早陣子聽到有個埃及的木乃伊展,都幾想去睇睇,知道呢個展覽在多個國家地方都展出過,可能香港只是其中一站,於是就去參觀見識下...
就是這個永生傳說展,主要參觀古埃及文明以及木乃伊...
一進場已經昏黑一片,有點感覺置身金字塔裡~~場中展示了相關展品...
就可能太昏暗,隨著大人去的小朋友都嚇到喊,因為場中的牆幕上播放木乃伊的製作過程,有不少骷髏頭的畫面,唔好話細路仔,大人都可能嚇到喊~~~
其實大部份的展品都跟殮葬儀式有關,就好似古時埃及人的墓碑...大都以圖騰為主!
這是古埃及人的遺照,望落都有幾分藝術感~
場中都有不少文字介紹,可以對古埃及的文明有更多的認識...
右邊為力量女神,算是較大型的展品...
後註:場中當然有木乃伊的展出,不過我一張木乃伊的相片也沒有拍,始終木乃伊是先人,或應採取一種尊重的心態,不是影張相就放到網站上呃下點擊,所以只把相片留在記憶裡...
木乃伊知多啲:
我們一般的印象覺得皇帝,皇后死後才會製成木乃伊,原來有很多平民百姓,不同職位的人也可製成木乃伊,包括祭司,歌者舞者,甚至小朋友(場中還有些玩具陪葬品)...
所以當時在殮葬上製作木乃伊是很普遍...
其實睇呢類展覽,心情都可能比較沉重,或者從另一個角度睇,你可能會有所得著...
森兄:
回覆刪除那些是否真的實物?
另外,你可有甚麼得著?
比著我,對這些展品不感興趣,始終已經是殘年老舊,反而我會中意一些科技或陶瓷製品…
恕兄:
刪除據大會所講,展品是從英國博物館借來的,真假對於一般市民都唔重要,純為對古文明認識多少少而已~
所講的得著是指,可能人死後什麼都做不到,趁還活著的時候,你才算真正利用自己的人生...
埃及的古文明木乃伊能夠參觀的機會少,而香港的科學展就時時都有,只在乎展什麼...
森兄:
回覆刪除室內燈光真係幾暗喎,原來仲有小朋友喊,氣氛咁得人驚@@
gael兄:
刪除小朋友都係驚一驚喊左一陣啫,好快收聲...
想聽森兄講多些外星人故事^0^
刪除係咪仲有傳說(下)?
刪除其實我知道的外星人資料好皮毛咋...
刪除今周會出埋下集~~
ykk有一疑問, 這個展覽會是否萬聖節展覽會呢!
回覆刪除KK好掛住萬聖節?!…中秋節都未到喎……哈哈
刪除如果你以嚴肅的心態去睇展覽,應該唔會感到驚~~
乜森兄講到好似入去墳墓咁陰森恐怖架,我反而感覺係古墓盜寶好似Indiana Jones 咁緊張刺激。💩
回覆刪除拿…拿…拿…以一般人所知金字塔係個墳墓,據早前記錄片所講,金字塔有另外用途,就係可以同外太空連接,係個高科技設施!!仲話恐怖…哈哈
刪除我睇片係話金字塔加強地球磁場,等啲飛行器唔駛能源就曉飛,所以,佢分布喺世界各處。
刪除起塔就徵用好多地球人,果啲外星人又冇過橋抽板殺光我哋祖先霸佔地球 就消失咗,我估佢哋已經拎走想要嘅資源就去尋找更適合嘅星球作太空移民,同我哋無利益衝突,唔會害我哋。
@@...乜你都有睇套記錄片?!...完全正確!!係當中所講的~~~
刪除據佢所講金字塔都有可能係外星人補充能源的設施, 世界各地都有, 甚至連中國都有金字塔, 不過省政府唔承認, 種滿樹木蓋了佢~~~呢樣真係最大發現~~~
乜你都對外星人, UFO...有興趣?!~~~
考古學家發現古時的人根本冇乜可能起金字塔, 所以現在有好多人都相信金字塔係有外星力量幫助建成...
始終世界之大無其不有, 我地的生存只佔地球的歷史時間一啲啲啲極少部份, 所以人生好有限架咋~~~
有架。森兄寫外星人同UFO啦!
