記得細個都有試過買些玩具模型砌砌…但當時只係小朋友有冇砌過一件似樣啲的模型都唔記得，因為好多時候砌砌吓當中的散件就會唔見了，人大了真係好少再買模型、拼圖回來砌，一來會認為浪費時間，二來辛苦完成的模型冇咩地方放…所以一不做…二不買…三不砌……但有時經過一些拼圖專門店，都好想睇睇有冇咩森水畫買回家砌，不過諗吓呢個漫長的消遣，未必有咁好森機維持…更何況一件花時間的模型擺設，更加冇諗過要買！
相信如果有些Blog友好記性的話，我都曾經出過呢隻蠍子的post，記得都買了好一段時日，當時砌好後已經好好放在櫃桶裡，免得封塵兼碰散，殊不知…一拎出櫃桶就見到散修修，一碰就甩～可能太耐了模型的嵌入位都好似森伯咁老化～～哈哈！！軟膠模型有個唔好處就係擺耐了會有硬化跡象…
隔了好一段時間都唔記得點砌返，初時張模型藍圖都消聲匿跡…漸漸發覺寫Blog有另一個好處，就係可以搵返post過的相出來跟住砌，又砌又黐…又黐又砌…只能用白膠漿作輔助，唔可以用超能膠黐，黐錯咗就冇得掹～～結果隻蠍子王又再重現～～一個字型丫！！
忽然又學到做人道理，唔理平時點樣甩皮甩骨，畀心機執執，都可以變返肆肆正正…
講起砌模型，小時候我也砌過一些，比如跑車、汽船，坦克及飛機等等…
回覆刪除後來有些模型散了，但那些萬能膠又沒有剩下。怎麼辦？那時剛好有朋友仔教我怎樣自製，之後，學識了卻發現到…這些膠水是不能用來黐塑膠模型。何解？原來那些膠水主要成分是天拿水，因此，用它來黐模型就只有愈黐愈爛（𢲡到爛），搞到本來好好的模型都變成千瘡百孔！
砌坦克飛機嗰類真係好犀利！！我覺得呢類模型要砌就要好放心機，冇得半途而廢，不過砌出來的成果又很有成功感…尤其有些軍艦模型，散件好精細都要幾花精神去慢慢嵌，慢慢黐…冇一定的耐性都唔敢開始砌！
刪除咁你當時的朋友仔好大整蠱喎！哈哈～就好似現在的超能膠相信都有天拿水成份，一黐錯咗件模型就花斑斑！！影響外觀…所以我呢隻３Ｄ蠍子模型都係用白膠漿，若然黐錯都有得補救…
森伯放咗蠍子王入去暗黑劏房櫃桶都差唔多有3年，憧憬獨立360°環迴無敵玻璃屋全幻滅，想親近吓森伯見多你幾眼又好少機會，嬲到振佢咪一拍兩散，粉身碎骨，話散就散，好彩有樽神奇修補白膠漿， 真係黐黐哋嘅，憑著森伯愛心將裂痕修補。等我借題發揮 亂噏一通 哈哈！
回覆刪除好一個森伯與蠍子的故事…忽然間諗起老人與海添~~哈哈哈
刪除創作得唔錯，不過有少少資料上要更正返，呢隻蠍子王買咗已經有五、六年時間，就算我唔塞佢在劏房櫃桶，佢都好易甩架啦…係本身的物料問題！！
故事結尾…
經森伯一輪用心去修補後，讓蠍子王得到重新，從此森伯與蠍子就快快樂樂生活在一起嘞…呢個結尾都算Happy Ending卦…..
查番你刊登日期係14年10月29日，距今有三年喎， 確實年份無從稽考。
刪除乜有6年咁耐，呢啲叫 「七年之癢 」預備篇…… 佢想同森伯來個 身體每寸任撫摸， 極親密接觸， 渴望你的慰藉。
威武蠍子王后個面口係應該黑口黑面㗎喎！ 點睇都冇笑臉迎人啦 一啲睇唔出面上浮現一絲絲的快樂， 現實生活中嘅公主王子嘅童話式婚禮都未必係 happy ending， 英國咪係一個好例子囉！ 你咁童話㗎，要down grade 叫一聲 森童。
呢個3D模型係在中央圖書館的禮物店買，數算都有五、六年前，真係時光飛逝到得人驚…放在櫃桶唔見光，都係想保持住佢的原色……其實隻蠍子王都係模型嚟啫…唔需要有咩任撫模的親密接觸嘅…不過對於森伯嚟講件件模型都係鍾意先買……
刪除啲人喜歡蠍子都係鍾意佢cool啫！鞋口鞋面係正常喎～蠍子的性格都好似森伯，平時扮Cool唔乜講嘢，熟落咗就會多嘢講…
雖然童話故事都係呃細路…但係在森Blog裡點都要講happy ending喇！係人都想…你所講的森童，係想講森伯稚嫩…定係充滿童真咁呢?!!......
哈哈! 起初以為森兄咁早吃大閘蚧潻.
回覆刪除白膠漿黐黐地,比較容易收復,森郁郁都唔怕蠍爛.
森伯食蟹的場面，應該唔會在森Blog出現，森伯唔食蝦蟹…
刪除呢類模型都唔可以黐得太多，應該買一個陳列盒安放較好～～
修復版好靚,像真度高!
回覆刪除我好少砌喱類,家裏只有幾個L字品牌果種積木咋!
森兄最懂保養之道一定會keep得肆肆正正XXXD
其實呢類模型，基本上像真度都很高，咁先吸引消費者購買…
刪除Ｌ字頭的積木記得細個時時玩，人大了就好少再買來砌～
gael兄用到保養兩個字，即係話森伯好老嘞！要靠保養先見得人…唉~~
我用詞不當,好似用養生之道貼切啲...:P
刪除其實都唔係用詞不當，我諗你都係有感而發啫…
刪除