一向都好少買零食返工食，唔似有啲同事個位總摷到一兩樣零食，可能唔係太喜歡邊食嘢邊做嘢…唔好話森伯古板，工作時候又咀郁郁的確成何體統！除非肚仔餓啫…而有啲公司仲會提供零食放到茶水間畀職員任食，所以有時Lunch hour都會見到有啲OL幾個去超市採購零食…不過我哋公司就冇呢種員工福利，要吔嘅就自己買！一唔係就等人接濟…哈哈哈
你哋都知森伯份人講禮尚往來，受得人哋接濟多，總係覺得唔好意思又要請返人哋食，或者咁都係增進吓員工感情吧！
至於今次又有乜食…原來係包花生，原來係同事自己整的…大家唔駛爭一人一包，今云真係可以一路做野一路剝花生～不過同事都係一番心意，烚好的花生仲要逐一包好，真係唔話得！我都已經好耐冇食過烚花生…
有花生食係咪最好有杯啤酒送呢?!!...這一刻唯有以水代酒！忽然覺得森伯伯自己好文雅…
森兄，以前細個去士多買花生，嗰度來去都係個幾款，但到現在，除了廣東口味的如南乳肉、鹹脆、蝦子或新加坡的牛車水出品之外，原來外省的也有很多很多不同的…
回覆刪除唔知你同事整的又是甚麼口味？
我記得以前賣的花生多數散裝，一袋袋買…唔似現在統統都係包裝貨…普通花生都可以有很多口味…我最喜歡係一種叫萬里望的鹹脆花生，一食都會唔停口~~
刪除我冇問…但味道係有五香粉，八角味道…食落香香哋~~~
細路時食魚皮花生多。
回覆刪除呢啲烚花生喺一個中國節日有得食，父母有拜神就知道，畀森兄估吓。
恕森伯伯孤陋寡聞唔係太知魚皮花生是什麼，有層麵粉包住嗰一款?!!
刪除你唔係講梗農曆七月份的節日?!!...記得以前中秋節都見有花生菱角呢類應節食品~~~
上網查話外層係麵粉呀！
刪除咁都識，好博學喎！
上網搜查?!!...乜唔係你食過咩...食過又冇理由唔知~~
刪除我唔係太知魚皮花生係乜, 不過估係有啲麵粉包住嗰種...
有啲嘢食咗都唔知係乜整。
刪除我都食到脆脆哋嘅層皮係用麪粉，不過，覺得魚皮花生唔應該係有魚喺層皮到咩，但我又食唔到魚味喎，為咗回覆森兄咪好認真咁上網查核吓，佢話係得麪粉咋！咪誠實咁話畀森兄聽囉！
識隻鬼係花生敏感，佢話食花生油煮菜都唔得，食咗會嚴重到抖唔到氣，氣絕身亡架，我都好驚會出事，喺大陸做野唔敢同佢試盡八方美食，淨係喺酒店同高級嘅西餐廳食，仲同侍應千叮萬囑，唔係畀人話我謀殺佢坐花廳就慘喇！👹
咁魚皮花生我又食過，通常都係黐下人哋食，自己好少買花生…不過唔知點解又好鍾意花生醬，自從有人話花生醬儲存得唔好，好易發霉有毒…所以好耐都冇食過花生醬…
刪除你講你自己有花生敏感?!我覺得食物敏感西方人才會，港人較少…乜原來你都唔食得花生架?!!咁你真係要小心，睇清楚先好放入口～其實好多人都有些小毛病，每個人都總有些食物唔食得…有啲普通的食物我都係由細戒到大，有些可能是誤解，到現在才破戒，食少少…
我係畀森兄激到吹鬚碌眼， 唔係 紅鬚綠眼 嘅鬼佬， 我話『 識隻鬼係花生敏感』，乜你當我死架。😡😨
刪除森兄仲叫我『咁你真係要小心，睇清楚』，睇黎呢句啱你多啲。係咪掛住睇清楚隔離個靚女，搞到森兄唔小心呀！
係咪仲要考個英文公開試，搞到中文差咗咁多。
刪除激死我，要罰留堂温習中文。