刪除人生有限 要 遊戲人間。😜
寫UFO,外星人…森伯唔夠墨水寫喎…
刪除遊戲人間都要食飯假………哈哈哈
運用你嘅強項……劃出黎啦!不論得失,挑戰吓不同領域嘛!可能激發出森兄嘅潛能。
刪除係一種生活態度,冇叫人唔揾食,除非係二世祖、敗家仔。
森伯邊敢認強項丫~~只係為興趣而畫啫...唔知一爺兄有乜野激發出森伯的潛能呢?...你指激到森伯嘔雪~~~哈哈哈
刪除一爺兄打風流工就話啫!!而且仲要家財萬貫...比著森伯D貧苦大眾,仲邊有閒情講生活態度丫...
好森畫張出黎比大家欣賞吓啦, 唔好咁孤寒, 畫畫同家財無關!!!
刪除森哥哥畫啦!畫啦!(掹著森哥哥衫尾, 扭計dum地,摞地)
刪除畫又有乜壞處呢?有難言之忍?唔通你係外星人卧底👹,派黎地球𥄫著我哋,想低調保守機密。😎
哈哈 ! 睇見呢度咁好玩,想唔笑都幾難了! ^0^
刪除KK:哈哈...你地成日話畫畫畫,要森伯畫啲咩呢?!!...有時要配合個主題先可以畫個適合的圖啊~~
刪除一爺兄:唔駛扮Q...扮細蚊路嘞...究竟你地想森伯畫乜先得架???!!
如果我係外星人卧底,我諗都唔駛諗,即刻第一時間捉一爺上火星,攞嚟同班外星人鄉里一齊研究...研究...哈哈哈
秋葉:寫網誌可以同班博友講下笑,都唔錯...哈哈
森少,其實我最鍾意睇啲輕鬆惹笑嘅博文。一爺喜歡扮細路,一定越嚟越開心!
刪除隨森所欲啦! 下回分解...
刪除森……唔係木星人咩!你都好識掩飾。
刪除火星人係要叫 「焱」伯喎!
仲問畫乜,如果唔係外星人,應該睇得明我想見識吓外星人同UFO圖畫,輪到我嘔雪。
依家唔可以恃老賣老,森兄一定唔聽, 唯有假扮細路囉!
秋葉:
刪除看到一些惹笑的貼文,也會會心微笑,可能這就是寫blog的樂趣~~
有一爺兄的留言,先令到森blog冇咁奄悶~~哇哈哈哈
KK:
都係KK兄份人通情達理...有適合的主題先畫啦~~
一爺兄:
哈哈...你冇聽過火星有生命的痕跡咩?!!有外星生物都唔定...
你真係諗多左, 森伯係配合返森源啫~~~
有適合的主題一定加幅插圖, 係支持森伯的話就繼續來訪!!!
而家的一爺兄都咁Q,肯定細路仔時候仲Q...希望冇估錯啦~~~哈哈
有朋友在館內工作,但我就冇去睇囉。
回覆刪除如有咩好睇展覽,你可以第一時間知喎…
刪除若唔係太抗拒木乃伊,睇吓都無妨…
據說黑暗是為了保存古物,古物忌光。
回覆刪除很多年前香港藝術館曾經先後展出過兩次埃及展,都是因為外國的博物館要維修,或轉換展品,就會運去外地的文物館展出的。上兩次主要是展出埃及的古物和飾品。
相信這次是最有規模的木乃伊展出了。可見英國掠奪了很多埃及古物。
原來貓兒逝去也會給主人做成木乃伊,這個是實物展出。因為以前看過同類的展覽,覺得都是故世的人物事,今次已不熱衷於去看了。
為了保護展品,好多博物館的燈光都較暗,所以今次准許拍攝不過就不能用閃光燈(很多博物館也是)...
刪除近這好幾年自己才有留意社區有什麼展覽可參觀,若有興趣才去睇睇~其實博物館要翻新或擴展,都會將文物出國展出,既可賺取收入,亦可以騰出空間方便整理...
未有見過貓兒木乃伊,對於都市人來講認識埃及只靠書本,少機會親身見到,不過同類的展覽睇一兩次或者都已足夠...
以往我一向對古蹟文物都很熱心,一個展覽可以去幾次,其中一次專看發掘過程或特輯。當你看到四川“三星堆”出土的成噸重的大銅頭,真是會很驚訝!還有金劍、權杖---要知道“權杖”不是中國傳統的物品!!!
