我講的八年新高，唔係講森伯的收入…只係講最近有新聞話香港的貧窮人口創8年新高…唔好話唔緊張，青年人長者的貧窮人口有上升的趨勢～當然青年人就唔關森伯事，但長者就點都有少少辣到森伯卦，有人認為可能計算上有偏差，我都唔理政府點計，總之關乎到冇錢與有錢的話題，相信大家都會關注下，錢銀幾時都係同每個都市人息息相關～
身為打工仔的森伯，唔想窮就真係唯有慳！不過慳咗亦唔見得有錢喎XXD
要儲個錢都唔易，講到投資──森伯唔識～賭馬──唔識～過大海搏一鋪──唔識～偷厄拐騙──更加唔識…如果呢個年代仲有穿膠花的話，森伯必做！起碼都靠自己雙手嘛…（解釋下穿膠花係乜先，驚有啲真正年輕的博友唔知係乜…該是五六十年代的家庭手作，把所有配件穿成一朵膠花便可，當時的人靠這些手作來幫補家計…咁當然要廠家畀貨你做先得~~~）
以上資料有誤請指教…因那些年森伯應該未出世~~~當然而家的工廠都冇呢類手作分發畀人做…而且感覺上而家的人冇上一代的人咁捱得，個個為求賺快錢，最好唔駛做就有錢落袋，你睇個股票市場就知喇…玩股票除咗考眼光之外，仲要有承受風險的能力~~可惜森伯兩樣都欠奉呢…
有時經過超市後欄，都見到一車二車紙皮，又無人看管，有時真係好有衝動去>>>>影張相啫！不過都唔排除想成車拎去賣番十元八塊幫補家計…
不過唔知家陣嗰班業界傾掂未，仲收唔收香港紙皮…?!!
森兄一講就露底，原來五六十年代還未出世，咁即係話俾大家知，你是七十後的小伙子…
回覆刪除恕兄…我諗我寫得含糊令你誤會, 我講五六十年代穿膠花就知, 再之前有冇穿膠花這行業就唔知嘞, 因為我未出世~~~~~
刪除五十後是小伙子.....七十後是小伙子......都是年青人。
刪除你的人生觀好正確，直到七、八十歲都係小伙子…不過啲風濕唔爭氣呢~~~哈哈
刪除寫成咁樣，即係話退休後森兄要拎綜援過活，咁你要睇開啲啦！😢
回覆刪除人生梗係要睇開啲~~樣樣太過認真盞辛苦自己…認真都要睇在咩事上…
刪除若然仲可以靠雙手，當然唔希望攞綜援啦…不過將來的事預計唔到，唯有為未來做定打算…><
回覆刪除你都踩到自己貼晒地，無銀又無賺錢能力，好似友人將會問森兄借錢咁嘅口脗，又似見緊社工申請綜援咁樣，唔打算等政府救濟都唔得啦！
刪除想知赤貧森有乜具體打算？
老人總愛講反話，等我用逆向思維亂猜一通。
正所謂財不可露眼，想隱藏財富係怕賊匪標森。
抑或同前高官何志平一樣，有著唔見得光嘅收入，要盡量低調行事。（ 係偷呃拐騙以外，避重就輕唔寫）
有錢仔扮窮人睇吓啲朋友嘅真心。
我邊有踩到自己貼地?!!...只係講返升斗小蟻民森伯的森聲…
刪除成篇blog有啲係認真講, 有啲係語帶幽默來講~~唔需要太過介意!!
我仲以為你會同我講返笑添……
普通市民最關心係咩呢!!當然係退休生活…冇工作的時候都要為自己打算吓~~
而且將來很多事都難以估計，趁呢個時候諗吓有咩儲$$方法都好正常!!!只是為將來老咗打算下~~
都係嗰一句啦, 有錢人有有錢人的開心同擔憂；冇錢人亦有冇錢人的開心同擔憂…係好公平啫~~~
貧苦大衆都咁慘，仲要講笑，唔通森兄真係『笑貧不笑娼』。
刪除仲想偷師學吓森兄嘅退休打算，點知內容咁空靈（零），西遊於雲霧霾，唱吓林峰🎼就算怎麼伸盡手臂，我們亦有一些距離🎼。見到一堆，抓不到一絲。
如果森兄細過時穿過膠花，最後生都要係61~62年出世，要6~7歲先至識得穿， 加埋已經係69年，到70年代好似少咗呢個散工。森兄依家係55歲，踏入退休階段。
點敢好似一爺講到攞貧窮來講笑丫，自己都係貧者一族....只是生活迫人；苦中作樂；扮睇得開啫......
刪除你都好年青喎，聽林峰的歌，森伯仲聽梗譚炳文的舊歡如夢咋~~~~
本來講穿膠花，無端端講到森伯個年紀?!!......以森伯的年紀應該屬於安享晚年弄孫為樂的階段...
就因為仲要為口奔馳，先唔敢咁快享青福住............：P
以上的回應係森伯真心講，但信不信由你......
森兄生活拮据，又扮睇得開，會鬱到有精神病，（投森所好），睇怕要見下社工扶你一把， 勉勵你窮途未必會沒路，真係唔得就打23892222，橋到船頭自然直。
刪除你係乜邏輯架！咁我都聽周璇啲歌，咪老到要剃前額紮起辮仔？（投森所好）
森兄講乜都要信，信者得益。
刪除你個一爺兄～拮据又唔得…睇得開又唔得…仲畀埋啲咩熱線森伯打去，真係畀你唱到森伯窮到褲穿0隆咁…哈哈哈
刪除只不過講下新聞一則，乜你唔會留意時事咩？！
周旋嗰個年代的歌幾有特色，我都喜歡聽…有次見到輯錄成雜錦CD，始終認識的歌唔多，冇買…可惜…
森伯幾時都值得信, 因為唔識講大話…
刪除政府都出力扶貧啦！拮据係唔得。
刪除你話『扮』睇得開，引致精神病喎！當然唔得啦！森兄咁叻，係社會嘅損失，要醫番好。
真係唔識，咪成日畀人拆穿。
刪除好心一爺把口收籢收籢下啦…唔通森伯呻下窮都唔得咩?!...
