至於有些特別零食，都會本著一試無妨的森態去買來試試，就好似呢包丁仔薯片咁...相信呢個品牌由細見到而家幾廿歲，點都會試過佢的即食麵，以森伯伯認為若果要食即食麵，都會首選丁仔麵...
有日經過零食店見到有呢款丁仔薯片，即時諗到呢隻薯片係咪原廠出?!個味又係咪似丁仔麵的湯粉咁呢?!相信佢裡面唔會太多，就買來試試吧！！
咁岩又同人講開，佢話即食麵味的薯片都未算特別，佢試過億力多味薯片...即係有酸奶味的薯片，聽落又幾特別！而家商家都諗盡法寶去吸引消費者，遲下可能有HD雪糕味的薯片、有海添堂龜苓膏味的薯片、更可能有君隆驅風油味的薯片...唔好笑呀！森伯可能會買架～食薯片之餘又可以幫老人家驅下風，直情雙得啦...哈哈哈哈
森兄想像力超高，搵你做番個設計總監都好喎！
回覆刪除再，我這邊的薯片又真係有很多不同味道，但就有別於亞洲地區生產的濃烈口味…
恕兄實在過獎嘞...只要肯動腦筋每個人都會諗到，只爭在想出來的產品有冇銷路啫！！
刪除我仲以為只有日本才會創出不同的口味，估唔到崇尚自然的地方也喜歡...
鍾意你個老人專屬嘅 驅風油味薯片…………笑死我。
回覆刪除真係有隻怪味糖，佢有鼻屎味、耳屎味、臭雞蛋味、嘔吐物味、泥土味、蚯蚓味、肥皂味、青草味、臭鼬屁味、牙膏味、狗糧味、削鉛筆味、嬰兒尿不濕味、蜈蚣味、臭雞蛋、過期奶酪味、臭襪子味。 我就唔會買黎食，不過，可以係遊戲玩輸咗，大懲罰用嘅，見到 輸家 食嘅表情， 一定笑到我碌地。
你地Ｄ後生唔明，老人家自然即時諗到驅風油,鐵打酒之類...
刪除你所講的怪味糖真定假?!!最緊要多唔多人會買?!!頂多每種味買一兩粒～
明知都係化學味，費事整蛊人啦！除非好大仇口啫...
連我都唔信自己，不過真係有架，啲糖叫 Jelly Belly，
刪除拍得住 森兄嘅創意薯片。
真係乜都有商機…唔知鈎之良品搵唔搵到呢！！哈哈
刪除做咩突然叫森兄咁見外呀！…有創意都唔一定行得通……
好似係哈利波特情節。 想買要上網搜查吓，American Grocery 有喎。（利申：同我冇 華洋轇轕）
刪除唔抵得叫你阿伯咁後生，想叫老啲，同我一樣阿爺輩。
依家要有創意至有生存空間，係會包含風險。
哈利波特你地年輕一輩就知啫...你話鳳閣恩仇未了情的情節森伯可能知知地～～哈哈哈
刪除咩生意都有人做！呢類糖年青人買就話玩下啫，幾廿歲人買就畀人話無聊架嘞...都要睇下Ｄ創意用在邊方面～～
哈哈! 今云森丁吃零食, 仲挑選了最高境界的殘酷一丁, 白花味薯片, ykk認真森服口服。
回覆刪除哈哈…KK見笑~或者你都講得啱，對森伯來講一丁出品都算係至高境界…至於有白花油味的薯片，諗吓都幾驚驚……
刪除好耐無食薯片,如果有驅風油味可能真係會有人買,不過我諗森兄如要驅風都有好多方法不一定要食薯片吧.....XXD
回覆刪除反而如果有雪糕味薯片都想一試^^
其實我都係呀好耐冇食過，只純為貪得意...驅風油薯片都係講笑啫，一拆開個袋一陣陣藥油味都幾怕～
刪除gael兄平時食咁多咖喱魚旦，一定可以驅走風寒濕氣，更何況本身年青力壯血氣方剛呢...
雪糕味應該大部份都接受到~~
血氣方剛我諗唔係靠食魚旦,森兄千奇咪亂試.....XXXXD
刪除老人家邊敢人試自己又試丫！gael兄特別多補身秘方，閒時真係要請教吓…XXD
刪除豈敢豈敢,我都係跟森兄學下嘢架咋:P
刪除客氣..客氣..其實養生方法每個人都唔同,彼此學習囉!!
刪除而且我想講咖喱好有益,的確可以驅寒祛濕...
薯片我始終都係鍾意啲比較傳統嘅味道！
回覆刪除其實呢隻都係普通味道, 只是包裝上以為有即食麵味啫!!
刪除一般的薯片已經唔錯~~
薯片，好少食……
回覆刪除丁仔薯片，應該加入麻油味！
係呀, 如果包薯片加些麻油味就會比較似~~佢可能怕麻油容易變質~~~
刪除