所以自己好多時都係把水果雪凍後才打汁，既清涼又健康...
正所謂不時不食，呢個時候當然食瓜類最好，我都冇乜揀擇，很多瓜類都喜歡...呢個時候梗係揀西瓜啦！
最近好少食，記得小時可以將佢切成一半用匙羹拔來食，都算係夏日炎炎的消暑聖品...
反而現在人大了，喜歡西瓜清清地又涼爽，記得小時的西瓜大大個，但可能農產不斷改良，現在反而多見細細個的西瓜仔，人少少食就啱啱好啦...
可能森老伯長氣，講到口都乾乾地，一於整番個森記西瓜汁潤潤~~~
先預備冰鎮過的西瓜肉，跟著加上適量的凍開水，再加上少少蜜糖用機攪在一起...一杯清涼又養眼的西瓜汁呈現在眼前！
當然呢個時候瓜皮用來裝飾插響杯邊啦！！
瓜皮可以敷臉㗎，聽說仲好過敷面膜？
回覆刪除至於西瓜我食幾多都唔怕涼，但蜜瓜就唔得，食得多喉嚨會痕，仲會引發起像傷風的症狀，所以我最多都只能吃四分一個…嘻嘻嘻！
西瓜皮能敷面我好早就知，聽講對粉刺面油好好…而且純天然，若果能夠長期用一定有效果，不過唔會時時有瓜皮……
刪除對呀！身體偏寒就唔好食咁多西瓜，你講起蜜瓜又記得食得多個喉嚨都有點渴渴地，可能未必個個人都受得…
啜一啖 森火盛立即變cool森。
回覆刪除我都鍾意鮮打椰汁。
有時心火盛…有時又cool…你講到森伯好似更乜期咁嘅~~
刪除都試過打椰汁，不過好多椰子渣，唔係太好飲…
椰子渣即係椰絲？椰蓉有𡁻頭，好似粒粒橙汁咁樣，口感豐富咗，纖維有益助排毒，反而我啱喎！食嘢真係因人而異，文化唔同都會影響咗，唐人食花膠、雞腳…… 補充骨膠原，靚靚靚，畀啲鬼佬就小生怕怕，咪滾搞佢。
刪除可能你部係大型攪拌機，比較專業攪出來冇咩椰子渣……反而我覺得生果檔即買即攪的椰漿好好飲，平時好少幫襯…好似荃灣有間!!現在好多風味都搵唔返…
刪除文化唔同，口味都唔同啦！就算簡單的餅乾或者朱古力…外國人食的都比我哋食嘅甜十幾廿倍……
西瓜皮可以敷面，天然美容用品﹗
回覆刪除聽講西瓜皮可以去面油，夠晒天然而且可以物盡其用…
刪除以前試過西瓜皮敷面很清涼^^
回覆刪除我用來省面都試過，不過係玩玩而已~~
刪除清森值雪, 打出好一杯冰涼西瓜蜜汁, 幾熱都冇怕.
回覆刪除其實呢個清森直雪西瓜汁，平時食得煎炸嘢或者燒烤的熱氣嘢多都好適合…
刪除西瓜、蜜瓜、哈密瓜、樣樣都愛吃。但以西瓜最消暑，夏天佳品也。
回覆刪除呢個時候食瓜最好，而且又甜又多汁~~好似今日的飯後果又有哈蜜瓜食!平時都有用南瓜，節瓜，佛手瓜入饌……夏日最啱!!
刪除不單止南瓜，節瓜，佛手瓜；冬瓜、木瓜、翠玉瓜、黃瓜等等都很有益。花果入饌是很好的一種美食。
刪除你瓜類的食材都有幾多種，我來來去去都係嗰幾款，可能啱口味……
刪除花果餐夏季都適合，不過甚少煮…
南瓜，節瓜、佛手瓜的質地和味道都較為綿滑可口；冬瓜、木瓜、翠玉瓜味清而寡一些，但都是很有益的，可配肉煮。
刪除其實我可以食得好清淡，不過有些瓜類做菜就比較多水，食起來好似汁送飯，所以喜歡煮出來較為乾身的就好好多...反而味道都係其次~~
刪除不時不食，夏天適宜多吃瓜類。
回覆刪除西瓜比較少吃，吃哈密瓜較多，買一個回來，吃不完的，用來煲湯。
通常瓜類都比較清熱消暑，呢個時候食就啱晒…一個瓜基本上都唔會一次食完，剩下都會放入雪櫃冰一冰佢……
刪除唔好意思! 睇錯位留言。
刪除唔緊要…森伯呢度好隨意……
刪除森記茶室，唔該外賣一打樽裝西瓜汁呀，送去……
回覆刪除今個夏季只吃過一次西瓜，反而吃得最多是哈密瓜
及密瓜。榨西柚汁也不錯。
森記冰室老闆，伙記，洗杯洗碟，廚房，都係森伯包辦，仲邊有時間外賣送貨……叫埋kaka過嚟幫手就差唔多……哈哈哈~不過森伯又出唔起咁高人工畀kaka喎……
刪除哈密瓜都唔錯，不過西柚汁就怕酸~~~
咁就容易喇！一於揾番個老闆娘番嚟看住間冰室，咁你咪可以送外賣囉!XXXD
刪除KaKa都幾入戲喎...哈哈哈~~好似真係當真咁!!!要做生意都未必會搞茶餐廳，因為要經營都唔容易，屋企附近已經有間關門大吉...
刪除