你的文字組織能力都好好啫…好到我都唔知你想表達乜!!!!究竟係邊位仁兄有花生敏感，有敏感就要乖乖戒口…
刪除唔好話睇野要小心，食野都要小心，講野更加要小心喇…
你又知森伯隔離有個靚女?!!...你有天眼通?!!~~~哈哈哈
森伯已經盡晒綿力去溫英文…除非有英文辣辣聲的一爺兄過嚟幫老人家補課~~唔係都唔知幾時考！森伯啲中文差係扮ＡＢＣ（番書佬）啫！！
『你的文字組織能力都好好啫』—— 引證老人總愛講反話。
刪除咁等我留堂補習吓文字組織。—— 我咁弱，所以，唔好迫我寫blog喇！
依家技術係可以Hack入你部手機 、電腦，開咗手機鏡頭，睇吓周圍，都算係天眼通。
搵我把鬼咩 ！要識番個英文人做情人，想溝佢自然好努力學好英文，背後咁大推動力，一定好掂當。我要剝花生睇好戲。
森伯老人家鍾意講反話，希望你哋後生仔見諒喇……:P
刪除一爺兄有迫害妄想症??!!...都冇迫你喎，寫Blog隨心意～
你用咁高科技去監視個阿伯?!...今次輪到我講:把鬼咩!!!!用嚟監視你啲情人知己有冇在外邊偷食嘛~~~哈哈哈
學英文變咗溝情人…我諗淨係一爺兄先諗得出~~~
都唔係把鬼架~~搵一爺教英文有個極好處，就係可以令森伯六根清淨，森無雜念，看破紅塵，專心溫書~~~~咁已經底番晒啦~~~XXXXD
森兄想咒我有精神病？其實，香港生活壓力咁大，有唔同程度嘅精神病都唔出奇，我諗我…………都係唔講。😡
刪除有智能手機就有呢個功能，咁普及都唔算乜高科技。
都好多人𥄫實筍盤森，我係八卦森兄嘅感情線點走啫。
情人講求互相，仲乜要監視咁費神，仲未試夠各色菜餚，咪分手保持單身囉。
又迫我做你私人英語補習庸師，快要迫到我痴線。
你當我係佛寺主持，助森兄六根清淨，帶髮出家，我冇修煉咁嘅道行喎，所托非人，你可以去寺廟揾師傅，立竿見影。
打錯字，係互信唔係互相。
刪除我仲以為一爺兄講得笑…
刪除完全冇話你情緒有問題~~只是用個病名比喻你個心理狀況~~~
我的手機邊有呢項監察功能，又冇玩呢類Apps~~
你講森伯手上嗰條感情線?!...乜你都識睇掌架??即刻攤大手板先…
我點知一爺啲情人知己的互信程度去到邊丫…我意思話的偷食係指有冇食啲三高嘢啫~~~~
搵一爺做補課老師都好，起碼六根清淨得嚟又唔會悶啦~~~~~
我一直以來都係講笑，乜你get唔到咩！想睇吓你有乜好創意嘅回應。
刪除扮睇相係摸人手仔技倆，森伯可以收手。網上有段片係個男仔扮魔術師去索油，手中放個銀仔，借意㩒落個女仔胸，然後仲要念一陣咒語，話會變走佢，最終係魔術失敗個銀仲喺到，畀佢再試多一次。
畀你食住個位添，森兄好聰明喎！
森兄有幾想六根清淨架，係咪好多人纏住筍盤森、色誘森兄，天生麗質難自棄， 晒命中。
寫回應又唔係作文，冇乜特別創意喎～～都唔知你邊句真邊句講笑，get到嗰個至奇……
刪除咁個當時人畀個索油魔術師咁抽水法都唔知，咁佢醒極都有限…不過唔排除係識得或者佢鍾意個魔術師呢?!!!....
偷食都有好多種嘅…哈哈哈
所有都係你自己作，森伯又年事已高，錢又冇，又老土，最重要係人又唔靚仔…何謂筍盤?!!...要筍盤搵一爺好過，唔好搞森伯!!!!!!!
