正所謂夏日炎炎正好眠...可能呢句說話唔係今時今日的人所講，若然比著現在的夏日相信都冇人講得出，有時唔好話訓覺，甚至平時做少少野都熱到周身汗，或者森靜自然涼，唔做就唔熱~~搞到森伯伯都變左條大懶蟲咁...
大懶蟲定大懶蛇好呢?!蛇個名聽起來都威猛少少喎...不過為配合張相都係小懶蟲Q得多...哈哈哈
入廠...做嘢！
近排流感都幾得人驚，除左迫爆急症室,病房之外，仲話會奪命...所以大家真係要小心，雖則話森伯伯屬長者類，但都唔驚得太多，因為都好少去人多的地方，希望減少感染機會~~講開醫院，相信平時冇乜大劑事都唔想去，但最近都要去一去醫院，係與工作有關！
懶洋洋的夏日， 少不了冷氣同埋凍飲消消暑🍹🍦。
回覆刪除森伯懶得咁可愛， 真係人見人愛💖、 車見車載🚙，我拍10隻馬🐎都追唔上。
上年咪同醫院畫過啲單張， 今年 又有著落，恭喜晒🎊， 證明森伯有料到，勁！👍
係呀夏日炎炎真係冷氣唔少得，不過今年仲未飲過凍品…
刪除真正的森伯在外面好鬼cool架，邊講得可愛丫…嗰隻趴響CD上的狗仔就人見人愛…你謙啫，平時睇你的回應都好得意格~~哈哈
今次做野同插圖冇乜關，只係去做埋D手尾……
通常係有番咁上下先至要裝cool架， 因為太多人會黐埋去，令森伯覺得好煩擾。有啲人都冇乜人想埋佢哋身，冇人騷仲
刪除駛乜扮cool啦！我會絞盡腦汁盡量令每個回覆都係得意傑作。
你想講有番咁上下…騎呢?!!!哈哈哈, 森伯本身好含蓄, 唔係太熟絡的人就唔會講太多野…好聽就扮cool, 唔好聽就自閉…><
刪除唔駛有咩特別的傑作, 總之保持一貫的作風已經好好笑~~~~
我這邊剛好相反，夏天我勁喜歡，反而冬季因天氣關係，又凍又濕，更常有南極吹來的暴風，那就真的甚麼都不想做…
回覆刪除總之就如森兄話齋好想快啲出院一樣，一到冬季我就想快啲到夏季！
原來咁，我仲以為你那邊氣候唔錯…可能現在氣候暖化，香港冬天反而涼涼地較舒服，夏天真係熱隻小狗咁！尤其正午時候…
刪除其實兩睇…能有四季已經很好，有冷又有熱，不過太極端又會好易病…
森兄唔懶得喎,快快手手搞掂工作就拎返條拉力帶出來操下肌,出身汗人都醒神好多.....
回覆刪除你唔講條拉力帶，都唔記得...家陣咁熱，每次keep住做下熱身運動就算，唔駛沖咁多次涼:P
刪除討厭夏天，汗水成災！
回覆刪除認同~~
刪除汗水都未必問題, 反而翳侷濕立先係最怕…
今次森兄蟲森鎖院, 做了件好事, 連醫生都做唔倒, 多得森兄解救, 做得好!
回覆刪除其實只是做印刷物的版面工作啫!!做野處都接觸不到醫生或病人,一點兒醫院感覺也沒有...哈哈
刪除哈哈! 原來只是做graphic artwok and layout, 講起上嚟, ykk同森兄是半個行家.
回覆刪除你唔講又唔知，咁KK兄日後真係要多多指教…雖然工作較靜態，但可以發揮下創意……
刪除我最近都瀨咗嘢，病到而家都仲未好！大家都要好好保重身體啊！😷
回覆刪除好在今次入廠只係做野啫！！呢個時候外面又熱，室內有冷氣又凍，所以個人都易病，你要好好保重啊～身體要緊...
刪除某日見到森爺在如心的家為我留言，十分感謝!見到森爺在 G+上的版頭一片青蔥，很涼快! 抱歉遲來的回訪，祝頌夏安!
回覆刪除先謝謝你的到訪，其實森源目不識丁，只是升斗小市民一個…絕對不能稱呼阿爺級，更何況現在政治敏感，阿爺真係唔敢亂認…哈哈
刪除日後秋葉阿姨要多多來到訪啊…
森爺不用那麼政治敏感，這裡是森情小品，不是論政的地盤。不過看照如見人，阿Sam 這麼年青，難怪不肯進級做森爺。不過，伯爺伯爺，都差唔多同級啦。為何識寫博文，又會目不識丁呢? 請解釋一下，可以嗎?
刪除通常現今社會稱得上阿爺都應該在他的工作範疇有突出的表現，好似而家香港最受歡迎的烹飪主持鼎爺、又有周星弛星爺、仲有宇宙最強的甄子丹丹爺呢...
