有日經過一間大型超市,初時睇個包裝好似香腸,再細睇原來係杏腸,以為係即食的杏仁糕之類…買來試試又無妨!
不過在超市的烘培部份買到的多數整甜品用,基本上都唔係即食,其實用來整什麼甜品都可以,看你的發揮!整餅整包對我來講可能太大工程,不如簡簡單單整個杏糊就算,先將米漿煮好再放幾片杏膏,攪拌一會便可…真係極之簡單~~
其實杏腸的杏仁同糖份都好濃縮,基本上一小截都已經夠…
煮出來的杏糊一D都唔失禮,平時磨的杏仁多數有微粒,但呢碗就極之幼滑,完全合格…一碌杏仁膏應該可以煮好幾次~~
東方同西方所指的杏仁是有分別的,當然有養生效用會選南杏北杏,至於有咩功效…森伯就唔詳細講,自己可以在網上搵搵資料~~而杏仁膏屬於來佬貨,多數整來佬糕點...但森伯就整個中式糖水,私底下幫佢cross over,結果都得喎!!至於有咩其他整法可以搜查Marzipan
如果有人想請客食糖水,又想顯一顯身手,用呢隻杏仁腸整杏仁糊唔錯,應該會簡單易做…幾掂…同呃到下人~~
係咪M&S果度買?^^
回覆刪除先煮好米漿......係咪即係好似煲粥咁先用米煮成糊仔?
係在Market P…買的~~~
刪除你都啱…先把浸水米用攪拌機打成漿,煮稠後加上幾片杏膏攪溶即可…唔錯幾好味~~
咦,我又去睇下先,貴唔貴?
刪除可惜我無攪拌機,不過我諗會試下用來早餐煮麥皮
我諗你買咗之後會覺得唔划算,唔算抵食…
刪除若果無攪拌機,不如買杏仁粉,同樣可以放在麥皮裡,而且杏仁粉無糖,煮起來易控制…
又係喎,可以考慮下....
刪除覺得麥皮太單調, 加些杏仁粉應該唔錯…
刪除森兄,我很細個的時候就已懂得整杏仁茶或花生糊、芝麻糊呢類甜品。那時有家姐有細妹,但就唔點解多數係我整?
回覆刪除至於呢隻杏仁腸,如果冇睇錯應該叫杏仁糕,通常係西餅師整甜點用的餡料…
而你巧妙的將之運用,哈哈…真聰明,我又學到嘢喇…謝謝!
咁你細細個都好叻喎…兼且係廿四孝大佬~~~我覺得早些懂得煮食係好好的事,小朋友都比較獨立,始終煮食都係生存必須要學的…
刪除初時以為呢種杏仁糕是可以即食,點知是用來烘培餅食用的,於是諗諗計清理佢囉~~~煮杏仁糊都煮咗幾次…
好喎!多謝你做白老鼠,有機會見到,都買條試吓先!
回覆刪除哈哈,如果喜歡食杏仁味的食物應該幾啱,可能買了後仲可以諗到整其他甜品…
刪除樂見森兄有膽識嘗試,又有頭腦,變化出創意森糊。凍冰冰冬天食暖笠笠、甜蜜蜜,補身又滋潤,喝一口甜在心,衝口而出,直呼暖男森,人見人愛。
回覆刪除飯後太飽唔想糊仔太厚,改用特濃4.5牛奶可快捷做出杏仁茶。
咁又唔駛咩膽色嘅,明知佢係甜品類,用來整糖水都應該得喇…
刪除係呀~呢個天時食碗熱熱地的糖水,真係潤在喉暖在森架!我呢個暖男森,暖一陣咋…唔會時時整~~~
你都好有頭腦,用來整杯杏仁奶都好正,而且更簡單易做…
刮一陣『糖森風暴』,一試難忘,最鈎心鈎肺係『放暖限定』,若即若離,上咗糖森癮 ,欲罷不能。
刪除你講到好似上咗煙癮毒癮咁…哈哈
刪除其實對於幾廿歲的森伯來講,現在都好少食太甜,如果要整都係用冇糖薯粉,熱量低少少…
等我有機會都整嚟試下先!
回覆刪除除咗整糖水都可以有其他整法,不妨試下…
刪除睇見切開嗰個樣子,真係幾似玉子豆腐。杏仁糊確係幾好食,森少都很有創意。
回覆刪除不過我沒有買攪拌機,都係煮吓雞蛋腐竹糖水算了。
都似架,不過份量大過玉子豆腐,都係少少創意,因平時都有整開就會諗到…
刪除攪拌機不是家家都有,有些糖水只是放落煲內煮就可以了~腐竹雞蛋糖水都好啱食…
鬼佬杏仁糕, 成唐餐美食, 潤森且潤喉, 做個杏混有森人!
回覆刪除KK兄真係夠創意…””杏混有森仁””簡直本篇佳句…
刪除其他嘢就唔敢亂創花款,整啲簡單甜品就無所謂~~
森記,我想要芝麻糊呀!有冇芝麻糊呀?:P
回覆刪除我…好鬼懶!通常都是買即冲的芝麻糊冲來飲
或到糖水店食。嘻嘻!
森記暫時未有芝麻糊供應…可能要讓KaKa久等…
刪除到糖水店食就比較多選擇,勝在唔駛自己整,但係即沖芝麻糊雖然方便,但完全冇晒風味…
即冲果啲係方便,但糖粉一般會比較高:P
刪除咁…看來…
刪除想食有風味嘅芝麻糊最好幫襯"森記甜品店",
想食低糖/少甜嘅芝麻糊最好幫襯"基爾甜品店"
哈哈哈…
即冲果啲芝麻糊都唔係成日食嘅,只是久唔久食吓啫,都唔怕喇!
你哋兩位對食甜品都好有要求喎!
反而我在這方面不太講究。:P
Gael兄:
刪除即沖嗰種食過一兩次,感覺麻麻地,甜得嚟又一pat pat…
KaKa:
刪除哈哈哈…兩間甜品店又唔好講到打對台咁~~~~~
可以兩個夾份開,叫"森基甜品店"用心機炮製甜品都得啫…少甜健康又不失原材料的風味……到時第一個顧客一定要係KaKa喇~~哈哈
其實間中食下都冇咩所謂,始終而家的人都冇乜幾何食糖水,怕甜怕肥…以前的人營養冇咁豐富,好多時飯後都飲吓糖水…
哈哈哈…森兄,咁…不如加埋我個名,可能更加有號召力喎!"嘉森基甜品店"~為客人加重心機炮製甜品都得喎…
刪除喺呀!糖水都是少食多滋味,多食對身體無益。
又好喎~~加埋個名都啱意思…"加倍心機去製作甜品"……不過最好笑係呢壇生意完全冇咨詢過基爾兄,仲諗住佢係最大股東…第二係KaKa…森伯只係負責試味~~~~~XXXXXD
刪除不過現在少食糖水了,出街食又好少諗食甜品…
很想在診所
刪除加設中醫按摩足浴
下午OL靚湯
找三位煲糖水就正
創意無限……
回覆刪除杏仁茶、杏仁糊,我愛的中式甜品。
創意都是在經驗中獲得…
刪除我覺得中式甜品比較多選擇…多唔同款式~~