相信今年對於森伯伯來講，最為難忘都係有個悠長假期，雖然未必可以全森全意放假，是因可能要隨時候命，不過也可以充充電放一放鬆咁啦！或者老人家都係辛苦命，總是無事忙！！亦都在這個期間可以參觀古埃及文明展，早幾日在報章上睇原來這個展覽創了入場人數新高?!!...我諗當中必定包括自由行旅客，因為當時真係幾多國內遊客團…
言歸正傳，放完個長假要返工初時都唔習慣，不過家陣都慢慢適應，公司要改頭換面真係唔容易，相信都幾大工程…
不過點都有一番新簇的感覺，雖然話新了，但反而舊時仲感覺大體一點…或者老人家愛懷舊喇！算比我想像中冇咁大油漆味，可能時時有空調開著，味道可以快點散！而且室內的玻璃多了，亦可能減少油漆揉牆的裝修味…
今次新裝修以玻璃為主，處處都一目了然，據講話唔想太多壓迫感喎…度度都有玻璃牆，玻璃房…踭在個茅廁唔係玻璃咋…哈哈哈
可能始終都係裝修完冇幾耐，仲有很多東西要執拾，放完個長假已經到年尾，感覺2017年時間過得真係好快…
以前做事的公司每隔一兩年都會裝修下，雖不是甚麼大變動，但卻會使人有一種新鮮感，做起事來大家都會勤快些！
回覆刪除不過，每次裝修過後總有說話話邊個邊個搵到著數，這又恨唔得咁多，其實公司已經預咗！
隔一兩年就裝修吓…咁一年咪有幾趟？！如果時時要裝修諗吓都幾頭痛，返工情緒都大受影響，不過最緊要係執得整整齊齊，工作間也覺得舒服整潔些吧！
刪除哈哈…如果裝修得太多真係會惹起有些人懷疑架…借裝修工程為名從中開公司數來掠水都唔奇~~
我話隔一兩年就裝修一下，其實都唔算係乜裝修，比如拆除舊的文件櫃換過啲新，有時又會換下啲枱櫈，最麻煩的就係轉換方向將工作嘅地方大執位。
刪除總之大裝修多數係五年才有一次，而這個做統籌的人就肥過肥仔水喇！
哈哈哈…森伯老人家睇漏眼，即使一兩年才整一整都算幾密…對於我哋公司都間唔中會有些小工程，整吓冷氣空調，整吓水管都有…
刪除如果個統籌識做，真係好應該「慰勞」吓你哋班員工，起碼當工程完咗刷番餐…
駛唔駛買返啲植物返公司吸下啲油漆味?
回覆刪除唔駛喇，又唔係太大陣味～平時張枱都有植物…
刪除咁森兄係咪坐玻璃房入面?
刪除唔係，相中的玻璃房該是另有用途…
刪除裝修完之後地方好光猛喎！
回覆刪除工作的地方點都要光猛啲才好～
刪除咁通透！森切監視，壓迫更大。
回覆刪除唔會喇~~真正的監視有個閉路電視嘛~~所以唔可以洩洩偷懶…
刪除閉路電視係防盜，用黎監管員工會反感喎！你公司嗅高層咁衰架！
刪除哈哈，閉路電視唔係睇偷懶員工，其實一間公司咩人都入得，作用係有監察兼且有阻嚇作用～～
刪除古埃及文明展值得一看，我也看過了！
回覆刪除好耐冇見喇，你好呀！
刪除難得呢個展覽香港可以睇…都值得去參觀見識吓~~
稍後去睇你的介紹…有時間就要常來~~~~
以前服務過廿幾年的舊公司,從未遇上裝飾,但共搬遷了5次,相當吃力!
回覆刪除相比搬遷都算冇咁麻煩，好彩我哋今次可在家工作…其實就相當他條~~因為屋企的工作設備少…
刪除森兄會唔會在工作上比較沉默少言,森閨,與同事有格膜, 舊間隔變成藏森地點?! 公司有見及此,改為琉璃see thru開放式,洗一天光晒.
回覆刪除ＫＫ兄變咗蘇師傅睇下森伯個相，講吓性格～～哈哈哈…
刪除唔好睇森伯平時傻吓笑吓，其實平時好內向含蓄…多咗玻璃間隔啫，唔係全部……
貴公司新裝修新氣象，改為玻璃間隔，啲靚女同事就一覽無遺了。
回覆刪除桌上放盆小植物，真係令人怡神養眼。當然都是在家裡工作自由自在得多。
不過森少久不久出外工作，是不是好過成日困在工作間?
新裝修的確有種新氣象，玻璃間隔用在另一陳設上，有時靚唔靚女好主觀嘅…
刪除本身我的桌上都放咗很多植物，主要目的都係睇得電腦多睇吓些少綠色植物護眼～～
其實森伯呢份工除非走火警，或放飯食晏…基本上唔駛外出工作～～
記得早幾篇森少說過要特別走到醫院工作，還以為你有機會外出工作，唔使成日困在辦公室。原來只係好偶然的事幹。夜已深，晚安!
刪除那一次是特別情況，不會時時這樣…若有些工作要間中出勤一下都唔錯，感覺時間會快過一點…
刪除到我現在回覆的時候，應該跟你講聲早晨～～
偶然改變下會有新鮮感，工作時都會精神爽D啦。
回覆刪除係呀～你說得對…辦工室有番新氣象，的確有醒神作用…
刪除森兄, 請問記不記起你舊好網友小桂子? 有冇他消息呢.
回覆刪除小桂子?!!...你講起又鈎起我少少印象…
刪除自從y-blog後好多舊博友都失散~~
相信現在只得KK兄仍有繼續聯絡…