對於森伯來講，始終喜歡過中式節日，感覺上西方節日大都同宗教有關，而華人社會慶祝的節日比較貼近人多點...
到中秋都不外乎食吓月餅...賞吓月...不過到呢刻都仲未見到靚靚的月光，不如就聽住靚歌先～～
＊人有悲歡離合；月有陰晴圓缺；此事古難全；但願人長久，千里共嬋娟～～
（簡直係中秋的祝願...）
好老土咁講：中秋屬於人月倆圓的日子，在呢個節日裡，你又有冇想念誰人呢？！
後註：王菲的經典歌還有很多，呢隻精選碟都收錄唔少，所以當年見到都立即買，不過自從部CD機壞了，已經好耐冇聽自己的珍藏了...
2017年10月2日 星期一
但願人長久...
好多人都覺得現今過時過節都冇咩氣氛，真係要講句一代不如一代...已經臨近中秋喇，前兩晚我先見到街上有幾個細路一齊玩拋螢光圈，相比以前的小朋友玩蠟燭燈籠的情況已經差好遠，早在中秋前夕已經有細路玩...不過現今的家長又未必會畀小朋友咁夜出街玩...
對於森伯來講，始終喜歡過中式節日，感覺上西方節日大都同宗教有關，而華人社會慶祝的節日比較貼近人多點...
到中秋都不外乎食吓月餅...賞吓月...不過到呢刻都仲未見到靚靚的月光，不如就聽住靚歌先～～
一首經典的金曲－但願人長久～冇記錯本身係鄧麗君原唱，不過今日所講的係由王菲翻唱...
＊人有悲歡離合；月有陰晴圓缺；此事古難全；但願人長久，千里共嬋娟～～
（簡直係中秋的祝願...）
好老土咁講：中秋屬於人月倆圓的日子，在呢個節日裡，你又有冇想念誰人呢？！
後註：王菲的經典歌還有很多，呢隻精選碟都收錄唔少，所以當年見到都立即買，不過自從部CD機壞了，已經好耐冇聽自己的珍藏了...
對於森伯來講，始終喜歡過中式節日，感覺上西方節日大都同宗教有關，而華人社會慶祝的節日比較貼近人多點...
到中秋都不外乎食吓月餅...賞吓月...不過到呢刻都仲未見到靚靚的月光，不如就聽住靚歌先～～
＊人有悲歡離合；月有陰晴圓缺；此事古難全；但願人長久，千里共嬋娟～～
（簡直係中秋的祝願...）
好老土咁講：中秋屬於人月倆圓的日子，在呢個節日裡，你又有冇想念誰人呢？！
後註：王菲的經典歌還有很多，呢隻精選碟都收錄唔少，所以當年見到都立即買，不過自從部CD機壞了，已經好耐冇聽自己的珍藏了...
訂閱：
張貼留言 (Atom)
到我這個年紀，真係冇想到邊個…
回覆刪除但當你這樣一提，我就即時想起我父親，因為那些年時，只有過年過節才有好嘢食，而父親亦會叫母親整好多餸，因很多時候…是有親戚來我家吃飯呢！
森兄，忘記跟你說一聲中秋節快樂！嘻嘻…
刪除對恕兄來講, 最想念的人已經在身邊喇~~唔需要再記掛其他...
刪除每逢節日都份外倍思親, 都會憶起很多過往的種種事情, 你講起也令我記起以前家中在過年時都會有親戚來食飯, 真係好熱鬧~~
謝謝恕兄, 我都祝你和家人在他鄉有個開心的中秋節~~~
連森兄都唔畫賀中秋圖，都好難有節日氣氛囉。
回覆刪除以前啲人冇錢，我屋企會早一年前喺附近有信譽嘅大酒樓供月餅會，化費唔少，得來不易、自然真而重之，平時除咗3餐就係食西北風，突然有咁多嘢，點會唔好氣氛呢。依家生活富裕，有好多其它更好嘅物質選擇，當然唔上心啦！
以前月餅盒係硬咭紙做架，唔知森兄細過時已經只識條鐵（月餅盒）呢？
因為係月餅會，所以，有豬仔餅送架，屋企傳統係由最細兩個獨得，特權份子。
森兄有冇見過赤貧機械式燈籠？
係用空針線轆、煉奶罐同鐵線組合而成，呢啲都係廢物利用，好環保架，個線轆喺地上滾動帶動鐵罐旋轉，個圓罐只有一邊蓋剪開，另一邊保留封住，主燭光從一邊射出，轉下轉下，一光一暗，眨下眨下好似十字車頂盞燈。罐身會用鐵釘釘出一啲釘孔散射微弱燭光。
其實我覺得拋螢光圈已經算好有節日氣氛了,我覺得細路多數都係對住部電話打機過節而已.....XXXD
刪除咁森兄快啲買返部CD機咪可以聽返啲珍藏碟囉,依家好平三四百蚊已經有部,有空去shopping睇下!
p.s.咁我都點首靚歌畀森兄聽:^^
城裏的月光把夢照亮
請溫暖他心房
看透了人間聚散
能不能多點快樂片段
城裏的月光把夢照亮
請守護它身旁
若有一天能重逢
讓幸福撒滿整個夜晚......
一爺兄：
刪除@@...一爺的回覆好似成篇blog呀~~~~~~
以前的人好喜歡供月餅會,對港人來講中秋過年都係大時大節,要有月餅送禮,所以供月餅會較划算,相比而家送禮較少,除非有生意來往的老闆就要送月餅,一般大眾都自己食的多~~~
你又唔好講到森伯咁後生,可能同你同年代,我都係紙皮月餅盒年代...