我都鍾意食花生架，真係食花生唔係另一種。
回覆刪除唔係另一種?!!...你係咪指鹹脆花生或青島花生?!!...
刪除你真係好幽默。
刪除都係純粹講吓笑…
刪除森兄通常提供啲乜嘢零食咁呢......?
回覆刪除我諗gael兄意思係問有咩零食請番人食?!…
刪除多數買些盒裝穀物棒~~~
穀物棒有時都幾高卡....
刪除其實穀物棒原意係畀人充饑，補充能量…當然較高熱量喇~~
刪除只要不是時時食又冇問題嘅…
通常行山會帶D
刪除係呀!!…行山最啱,可以頂肚餓…
刪除哈哈! 講起食花生, ykk細時在街邊買的花生是烚的, 而花生是長身, 每粒花生內有三花生米.
回覆刪除聽你咁講，以前的街頭小食都幾健康…我只記得以前有賣鹹脆花生…相比現在的包裝花生好似唔太新鮮，而且好細粒~~~
刪除三粒花生米又好少留意，間中先見到…
乜又噉啱得咁轎，我都唔多鍾意吃零食，但為了簡單地充飢，只得貯備比較脆的萬里望花生。覺得“珠豆”太實，不好吃。
回覆刪除最近買咗包青島大花生回來試試，好像很難吃得晒，忽然靈一觸，拿去用水烚熟，都係做唔到買回來的連壳烚熟花生好食。 最終拿去煲湯。
最近竟然買到幾個不太甜的紅柿回來吃，真是從未試過咁淡的，掃興。
原來我們咁轎吃的口味竟然有咁多雷同，如果是認識的就弊了，大有可能爭食而不和。哈哈!
如果你講零食, 我又唔太多食,返工時頂多趙下香口膠~~~不過花生擺耐了變味就唔好再食, 所以你都係趁新鮮快啲食完佢~~~花生可以配搭其他食材整多幾様餸菜或湯, 咁就唔會浪費...
刪除其實唔駛掃興, 杮子淡不如食提子, 幾甜唔錯...
哈哈哈...森伯粗人一個就話會爭食啫, 以秋葉咁溫文儒雅又點會~~更何況鍾意食就買多啲唔駛爭食咁失禮!!
記得在某年的中秋節前在街市竟然見到很多烚熟的連壳花生賣，買了回來再烚一下，真是很稔好吃，應是用五香粉、花辣八角同煮，所以味道很好。 自已不常煮，就烚不到這種味道了。
刪除也想不到吃了那麼多年的紅柿，今年竟然吃到這麼淡的一種，也真是異數。不過，我不會放迷棄，相信甜的紅柿必然存在。
葡提子都是甜的多，而且補血，但它的風味遠不及紅柿。
哈哈...爭全食真係好失禮! 小時候和姐姐爭住食一個蘋果，後來共享真係好滋味。
刪除其實以前我們一家人對於水果都冇乜興趣，常常放到壞了也沒人去理會。 若是有人去吃了，才貪高興起哄去吃。有一次被大哥罵：“我不吃你們不去吃，要吃自己去切吧。”回想起來很有趣。現在各散東西，已難得聚首了。
其實邊樹噉同森爺爭食嘢吖，唔怕被你啲fans憎咩! 講0下笑好啦。
不錯，其實我是個很禮讓的人。都係得閒無事找話說吧了。
更正第一則的錯字：「不會放棄...」，不是“迷棄”。
刪除水果當然是要趁新鮮吃。花生壞了會產生黃麴霉素，是一種致癌的物質，若吃了有怪味的花生，千萬不要吞下去。
你都好!!咁細心研究怎樣烚花生，如果是我就用清水烚，一於食佢的原汁原味…
刪除今年可能氣候唔太適合杮子的生長，所以感覺沒有以往的甜，中秋節期間該是當造季節，但味道卻淡淡的～而我覺得, 通常提子大粒多數比較甜，以前細個有種提子細細粒但好清甜，但現在很少見，直情好似消失了…
講爭食我都係講吓笑啫，一家人爭食先夠溫馨！！好多兒時的回憶都總是難忘，或者人大了，要珍惜大家相聚的時刻…有些事真的一去不復現～～
