最近留意到一個電視廣告，內容都幾正面架！！主題大約係講…凡事要多面睇，用另一角度去睇每一件事，心態唔同結果都唔同…我覺得而家的人諗嘢大都係比較負面，可能或多或少都與生活壓力有關…如果能夠放鬆一啲，人就可以冷靜看到事情的另一面，其實呢種正向思維唔係今日的人需要，以前的人都一樣有，唔係就唔會有──塞翁失馬呢個成語故事…正好比喻凡事有兩面睇…無論遇到好與不好的事都以平常心去看待！
其實人的意念好重要，好與壞、正與邪都只係一念之間，當然若要人生過得豁達，人就應該多啲正面的思維！事情或者唔到我哋去選擇，但心態就應該可以…森伯本身都係悲觀派代表，有時負面嘢都一籮籮，所以都好應該培養多啲正向思維，個人都可以豁然開朗少少～～
培養多啲正向思維，實際好難做到，我都學習中﹗
回覆刪除謝謝Bonnie咁快就嚟支持呀...
刪除講得好啱！相信唔易做到，從正面意念開始～
有句話叫“過得人過得自己”，我相信這已是最基本的……
回覆刪除過得人過得自己…問心無愧~~都係一種樂得自在的人生正面態度…
刪除古有 ：人生不如意事十常八九， 面對咁多挫折， 出現負面思想係好 好正常啫！
回覆刪除認知行為治療可以醫治抑鬱病， 唔知佢有乜嘢法寶可以將思想變得正面， 我都想學下， 執番正個腦， 踢走負面思想， 其實中、大學應該加入呢個課程為必修科目， 可以減低校園自殺率。
記得中學時期 ，我仲著緊廉租屋，搬來個新鄰居， 佢係約4、50歲獨居阿叔 ，佢嗰句金句：「大帥都係食齋麵」， 食過咁簡單又便宜嘅公仔麵都可以變得咁矜貴， 思想非常正面， 後來發覺佢係精神病康復者， 佢個精神科醫生真係犀利， 覺得認知行為治療真係咁把炮。
如果有人問我身體邊部份最想整，唔係面部， 唔係除斑、除皺，我會答佢係整我個腦， 變得聰明啲、正面啲。
好用心回應喎！！＠＠
刪除即是話古時的人，現在的人都會遇到十常八九的不如意事喇…
其實香港生活壓力大,節奏又急速…好容易有負面情緒都唔奇！又唔需要特別修一科，反而從學習制度想辦法就真…當然呢啲重任要交畀政府…
執番正個腦…呢啲好睇個人，若然係要鑽牛角尖都冇人幫到…所以話唔止身體健康，精神健康都好重要。若果人有病更加要有阿Ｑ思想喇，個病都可以快啲痊癒，就好似你位舊鄰居咁…
無端端整個腦做乜…總之生來咁樣就咁樣啦~~好多時都係境由心做啫!!!
你個artwork都好靚,望落都好治癒^^
回覆刪除謝謝對作品的讚賞，覺得呢個作品好配合blog題，就post上來囉…
刪除作者已經移除這則留言。
回覆刪除哈哈! ykk就凡事用倒轉去睇, 往往得出件事答案就快人一步! 例如, 將森伯當作森童看, 閱讀或回答網誌時,就森無雜念,只有正面,冇負面.
回覆刪除所以話好與壞都係睇自己的心態，ＫＫ兄覺得森伯係森童，呢啲又未必係關正面想法事，而係一個虛想咋喎…哈哈哈（雖然我都想…）
刪除KK兄的諗法相當正確，唔怪得幾時睇你的回應都有種青春愛笑的氣息喇～
森兄：
刪除我想在這裡問一問Ykk，是否不再寫日誌了？不寫真的感到可惜，是因他的blog 十分正面，和我的負面可有得對比！
恕兄想問的,我都想問下KK…能夠寫返就最好～～
刪除你哋兩位寫的網誌都好正面，好適合負面到爆的森伯睇，平衡吓嘛…
森兄，我不嬲寫嘢都有點酸溜溜，而你就很四平八穩，那又怎會負面到爆？
刪除點會酸溜溜呢?!!...你會偶爾講吓回憶趣事, 又會人在他鄉煮番一啲大家熟悉的港式餸菜, 睇見都開心啦…仲唔夠正面?!!哈哈
刪除森伯啲blog, 唔係講年紀老邁就係講赤貧生活…仲唔夠負面咩!!嗚~~嗚~~><
恕兄: 先講聲一佰個sorry! 其實,我都時時有去探訪你blog,為食嗎:) 舊年因有某些私事, 冇在你處留言, 見諒.
刪除kk兄：你太言重了，大家森照不宣就已經很夠…
刪除真的，很喜歡看你的blog，你寫得十分正面而且很有內涵，看得多就會近朱者赤，近正不怕身影斜！
哈哈! 希望森明大義. 借此處給我們寒暄!
刪除恕兄除咗文筆通順之外, 答覆網友也很用心!
刪除kk，謝謝你啊！
刪除諗法負面唔緊要，最重要係用一種正面嘅態度去面對人生。
回覆刪除真係好耐冇見喇~~知道你近況, 都要祝你安好……
刪除邊個冇負面情緒, 就算幾差都好畀返少少正面思維, 取一個平衡心態嘛~~