2017年8月10日 星期四

飄來榴槤之香...

其實呢個季節真係食水果的最佳時候,以前的水果都有分季節性,但現在有很多生果一年四季都有,港人都算有口福...

今時今日的人唔知有冇食水果的習慣,我曾經聽過身邊的人們有人話冇食生果,森諗:仲生存到真係奇蹟...其實對於好多人來講,水果只係當副食,食又得唔食又得,都冇太在意!
至於森伯伯就每日都會逼自己食一兩樣水果,目的都係取其均衡飲食...

一到夏季當造的水果特別多,榴槤都算有代表性...想當年!!買個榴槤食下都唔平,屬於貴價生果類,但現在來貨多了又相對平了~~
榴槤稱得上果王,當然非一般,鍾意食的就會瘋狂愛上,唔鍾意的就聞到個味都彈開,真係好極端!
榴槤當造,見到咁多都幾壯觀...森伯記得小時都鍾意食,但其後知道榴槤幾燥熱,所以少食多滋味唔會食得太多!有睇開森Blog都知森伯:外表斯文,內裡躁狂,屬於燥底人,平時都幾火爆所以都係少食為妙...哈哈哈哈

45 則留言:

  1. 我吾食榴槤,個陣味聞到都有點反胃>_<

    回覆刪除
    回覆
    1. 所以榴槤呢種水果幾特別,喜歡就會好喜歡,唔喜歡的聞到都彈開十尺遠...

      刪除
  2. 我自來了紐西蘭後不久,就差不多每日一生果,發覺身體真的似乎比前好很多,哈哈…尤其是係去廁所。
    不過,正如你說有些水果未必吃得,所以來去還是那幾樣。
    至於榴槤,急凍的就有,而新鮮的這裡很難買到,聽人說要買一個新鮮榴槤要一百紐元,咁貴,我諗都係唔食好過!

    回覆刪除
    回覆
    1. 我諗紐西蘭那邊水果應該不愁冇選擇,係呀!每日食多少少生果應該對健康唔錯...
      你或者可以揀食的水果比我多,因為略酸的生果我都唔會食呀,都係來來去去那幾樣咋~唔係香蕉就係蜜梨,有時搞到沙葛都要食埋...
      你那邊有急凍榴槤都好,起碼可以止下口癮~現在香港都多了幾舊一pack,食少少又唔駛買整個...

      刪除
  3. 有解藥喎!食完榴槤食山竹,咁咪唔會有森火囉!
    我唔討厭又唔鍾意榴槤囉!
    食生果係享受喎!森兄點會要逼咁慘架?

    回覆刪除
    回覆
    1. 而家人大了反而受唔到太多榴槤荔枝之類,食完冇幾耐就骨火痛...山竹酸森伯當唔到解藥~~~~
      唔憎但又唔討厭...都算少見,通常啲人好極端!!
      我通常朝早食水果,有些人可能趕時間就唔食,但我點都要食埋先出門囉...用錯字搞到一爺兄誤解添...

      刪除
    2. "我通常朝早食水果,有些人可能趕時間就唔食,但我點都要食埋先出門囉!"

      哈哈! 森兄小心榴槤忙返, 返工遲到要記過, 善joy! 善joy!

      刪除
    3. 今年一舊榴槤都冇食過,想榴槤忘返都唔得喇……哈哈哈,所以每日晨咁早就要起身~~

      刪除
    4. 係咪石頭會令森兄 流連忘返?

      刪除
    5. 言下之意一爺兄係咪想奉上鑽石畀森伯先…哈哈哈~

      刪除
    6. 以我現時雄厚嘅財力,我只能負擔得起嘅係貼上呢粒鑽石💎圖送畀你,真嘅就要冒險打劫。

      一開口就係鑽石,我呢啲賤民都未諗過,果然有貴氣,非同凡響,以後,須尊稱為超級富豪森。😍

      刪除
    7. 森老伯幾廿歲人又未必太物質既,貼圖都勉強OK喇~
      咁又唔駛講到打劫咁絕望,陣間畀人捉左邊個來森blog撐場先...