唔好叫森伯做森爺真係唔敢當…森伯只係一個普通長者，寫吓Blog抒發吓心聲咋，喜歡來就大家傾吓偈囉…都冇話fan唔fans…
你講得完全正確，所以花生發了霉千祈唔好食…
更正：「fans也者，梗係常常來往那幾位啦!」
刪除花生用清水烚係最穩陣，下味是要講究份量的。口味清淡是好事，可以減輕腎臟的負擔。
刪除今年我都買過一啲細細粒的無核青提，真係好清甜呀! 都係檔主邀我買，話好好食，噉咪買盒回來試吓囉，原來真係好清甜呀。
*
又好轎呀!見到你G+個版面和我的Home page一樣樣，手機牌子又一樣，吃榴蓮吃月餅，都算是巧合了。真奇嘞，又會咁多樣嘢相同嘅。
當然，又可能會有好多不同的習慣。就好似走入一個人生的迷宮。
都冇當過各位友好係fans，只係當大家係老朋友，啱傾的朋友…
刪除其實同事好有心，但係點烚我又冇問佢，而且我未試過清水烚花生，如果要買我會揀現成的萬里望花生，即買即食…如果搵到細細粒的青提我都會買，因為好耐冇食過～
咁又真係好轎喎！世上有千百萬人總會有太多的相近，可能呢種就叫投緣（即是：合得來啱傾），有時寫Blog都係想遇到啱傾的朋友啫……
細細粒嘅青提都唔係時時有，都是在這個中秋節前，女檔主向我推銷，回家吃了，才知道這種細細粒圓潤嘅青提噉好食咋。以往我都係鍾意大大粒嘅提子。
刪除寫博都是各展所長，有人喜歡上載旅遊和攝影，有人喜歉示範廚藝，有人喜歡論政......肯閒話家常的人不多。但係大多數人都係為了寫來消遣啫。飲食口味好個人化，有時真係十人生九品，品品不同人gar。
細細粒青提子除了甜之外, 仲冇核食起來就好方便, 可能現在還有但不多見…
刪除每個人都將自己興趣或所長的一面, 透過自己的網誌展示給大家看看, 還可以藉不同博友去看看他們的生活…好似你講肯認真傾偈或閒話家常真的不太多, 看看你能否遇到~~~飲食口味與性格人人有唔同, 各式其適啦~~
識得食細粒青提的人真係唔會太多，相信因此檔主都少入貨了。人們都嫌太細粒囉。
刪除紅提是最有益，連皮更有益，可是我唔多喜歡吃它的皮，要去皮去核，所以嫌麻煩囉。除非係剥皮畀阿婆食。而家我都係阿婆啦，記得我teenager 嘅時候，喺醫院會剥提子皮畀燒傷嘅阿婆食。這樣我就很有耐心。阿婆燒傷咗冇人肯多看一眼，好慘架。
我諗又未必係冇乜人喜歡細提子, 可能種植不容易兼且不耐放, 以經濟效益來講利潤又少, 所以賣少見少~~~
刪除聽你講相信你是個很有愛心的人, 你所講的阿婆係自己的親婆婆還是外人呢??你真是人間送暖…有你以身作則, 相信你子女都會樂於助人…
我講嗰種細粒青提子，真係圓形好細粒架喎，只是大提子的三份之一咁小。真係唔多見有得賣。 相信愛心是很多人都會有的。
刪除*
那時我住在醫院，有一晚緊急收了兩個被大火燒傷的女病人。被舖都要架起來，我剛在她們的左近。我見到除了工作的護士，沒有人肯去看她們一眼。原來被燒到皮都甩埋，真係好難看。我看了之後，難過到淚流到收唔到制，要護士Teresa來安慰。
那個傷得最嚴重的女孩救不了；面目模糊的阿婆竟然要坐起來，我只有過去照顧一下。想起來還歷歷如在目前。
