風雅 嘅文化修養，又識畫畫喎！我感到森伯係擁有斯文書生嘅高尚氣質，陶瓷要點欣賞架？
刪除如果用航拍機真係冇咩可能，起碼運大件的貨品都唔可以，萬一乘載力唔夠都好危險...而且政府都冇咩可能任由航拍機周圍飛...如果要做到盡善盡美，再要靠大家諗諗計～～
刪除基本上人到老年（好似森伯伯咁）購物慾都減低啦...仲邊會一袋二袋咁拎返屋企...哈哈
嘩你成頂高帽笠落嚟...森伯邊有咁附庸風雅~~你唔記得森伯係粗人一個咩?!!!不識抬舉，粗口爛舌就差唔多~~~XXXD
斯文書生, 高尚氣質...呢一句肯定係反話~~~係咪想話森伯老土呀!!!陶瓷的擺件只要自己喜歡就叫欣賞, 就好似一朵花,
你覺得令你喜悅,望多兩眼就已經係欣賞...
載重5lbs,10lbs 足夠㗎啦。
刪除地震路䧟路不通要靠飛嘅送救命食物、 清水、 藥物 、寒衣 等等 ……。
醫療上 器官、藥物運輸 用飛嘅 唔驚塞車。
必需品 包括 米、蔬菜、水果、油、肉、清潔液等…都好重架。
筆錄森兄好粗，惹人愛。
刪除始終救災同購物運送係兩回事，可能有些飛行器能夠做到運載重物都唔怕喇…不過如果天空太多重物飛來飛去，都會構成危險…尤其香港～～
刪除網上世界的確可以讓人有很多遐思……哈哈哈
係唔係可以網購呢種灰色筆? 係就好啦! 我好鍾意用這種筆用嚟寫字，有用毛筆嘅感覺，寫出嚟嘅字，感覺秀麗。可是越賣越貴。等我叫人幫我去網購多些回來，可以多用些。森少今天這個提示真好!
回覆刪除係呀～呢種筆如果香港網購，價錢都未必平好多，而且要一盒盒買，冇得散買…但在淘Ｘ買，價錢相對較為平啲，但魚目混珠的貨品亦很多，自己就要細心挑選…呢隻筆寫字幾好，對我來講畫公仔都好適合，所以一買就買多少少，因為用得多…
刪除唔駛客氣~~
先搭人買些試試，看看效果如何? 今天仔細看清楚香港買到的是~聲稱日本出品，好處多多。當然就是這些優點，使我用完又買，成為它的粉絲。 我有用它寫紀錄，寫過課程表複印。
刪除現在恰巧要寫喜貼信封人名，寫來就像用毛筆寫似的，顯得莊重與傳統。也幸好這種喜帖封面紙質有些吸水性，否則一抹即脫色，寫來嘥心機。若是這種情況，只有用圓珠筆(原子筆)去寫了。
雖然比較平少少，但都要當心去挑選，而香港買到的雖然貴少少但一般都合格好用，如果只純粹貪平就無所謂…
刪除佢呢隻筆唔錯，墨水有防水作用，不過對於我來講一支筆都好快用到冇墨，時不時都要買，一次買多少少可以有排用…
有一種「箱頭筆」，很多專業人士都喜歡用。我就覺得這種筆有很刺激的氣味，無論寫黑板、白板，畫畫，都要跟著呼吸到這種難聞的味道，我就是受不了。
回覆刪除不過一些畫畫的人士十分喜歡它，可能只是我自已的呼吸有些敏感吧。
係呀～～箱頭筆的確有刺鼻氣味…對我來講都甚少用箱頭筆畫畫，可能表現一種特殊效果的畫法喇…
刪除講起網購, ykk還未開始!
回覆刪除但最近發生一件同網購有關的事件. 兒子早年在外國讀書，為某些方便，給了他一張附屬卡。其實，他現在也很少用，只在兩月前同香港某大公司網購。
但在前幾天, 我收到銀行查證, 說那張附屬卡剛在曰本,成功簽脹兩次, 合共5萬餘港元…….
ykk相信此事同兒子那次網購有關!
原來你仲未試過網購...可能你都係要睇過實物先放心去買!!不過對於住在香港來講，要買嘢都好方便~~~
刪除聽你咁講，發覺現在的青年人已經好幸福，當有需要時就可以用張卡簽帳...你講的五萬多元真係頗大的數目，但係呢個數都要問問你兒子，先弄個清楚...我覺得雖然網購好方便，但因為這種方便好易讓人不自覺駛多了錢，所以現在, 我都會認清楚自己有需要才敢在網上落單...
今日去攞第一次網購的物品，希望有好的印象喇。
回覆刪除第一個印象好重要, 如果唔太好多數未必再幫襯~~~
刪除