2017年6月15日 星期四

簽名CD

演藝界的明星歌星,的確要用時間去打做,可能以前的歌迷聽眾比較有耐性,而歌星亦有機會慢慢貯歌貯粉絲,當日子耐了就已經可以上位。現在樂壇新星可能出幾首歌就唔見,慢慢就已經被聽眾遺忘......

一向買歌的原則都係有啱聽的歌才會挑選,而呢隻李克勤CD都係啦...其實一向對李克勤的歌都好一般,唔會特別鍾意,至於麻麻地又會有隻克勤的簽名CD?!!....咁就要想當年喇~XXD

想當年...家中新買了CD機,點都要開下綵,屋企每人都揀些心水唱碟來買,而呢隻克勤唱碟就係森媽買的,因為是精選碟,所以有些歌都不會陌生,記得以前時時聽,而當中有首紅樓夢唔錯~
至於個簽名,就係當年克勤去某學府演唱,而那時候有屋企人在此讀書,所以順個便搵到克勤簽呢隻CD...事隔都一段相當的日子,真係唔想當年都唔得...

昨日有如今日,霎吓眼克勤都搞周年紀念演唱會,佢應該都有幾多手本好歌,至於對森伯來講最熟最喜歡都只係紅日咋...

14 則留言:

  1. 掛係紅隧嘅克勤周年紀念演唱會大廣告牌都好搶眼,不過有人覺得佢啲造型有啲out。

    回覆刪除
    回覆
    1. 我又未見佢張廣告牌…不過克勤都係走開平實路線,形象上唔算潮,就係有少少過時先配合佢年代…

      刪除
  2. 我真係鍾意佢首 森森森。

    咁個卡拉ok功能開光📣, 難得有森伯獻唱🎤🎶, 雖然遲咗好多,我都要奉上掌聲👏,同鮮花🌷 鼓勵鼓勵!👍

    回覆刪除
    回覆
    1. 深深深都唔錯…數克勤的森水歌真係唔太多…
      呢隻唔係卡啦OK碟,某得畀森伯大顯歌喉添…講開唱K,而家好多新歌都唔識唱,都係唱返啲N年前的老歌…

      刪除
    2. 我都係唱老歌咋!

      好似學生哥大考咁忙碌, 要閉關修練 ,唔得閒發文?

      最近成日落雨, 唔係風濕骨痛又發作 ?冀望身體健康,做個 開心快活人。

      刪除
    3. 唔好話識唔識唱…就算聽都係老歌啱聽~~

      一爺真係有留意森伯平時逢周四發文噃!!!!...近排公司準備進行大大大裝修,我哋執嘢都執到懵…周末都要屋企做嘢,總之得個忙字…讀書都要泵埋一邊~~
      風濕骨痛呢家嘢…老人家幾時都stand by隨時痛架啦…><

      刪除
    4. 咪可以執番個風水位,唔發達都要避開個病位, 要放幾粒石頭擋煞 。

      風濕 :哈哈!即係話 森伯畀天收,老天爺揸住森伯隻痛腳。

      刪除
    5. 暫時未知大裝修後變成點, 話唔定森伯會坐起茅廁隔離, 風涼水冷;水頭充足~~~哈哈哈
      渣住隻痛腳都已經慣啦, 最怕渣第二度啫~~~XXD...

      刪除
  3. 他把聲唔錯,但唱功似乎我覺得有些刻意做作。因他常就住首歌來唱,所以便很難顯出他自己風格,唔似某些歌曲,一聽旋律就會想到某一個歌手…
    雖然我也聽他的歌,但來去的都不礙乎只有那幾首!

    回覆刪除
    回覆
    1. 都係純粹個人感覺,的確有些歌很好,而且克勤講的是實力派!但有些抒情歌較為平實,我就覺得比較悶咗少少…所以喜歡的都只是一些節奏輕快,如紅日,舊歡如夢,同世界盃主題歌嗰類…
      其實好多歌手,喜歡的都只係幾首而已~

      刪除
  4. 佢個簽名幾靚喎....^^
    歌底好但歌路比較窄,擅長大路情歌多啲,驚𡔯比較少,但幾首經典歌30幾年來依然襟聽

    回覆刪除
    回覆
    1. 我都覺!啲字幾靚…
      認同歌路比較窄,基本上抒情歌比較深印象,打Blog時只諗到紅日其實仲有些初出道冇耐的歌曲幾喜歡…

      刪除
  5. 森母雜念, 要買CD, 隨手便揀選了形象乖的克勤, 原因不難明白, 森兄也是乖仔一名.

    回覆刪除
    回覆
    1. 其實當時森媽喜歡聽實力派的歌,其他歌唔知唱乜…哈哈
      只不過平時激父母冇在Blog提啫…XXD

      刪除