你講起豬仔餅,真係中秋不能不提,早幾年都買過...不過可能要摷返D相片檔案出來,見一爺咁捧場就post出來...就算而家冇左個豬籠, 豬仔餅都係逢中秋必吃的食品~~~
你所講的玩意又未玩過, 雖然材料簡單, 但日後呢份回憶係最寶貴...而家的小朋友已經唔會有呢D回憶~~~
Gael兄：
刪除咁又係呀~~拋螢光圈都起碼有少少節日氣氛...不過就唔算熱鬧, 可能臨近中秋維園那些地方會熱鬧得多...
而家的CD機懶得都唔想整, 因為有問題佢都未必幫你維修~~~唔用機聽都可以將大部份的歌轉為音檔在MP3聽,一樣啫~~~
我都有諗到呢首歌,其實有關月亮的名曲,來來去去都係果幾首...總之啱聽就係好歌啦!!!
好多謝你點呢首歌畀森伯聽,嘆下茶食住月餅又多首歌應下節...
睇歌詞個寓意都唔錯喎...^^
一爺兄所講的罐頭嘜走閃燈，我都有玩過。
刪除其實做法也不難，但很多時候罐內的燈火較易熄滅的，所以，也沒有特別喜歡去玩，玩爛了便算！
屋企有拜神，中秋買冥鏹時會送風琴式紙燈籠，黑夜探險好易被風一吹都燒著化為灰燼，冇得玩，就攞塊碌柚用繩穿上當燈籠喺地上拖行，咁又玩得一餐。
刪除喺七層徙置區長大嘅，仲有一樣嘢玩，就係喺走廊欄河壆上點起一排蠟燭，同對面樓鬥多，燭光點點、好鬼靚架，好多時都要成日落街買蠟燭補給。
掛住想當年，忘記要祝 森兄中秋節快樂，身體健康。
刪除恕兄：
刪除我覺得兒時的玩意真係很多，再多的也都說不完，但係當中你又覺得好回味很開心...畢竟也是童年的回憶~~
一爺：
你講起我都記得，風琴型的紙燈籠通常都可以免費得到，因為價錢經濟，細個唔喜歡呢種燈籠因為好易燒著，而家就用來在中秋頭放在屋企～
碌柚皮燈籠我都貪得意做過，把柚皮界成三角形洞，又菱形洞...可以透出燭光好靚靚~~
而家諗番起細個玩煲蠟，砌蠟燭好似好回憶，但當節日過後清潔工要剷蠟都唔好話容易，而且都真係影響環境...
我都祝一爺有個開心的中秋夜，人月倆團圓～～
森兄去過啲七層徙置區未呀！雖然係屋企外公共走廊，大家個灶頭係放喺走廊貼門窗牆邊，正式係開放式厨房，餘番條路畀人行， 晾衫就係喺走廊位天花頂同埋欄河壆外，人多屋細都會佔用呢啲公共地方，房屋署都認可我哋啲賤民咁用架，算係自己地方，所以，都會自己清番乾淨。
刪除如果係自家地方, 咁就要自己清潔, 以前細個又唔會考慮到清潔問題, 有得玩就玩...相對現在大家都好守己律, 望到過節後的街道都很乾淨...
刪除細時居住的地區, 每逄中秋佳節都會舉行舞火龍盛會. 大人多參與舞火龍活動, 而小朋友則大玩小兒科花燈parade. 倒也萬二分快樂. 在中秋節那天, 當火龍盛會完畢後, 各家各戶都不約而同, 搬出家內飯桌,電燈,佳餚於門前, 一家人開開心心在家屋外的馬路旁邊, 吃飯團圓做節, (當時該小社區像新界, 多小路而沒有太多車) , 蔚為奇觀!
回覆刪除在此,祝森兄中秋節快樂!
就咁聽你講已經有個熱鬧的畫面,而且相當有過節氣氛,兒時的回憶總係難忘兼且開心...因為每個人都只係得一個童年嘛~~
刪除近來政府大搞旅客生意,舞火龍呢類文化表演,仲可以睇得到...以前慶祝節日都會隆重得多,差唔多全城參予,而家唔好話火龍,連個似樣D的燈籠都好難見到...細路的塑膠燈籠除外,好怕聽到果類機械音樂聲...哈哈哈
我都祝願KK有個開心而且豐盛的中秋節...
想借借森兄的地方，來祝KK兄闔府佳節欣愉，身體健康，吉祥如意！
刪除PS：小時候我家過節，若有親戚來訪，晚飯時，因地方窄小，大多都會在門外開多一枱，是給我們小朋友的！
森blog好隨意～如恕兄喜歡的就多來問候下KK兄...大家都係friend嘛~~
刪除以前的親戚都比較好客,而且人又多,每每到食飯時候都係大人一檯小朋友一檯...很熱鬧~~
哈哈! 到此處賞森樂事, 搞吓笑,yeah! ＨＫ太平，今蕭多珍重!
回覆刪除happy mid Autumn festival ah!
乜KK兄當森Blog搞下笑...?? 森伯寫博好認真架!!!!!
刪除中秋節快樂~~
謝謝KK，昨晚我真的做了個「今燒多珍重」！係一碟紅燒一品，和一隻香噴到未熟（過程中）都已想吃的燒雞……
刪除過時過節, 又係恕兄大展廚藝的時候...^^
刪除