      相信送上鑽石先符合一爺兄的身份,通常話得自己賤民嗰啲先最富貴(羨慕中...)

      刪除
    8. 每個人都會有啲同現實有一段距離嘅幻想。😀

      刪除
    9. 咁希望你呢個幻想與現實的距離可以越收越窄……

      刪除
  4. 年青時至愛的生果、可惜現在只能觀看、謝分享!

    回覆刪除
  5. 年青時至愛的生果、可惜現在只能觀看、謝分享!

    回覆刪除
    回覆
    1. 冇要緊!!其實水果咁多款,食唔到呢樣,可以揀第二種…

      刪除
  6. 榴槤和大樹菠蘿我都好驚.....超臭XXD
    聽聞食返啲山竹可以無咁躁,平衡返

    回覆刪除
    回覆
    1. 榴槤我都明白點解會覺臭…但大樹菠蘿應該幾香…它另一個名叫菠蘿蜜,齋聽個名都已經夠晒甜啦~
      gael兄冇聽書…森伯怕食酸~~

      刪除
  7. 講起榴槤有段古,Teenager嘅時期,見家姐說未吃過榴槤,就走去買了一個回家,很辛苦開了一邊,點知家姐大叫彈開! 我辛辛苦苦買了回來,又要急急忙忙拿去扔掉!幾浪費! 想不到今時今日,見到咁多人鍾意買嚟食,我竟然也買來吃了!

    回覆刪除
    回覆
    1. 冇人陪我食,一人獨自吃了一整個,面不改容。

      刪除
    2. 有時最掃興就是這樣,滿心歡喜諗住哄下別人開心,結果換來一面糟...不竟都是一個有趣的回憶,不過未食便丟了又幾可惜...
      認識的人們當中喜歡食榴槤的多過唔喜歡,現在當造,食下無妨,有時就係怕食到唔停口那種...哈哈

      現在果檔或超市都有幾個果肉,封成一包,少少地又唔需要食成個!!過下口癮都唔錯~~~

      刪除
    3. 現在都興了把榴槤開了之後,分開封成一包,每包定了價錢出售,確係幾方便的。以前第一次買了回來,就因為姐姐不喜歡,要趕忙拿去丟掉了! 唉!在家排行最細,就係成日畀阿哥阿姐老點gqr啦。不過,唔代表其他人都是這樣。 睇嚟森少都係似係做大佬。(不是說黑社會大佬)^0^

      刪除
    4. 相信店舖都好識做生意,分散賣又會吸引到啲口癮客……我都吃過呢類封包榴槤,不過始終冇成個開出來嘅咁新鮮香濃,而且聽人講怕熱氣可以用返個榴槤殼裝水飲就會降低熱氣……
      你真係好好野,森伯真係大佬喎!邏輯思維好清晰~~我諗你阿哥家姐唔係存心點你,知你善良乖巧啫~~咁辛苦買完個榴槤家人唔食,畀著我都已經發晒火~~

      刪除
    5. 不錯! 都是看著開的榴槤好食啲。我都唔食得薑和辣,太多煎炸都唔受得,但受得榴槤,唔使煮什麼水來解。
      當年嘅榴槤不貴,但之係要整個拿回來,又開得好辛苦!竟然要立刻丟掉!唉!真是時也命也,我一向人微言輕。
      森少心態老,梗係家中的權威人物啦。弟妹不止一個吧?