刪除也專誠去看過由法國來的印象派畫展。曾經情迷博物館,現在都懶下來了。
看到森少寫的拍的說的都很有心,令人感動。
對我來講,睇展覽的主題好重要,有興趣先會睇...其實香港地方小,商場來來去去差唔多,反而有時去下參觀展覽都幾好...至於你講的三星堆,又唔太清楚係乜東東,不過有些古物可以借個機會睇下認識下都唔錯~~
刪除有時遷就唔到時間去睇都錯過好多畫展,當然未必個個想去睇啦...
好多謝你,寫網誌咁耐未人有讚過我的網誌感動,若能真的能夠感動人心,寫了那麼久都是值得的...
“三星堆”是四川一個地方,這裡曾經發掘出3600年前的古物而聞名於世。
刪除在香港十年回歸時,曾經運來“沙田文化博物館”展覽,是為國之重寶。
你上網搜查“四川三星堆博物館”應該看得明白。
*
記得上次有位朋友,要跟我去看埃及文物展,我沒有帶相機。她常常自備小型數碼機,忽然硬是要我站在一具木乃伊蓋一併拍照,我十分抗拒! 覺得她當作兒戲,不懂得尊重已經作古的人和物。 看到你不胡亂拍照,所以覺得你有人情味了。
聽你咁講三星堆係世界聞名就幾吸引喎~~...或者自己少留意有關資訊,原來都在文化博物館展出過...
刪除好的謝謝,稍後看看網站的資料,因為完全唔知有這個四川三星堆...
你位朋友真係咁都得~~影相上鏡係個人意願,不能強迫的!!始終有關木乃伊很多人都會有忌諱,不出鏡也理所當然喇...
其實當場都有很多人拍攝木乃伊的,就要睇睇個人會點用這些相片,留為記念就無所謂,如放上網就唔係太好喇!純是自己的見解~
剛才我上網看過“四川三星堆博物館”的照片,又再見到那些古物銅頭人面,如果見到實物成一噸重的大銅頭,真是大開眼界。
刪除想不到古蜀國會有那麼巨大的銅頭製作,年代相當於商代,那時是青銅器的年代,但是中土從來沒有發現過這種人面的青銅頭。是不是外星人造的啊?
如果唔係你講, 我真係沒有聽過三星堆的遺跡~~有機會都可能會睇睇~~
刪除其實我在網上見到圖片時, 都有種感覺銅像有點像外星人模樣...
真的不知他們當時製作銅像時, 是以什麼人的模樣製作...可能真的是個謎~~~
世界之大, 仍有很多新奇事是我們不知道的~~
講番我的親友,有一些真是很強勢!總是強人所難,總是要我屈從她們的命令,唉,人善被人欺,馬善被人騎。弄得我敬而遠之。
刪除好像有一次我去星洲探親兼遊覽,親人叫我代拿利是回來給人,誰知那人老大不高興 ! 說我應該拒絕代收利是。唉,利是都話唔要,真係大吉利是了。下次我識做了。不囉唆了,祝安康!
每個人都有自己的家庭事喇...可能最大問題係彼此的相處問題, 不過本著一家人血濃於水, 就算有不和或不合的情況, 好快就會冇事, 最緊要係自己的心能夠放低, 好多事,好多問題都可以迎刃而解~~~
刪除如果的人唔要利是仲好喇, 即刻收返, 乘機慳返個利是...哈哈哈~~有時講句祝福語或寫張卡都係一份心意~~
森少說得很對! 對於一些不近人情的人,也懶得去計較了。放下就會自在。 當時我是代轉人身份,為了完成任務,當然要放下那封利是啦。
刪除以後若有人叫我代轉什麼東西的話,我幾大都唔應承了。
心意真係好重要~~
生活上都有大把人未必如我們所願的,我們亦不需要勉強自己去包容他們,除非是我們親人,因為要時時見面…
刪除代人轉交東西有時都幾麻煩,所以不要亂咁應承人……
以為代轉一封利是好有意思,而且都是自己人。
刪除畀的人好有心,收的人別有想法,不想受恩惠。我點記得咁多吖,以為一番來到,長輩叫到咪照做囉,又唔係叫我帶白粉! 想不到一封利是都惹來咁大反應 ! 由此學乖了,對待此人要小心奕奕。
相信秋葉是個心地善良而且責任心很重的人,即使受人委託也希望事情可以做到盡善盡美…
刪除秋葉是個醒目人,應該下次再受人轉交東西時懂得點應付……
謝謝森少諒解! 經一事長一智,希望唔好烏烏龍龍忘記了,又畀人扇一鑊。預祝中秋快樂! 人月團圓。
刪除我都祝你…有個愉快的中秋佳節!!
刪除