刪除論真實年紀森伯都細過佢地啦...而又未見有咩突出的表現~~所以叫番一個平凡的長者森伯算囉~~~哈哈哈
其實森伯目不識丁，很多舊Blog友都知，不過佢地心照不宣?!!~~~全靠現在寫網誌，練習多了才敢寫，若秋葉阿姨發現有何不順的文筆，都可指正!!
真是一語中的，我覺得三個阿爺都好好睇!星爺度嗰啲劇情好多都好離譜，好誇張，不過有啲又好好笑! 丹爺一臉正氣，好打得!好嘢。
刪除近日邀得鼎爺示範煮菜，一派鳳城風味，好啱我的口味，我晚晚都睇住電視來學嘢!不過睇嘅時候都係隨意的。
*
森源都係作大認做阿伯，阿姨叫你做“森少”就啱嘞!
有啲人係不喜歡別人指正他出錯字的，你真係夠謙虛。其實手誤筆誤不出奇，我久不久都會糾正自己寫出來的錯字。
若有閒時請到秋葉的家，舍下近日Po了多張網上的大王蓮，綠意盎然。
刪除係呀...三位阿爺都各有千秋啦!!尤其星爺的電影電視，都算係港人的集體回憶之一～閒來睇睇都幾好笑架！
刪除晚晚都睇鼎爺煮送，咁你的廚藝咪好了得...哈哈...咁阿恕兄同你係親戚??咁佢有冇試過你的手勢呢??
你唔好話森伯作大呀!!冇作大認阿伯，話明森伯即是話心態似伯伯啫！
不過可能唔知幾多年後真係成為伯伯，時間因為過得實在太快...早些講定, 到時都容易接受D嘛...哈哈哈
有時寫blog都會打錯字，咁都好!!可以畀自己複習一下中文字...森伯自己唔叻，謙虛D好既～～
若果秋葉阿姨發覺森老伯的文筆有問題都不妨糾正...不過口語化就唔計啦！！
有蓮花睇，好喎！！會到秋葉家欣賞...
謝謝森少到訪秋葉的家，大王蓮的綠葉盆上坐了小孩，坐了美人，真係好養眼，兼且詩情畫意啊!
刪除以前工作打了兩年的英文，現在寫博打了六年的中文，有時貪快就會打錯字架啦。請大家體諒體諒!
恕少的母親和我的媽媽是同村同姓的人，可能是同埋一個太公，所以我們就以老表互稱了。我們未曾見過面，都是在網上見到小時有些生活習慣很相同，他說他的母親是水藤村人，這就是了!
刪除恕少在外國與媽媽曾經開設餐館，我怎敢班門弄斧呢。
秋葉唔需要太客氣，大家寫Blog咪互相支持下…
刪除若然見到一大片荷花池，都同樣很雀躍很壯觀！
我都時有打錯字，唯有再三複睇幾次，有錯就改！有時寫Blog都可以keep返好啲中文……
你跟恕兄互相以老表相稱，我仲以為你們是親戚……原來未見過面！恕兄原來曾開過餐館，唔怪得煮菜有番一手啦~～在你網誌裡你做的菜也很好…很多款式呢！！
平時我都是見雪櫃裡有乜就煮乜，都是自己一個人吃的，喜歡怎樣煮都可以啦。
刪除呵呵......雖然未曾見過面，能夠在網上遇到大家的媽媽同住一村，又同姓的，就是同村姐妹，有可能是同一個太公啦，就是姨表之親，真是十分難得! 所以我們竟然都有一些與別不同的兒時體驗，所以發覺了這個老表。
前兩年我們在波士頓的陳sir網上交談，陳sir說：回港要見個面啦。我說：一同去唱 K歌啦。誰知老表說：唱歌不在行呀! 他怕要去唱歌哩。
刪除在澳洲的“娜拉”也說回港要和我見個面，但一聽見我要去唱 K,她又怕了起來，不再提了。原來很多人都大喜歡唱歌的。
更正：原來很多人都“不大”喜歡唱歌。
刪除當然煮飯食，人越少越簡單，能夠隨自己口味就更好啦！原來你跟恕兄的認識都幾有趣喎…童年的記憶總令人回味…
刪除每個人的興趣都唔同，未必個個喜歡唱歌，唱得卡拉OK，閒閒地都一兩個鐘，唔鍾意都幾悶…下次你可先了解他們的喜好，再安排節目……
唱歌是人生樂事，又可以促進健康。我喜歡的大多是舊歌金曲，都是經典的好歌。 Patti Page 嘅How much is that Doggie in the Window? 粵曲、流行曲，都好鍾意架。陳慧嫻啲「飄雪」葉倩雯的「甜言蜜語」都是我的飲歌。不唱歌唔知有什麼好講?
刪除培養好興趣對身心都健康，當然唱歌是其一啦……
刪除有時除了唱歌，都有其他方面的知識也要識少少，方便跟人打開話題…