2017年7月6日 星期四

COMIX 一遊(上)

近年來,又好似多了出香港區那邊,間唔中都要過一過海~~今趟都唔例外...
一直都想去睇睇動漫基地那個地方,就咁聽個名都好似跟動漫很有關係,但事實上又有冇想像中咁好睇呢?

本身動漫基地的前身係綠屋,我相信佢活化了唔太耐,若果想睇佢活化前的模樣,只要在google map,打灣仔茂蘿街7號動漫基地,就見到一座綠色建築,那就是翻新前的動漫基地舊址...的確活化後改變很多~美觀及時尚得多...
動漫基地比我的感覺是好有地道色彩的一個展覽場地,有很多展品都好地道,好香港,當然重點都係放在港式漫畫裡...所以佢當中有個漫畫的小型圖書館,內裡都有幾多新的港產漫畫可供借閱...
我諗佢翻新後仲係新階段,感覺上港產漫畫唔止咁少,其實仲有很多歷史,漫畫人物,漫畫家可以畀人認識下...但唔係咁多囉...
呢個牌就係畀一些有名的漫畫家留名,我見到黃玉郎和上官小強個名,仲有佢地真跡的墨寶~有些唔認得名都認得個公仔卦...

呢度間中都會有些關於漫畫影片播放,呢期就有希臘動畫70年,晚上時段才播放,所以無緣睇到...

把舊建築活化,仍保留很多舊貌,再慢慢參觀下先~~

13 則留言:

  1. 森兄,請問地方大唔大、同要唔要俾入場費?又有冇地方給一些塗鴉的人畫畫公仔?

    回覆刪除
    回覆
    1. 當然比起一般展館來講,唔算大…不過翻新後都幾寬敞…
      係喎~冇講到詳細資料添,基本上唔需要預約,除非要導賞服務,而入場及參觀影片都係免費,不過應該冇畀人塗鴉地方,費事畀人寫些粗言穢語之類啦…哈哈哈
      恕兄如果返香港都可以來睇睇…

      刪除
  2. 感覺上港產漫畫唔止咁少……可以畀人認識下...咁呢啲後生仔梗係冇森伯長輩咁博大資深,你又唔袋錢入人哋個袋,留低寶貴意見,等佢進化2.0。

    回覆刪除
    回覆
    1. 你知森伯嗰類長者啦,你話資深都應該仲有大把人才資深過我~不過當你去睇就會感到只唔只咁少呢…如當資料館的話就算少…又唔覺佢有意見箱之類喎!

      刪除
  3. 好彩唔算太多人,建築物本身唔知有冇啲特色東西呢?

    回覆刪除
    回覆
    1. 當日真係唔算太多人…活化後都有保留些原本特色,所以你要繼續留意…

      刪除
    2. 稍後會出blog,睇下有否你講嘅特色?!…

      刪除
  4. 港漫fans必去嘅地方!👍啱晒wan chan兄!😂

    回覆刪除
  5. 當係參觀下都可以不妨一去嘅…
    但對wan chan兄來講,可能覺得唔夠喉,相反佢的珍藏仲多野睇…哈哈

    回覆刪除
  6. 值得鼓勵的活化古舊建築物, 加入主題, 增添觀賞氣氛. 森兄好介紹!

    回覆刪除
    回覆
    1. 如果舊建築要活化,加些有意義的主題是很重要…KK有時間的話都可以同家人去參觀吓,睇吓漫畫書唔錯~~

      刪除