刪除年尾流流畀你把口講過，真係大吉過你呀………XXXD
你想指拆穿啲乜呢!!!......
想我收口，要掩口禮喎！哈哈！
刪除真係好難捉森理，不如森兄教吓我點講至合森水。
講吓就算係架哪！咁我要拎呢啲珍貴預知能力去賺好多錢，然後，捐部份錢去慈善機構。
你亂咁講嘢…送返個禮畀我就差唔多…
刪除哈哈…森伯好單純同簡單，你講下森伯有內涵、靚仔、大方得體、知書識禮…相信都冇人唔合心水卦~~~不過要一爺開口讚森伯又好難嘅…見諒!!
唔好浪費你所謂的珍貴預知能力…一於預測吓六合彩~~~
係乜道理呀？？？
刪除哦！我知喇！亂咁嗡嘅議員畀蛇齋餅禮物，森兄都揾唔少著數。
口甜舌滑係得人鍾意啲。
呢個能力有規範，係 『好嘅唔靈醜嘅靈』，咒你就得啫，駛唔駛我出招吖！
雖然唔係好知你想講乜…不過所謂的蛇齋餅都冇享用過，何來著數…
刪除太過口甜舌滑又會畀人話假~~~
咒人就得?!!...咁你去鵝頸橋擺檔，應該幾多生意…
啱啱睇返一爺兄的留言回應，原來都幾多喎，差唔多佔大多數…
刪除如果森Blog呢壇係生意…咁一爺兄就已經入咗VIP……哈哈哈
哈哈！唔講又冇留意，呢篇文章嘅留言畀我撐住半天邊，名符其實係口水多過浪花。
刪除係阿DoDo姐電台嘅節目名，如果阿媽生得我把聲靚啲可以去做DJ。
我諗你一個鐘頭的節目，可以up夠兩個鐘~~~~
刪除多嘢講都有三種情況，一係言之有理…二係廢腑之言…三係唔經大腦~~~咁就要睇一爺個節目係屬於邊種~~~~哈哈哈
要時光倒流先得喎森兄,依家可能無乜人插膠花,所以都唔駛再穿....XXD
回覆刪除依家咁多人玩app或者手機打機,咁不如提議森兄客串去寫下app或者手機game好過啦,肯定幫森兄戶口賺到水滿唔駛去執紙皮咁麻煩^^
森伯咪講若果現在仲有穿膠花呢行，森伯必做囉......哈哈哈
刪除而家雖然多人玩手機的遊戲程式，但唔代表人人(包括森伯伯)都識製作呢類程式。唯有再諗計，再諗將來點打算...
都多謝gael兄的提議啦......
貧也好，富也好，家家有本難唸的經。窮有窮開心，富有富傷心。
回覆刪除年年25歲睇開啲，必有快樂的人生。
秋葉幾時都有豁達的人生觀，或者不要把得與失看得太重，人生才會自在～
刪除都唔需要盲目當自己幾多歲，做返真正的年紀最舒服……
我想認老都唔得呀! 久不久畀人質疑我講大話，話張身份證係唔係報大數喎。有次意外入了醫院，日日有不熟識的見習姑娘仔來問我幾多歲? 真係好煩呀! 老唔緊要，最怕少年亡。其實我遇險多次，幾乎死過好多次! 大難不死，必會長命百歲。我阿爸都有90歲才仙遊。阿彌陀佛!
刪除哈哈，做人畀人質疑樣貌大過真實年齡就話驚啫，細過真實年齡應該開香檳啦…如果森伯冇估錯的話，秋葉個人應該係個樂觀人，都唔會積怨太多…呢啲都係保持年青的方法，唔好話年年廿五，年年廿二都得呀…
刪除生死有命，我們作為凡人都管不到什麼…珍惜每日最重要~~~
哈哈! 我都想年年廿二歲呀! 不過又離譜一啲。我都算得係幾樂觀，都捱得吓風浪，面不改容。
刪除說得對呀! 生死有命，富貴在天。天道酬勤。珍惜每一天，好好的快活，好好的慢活。不嫉妒、不整人、安於本份。
所講的相由心生，只要心境保持年輕氣息，樣貌都可以保持年輕～做人捱得風浪好重要，面對順逆境一切都可以處之泰然…亦都是一個人成熟的表現～
刪除做人的確很多事情都唔到自己控制，認真出過心出過力便是了…
起初看到標題時, 以為森兄升了級, 八年薪高, 真的可喜可賀.
回覆刪除點知睇睇吓…要穿膠花… 不過, 這只是森兄關心時事, 替現今年輕人就業擔心. 其實, 大家不用太憂慮. 古云: 船到橋頭自然直. 最緊要是,自己先做好自己本份. 好似森兄, 就 ”雙安 ”無事: “安居樂業; 安枕無憂啦”!
八年薪高…邊有咁好!!!只不過同大家講吓一則新聞而已~~~
刪除現在時移勢易仲邊有膠花穿，睇怕森伯想賺點外快都冇…哈哈
家陣的年輕人唔駛森伯擔心，有佢地父母嘛~~反而擔心長者們的生活，有如自己的切身問題……當人活到一把年紀，好多事情都經歷過～或者都要思維正面少少，無論咩難關都可以捱過…