      刪除
    6. 食榴槤唔怕熱氣已經很好!榴槤當造都可以食多些少嘛……

      都唔可以話人微言輕,只是你就得人!做人底得諗人都襟撈啲……

      你又估啱呀!不過森怕唔係威嚴嗰種,係老老土土,驚驚青青…你話咁何來權威呢!哈哈哈

      刪除
    7. 噉奇怪 ? 做得大佬都會驚驚青青? 我啲大佬、家姐都係好權威架!
      只要我講吓理由,他們就會說我“冇大冇細!”有乜話襟撈唔襟撈吖,自細都係阿媽叫我行就行,叫我企就企架啦。不過我啲家姐都唔鍾意我成日掛住讀書寫字,硬係要帶埋我去行街睇戲,游水之類。我只懂玩水。

      刪除
    8. 都唔奇怪,每個人都有自己個性,森伯份人驚驚青青即是冇乜膽,所以都唔識權威兩個字點寫...哈哈
      照你這樣說相信你為人幾善良孝順,以前的小朋友一般都精乖聽話,相比現在的小朋友就有自己個性難順服...
      通常做阿哥家姐既,有得玩梗預埋細佬妹一份架啦...哈哈

      刪除
    9. 現在鼓吹啲年青人要獨立思考,攪到個個後生仔女,個個都自把自為,不信服傳統,不再珍惜前輩的經驗。大多數都每況愈下了。

      刪除
    10. 你都講得好啱,新一代好似少了份尊敬長輩的心,在某程度下都要學會謙卑少少…

      刪除
    11. 這個城市特別多自大狂、破壞王。哈哈!

      刪除
    12. 一個社會什麼人都有...總之做好自己便是了~~

      刪除
    13. 森少說得很對! 互勉之。

      刪除
  8. 森果榴槤,ykk唔多啱,怕有陣味。比較喜歡西梅車里子,貪吃時方便!

    回覆刪除
    回覆
    1. 食水果都係個人喜好,總有啱食唔啱食…有啲車厘子都幾甜,遇到都吃過不停……

      刪除
  9. 這種水果,我吃;但甚少買!

    回覆刪除
    回覆
    1. 我都好少買,通常都係幾個人齊齊食先會買…

      刪除
  10. 唔…咁要與森兄保持距離先得喇!哈哈哈!

    回覆刪除
    回覆
    1. KaKa,好似好耐冇見喇……

      家陣天時暑熱,成個人渾身濕立立,唔係榴槤味都汗味啦,保持距離簡直係明智之舉……老人家幾時都話KaKa係醒目女……XXD

      刪除
    2. 其實有一次在同事的鼓勵下都有嘗試過試食榴槤架,榴槤味也可以接受,但,放在口中咀嚼時的那種感覺…太輭棉棉了,像吃甚麽似的,真的接受不到。
      夏天天氣熱,流汗都是正常的,用止汗劑可能會減少些男性魅力呢。
      講起男性魅力…印象最深刻那一回…是有一次觀看男校的水運會,觀眾席上全場當然大部份都是男生喇,在那個炎陽高掛的場合裏,空氣中瀰漫著一股勁濃烈的男性汗水氣味(也可以說是男性的魅力吧!kakaka……),幸好泳池是在室外的,不然……

      刪除
    3. 喜歡它的就會唔計較它的味道~或者啱啱開始食的人試把榴槤放到雪櫃內,冰一冰再拿出來食,味道好似雪糕咁好食,因為口感軟綿綿很似雪糕~KaKa不妨試下...

      其實現在很多男士知道自己有汗味或大汗都會買些香體用品,若身邊有個香噴噴的男人走過,都已經見慣不怪,尤其西裝友...香體用品對於呢個時代,都係人的儀表一部份,總唔想身上的汗味影響到人嘛~不過就好怕人肉香精座的濃烈香味~~~

      刪除
    4. 我都好怕果啲人肉香精座,就其好怕搭電梯時遇上佢哋,試過真係用紙巾掩住鼻,但都忍唔住打了乞嗤!XXD

      刪除
    5. 有時用得太多香水都不外乎幾個原因,一可能重手搽多咗,二就多汗又冇沖涼趕返工,三就身上的衫著咗幾日冇洗……
      其實香水太多真係好難聞,唔知搽嘅人覺唔覺……

      刪除