我意思都係細細粒嗰種，超迷你有點像海葡萄，當然比海葡萄大粒啲啦，一抽抽的！不過現在真係好少見，若然見到點都要影張相放到網誌講講～
刪除都証明你有同情心，基本上惻隱之心人皆有之，除非真係好冷血啫！好似時下，個個人都好冷漠，可能自己畀人感覺也是，肯先伸出助人的手都唔係咁易，或者老套講句，每個人肯先踏出第一步，世界都會不一樣…
昨天我去番嗰度啲生果檔，都見唔番嗰啲咁細粒嘅青提子。海葡萄聽過，不過冇乜印象了。係喎，若果下次買得到，真係要拍照留念啦。放上網給你欣賞一下。
刪除現在的人在車上，食肆裡，幾乎個個都是低頭族，都是旁若無人似的。可能熱心都是埋藏在心裡，難得實行了。
可能，冷漠都是我們保護自己的一種手段。所以，有時我也很冷漠。
其實我諗呢種細青提子係有季節性的，現在已經踏入秋天…依稀記得以前這些細提子在夏季最多～若我再見到都會買來影相講講…
刪除係呀！！記得有日放工見對面巴士，差唔多有大半乘客在車上玩手機…發覺現今的人除了玩手機都冇其他嘢做～
平時冷漠也不打緊，最緊要是當人有需要時肯伸出援手…
在車上看手機確是可以消遣時間，不過用來看看窗外風景也不錯，起碼對眼睛有好處。 現在大多數人，都把心思放了在手機上了。都懶得面對現實。
刪除其實每個人的性情都是特定的，其實我個人好“頓”，唔多識得轉彎。忽然又記得有個教練講過：見到街上有人受傷，唔好立亂去救人，留番後來救護車的人員去做。
你講得好啱，有時都要畀自己的眼睛休吓息，始終電子產品的光線對人或眼睛都有傷害～可能正如你所講人們將自己的心思精神都放到網上世界裡，去到一個忘我的境界…
刪除所以都有人講出街忘記帶銀包都唔緊要，最緊要係部手機~~証明現今的人冇咗手機係…唔得!!!!!!!
哈哈, 當然講的伸出援手不是去救人~~意思講主動去關心別人,對有需要幫忙的人去幫助他們…
森少說的對! 伸出援手的意思很廣泛，關心也是其中的一種。
刪除助人要盡力而為，也要量力而為。
我的宗旨是幫得人時就去幫，我會量力而為。
有時候一種精神上的支持，也是一種很好的幫忙。
係呀~~當然幫人都要量力而為，最怕好心做壞事啫~~
刪除精神上的幫助都好重要，關心一句，問候一句都對人家心靈上都有幫助…
都有食過烚花生，但，烚花生通常放得不耐，要即時吃完，試過買回來的烚花生發霉了。
回覆刪除很少工作時吃花生，最多是吃餅干。
之前在家附近的小藥房買東西，買了一小袋特產花生回家吃，連家人也稱讚好好吃，雖然說明書寫明有酒味，但食落酒味不濃，只有淡淡的甘香甜味道。
雖然吃過的花生種類不多，但這花生是我目前暫時覺得最好食的(起碼在我未吃厭前覺得好吃，吃厭了就很難說了，嘻嘻！)上星期想買，但未有貨，有機會下次
再買時影給你看看…
通常食花生都係趁新鮮才吃，尤其烚花生…花生濕了很容易發霉~~所以為穩陣起見都最好即買即食，除非生的花生便可冷藏在雪櫃內…
刪除餅乾比花生好味，而且餅乾都可以頂吓肚餓，我都不時擺些餅乾在坐位…
藥房買花生又幾特別喎，有酒味?!!...唔通用藥酒浸…哈哈!!!
酒精用在食物上很快就會揮發，到食時已經冇乜酒味…
咁犀利…嗰包花生就係目前食過最好味?!...咁我都想見識吓~~買到就記得影畀我哋睇吓~~~
現在剝花生… 已有另外的解說了！
回覆刪除不過在森伯呢篇博文只係純料，剝花生食花生咋…哈哈
刪除