2017年7月13日 星期四

COMIX一遊(中)

話明活化舊建築,或多或少都應該保留少少原有的面貌,參觀漫畫的同時,亦可以看看以前的建築風格...以前的建築特色通常都會用到一磚一瓦,所以一般都較為實淨,在這裡都不時可以睇到~~

這個窗框已經相當有懷舊feel,再加上一些舊擺設,當堂感受到一股懷舊氣息~~呢股懷舊氣息,跟森伯形象真係入型入格~~哈哈哈
據旁邊資料所講這個是廚房灶位,我們這一輩的人都好少看到,可見當時的設計除了實際之外亦很美觀!
為了配合返少少動漫主題,就加插了紙板老夫子人物,呢個影相位唔影唔得啦!!
仲可以在其他展館內看到舊有的建築格局,翻新加入新元素變得時尚,屋內天花部份仍保留舊貌...
動漫基地亦設有一個小型的漫畫圖書館,有很多漫畫書,有書架書櫃,亦擺放了一張懷舊書檯,配合返舊有建築的感覺!
檯上有留言便條,畀參觀者寫低少少說話...
沒有在圖書館內影相,一來唔知可唔可以影,二來有讀者靜靜看書,費事打擾啦!不過可以拍拍當中的特色設計~~

置身其中就好似在舊宅裡看漫畫...

14 則留言:

  1. 記得以前細個時去圖書館,通常啲漫畫一就全給其他細路仔睇梗,一就係啲書溶溶爛爛又或缺頁…
    所以若去這地方看圖書,唔知供應量是否足夠?

    回覆刪除
    回覆
    1. 記得細個好少在圖書館借漫畫畫書來睇,只是間中會買一兩本當為休閒來睇,到人漸漸大,買漫畫書就是作畫插圖的參考而已…
      呢度個圖書館不大,而且又有管理員睇實,相信唔會有人敢虐待本書嘅…哈哈哈~
      這裡人不太多,應該有足夠的書可以慢慢睇……

      刪除
  2. 細個好窮,有錢都買必需品,睇漫畫咁奢侈 ,只有阿爸帶我去 街邊 揾飛髮阿伯先有得睇,當然夾住好多頭髮碎啦!

    好細個時有親戚係新界人,見過村屋個灶係燒柴嘅,個鑊有成四呎幾咁大, 正正式式係大鑊飯。屋內仲有個天窗架, 唔知點幾時拉埋個天窗呢?

    回覆刪除
    回覆
    1. 相信呢啲都係好多人的童年回憶的一部分,我又唔記得有冇去過呢種有漫畫書睇嘅店鋪飛髮…只知現在飛髮已經由漫畫書變為八卦雜誌,不過我都唔會攞嚟睇…哈哈

      以前的家庭一般都好多人,煮飯炒餸都唔少,冇番咁大個灶都唔得,相反而家越細越啱…照常規個天窗都唔拉,散走油煙嘛~~至於另一種天窗都係事在人為啫…

      刪除
  3. 跟森睇故,看看活化舊建築之餘,更可加插漫畫特輯,特別多一番懷舊感覺.
    好森有好報, 森兄今云的圖片報導得很出色.
    期望下集大結局.

    回覆刪除
    回覆
    1. 謝謝KK兄的讚賞,我也覺得相片不錯,可能這些舊建築有風格,所以拍出來很有美感...
      或者現今乜都講最新最潮,能夠去睇睇這些舊有建築都唔錯,兼且可以睇埋漫畫,展覽,都算雙重得益...

      你講期望COMIX一遊大結局,定森Blog大結局呀?!...XXXXXXD

      刪除
  4. 就咁睇完你呢兩篇,感覺上呢度仲值得去過宮崎駿博物館……

    回覆刪除
    回覆
    1. 唔會卦,只係聽宮崎駿博物館都已經吸引得多…其實呢度活化冇耐,仲有待改善,想睇要睇的就唔係咁多……

      刪除
  5. 真係好有古老大宅feel....不過暑假可能好多小朋友去睇漫畫,場面好熱鬧:P

    回覆刪除
    回覆
    1. 現場有點似60年代的唐樓feel…可能紅磚牆的關係~~
      而家小朋友暑假活動多,未必抽到時間去睇…

      刪除