人大了，越來越覺得玩具好似唔關自己事…不過近幾年，偶爾經過一啲大型的玩具店，都會順道逛一逛…可能係種心態問題，至於人老了，反而唔會有什麼忌諱，想睇就睇；想買就買…以前細個買的玩具唔多，所以每件玩具都有很深印象，唔似現在的細路每樣玩具都係三分鐘熱度，玩兩玩就唔玩，大人都要把部份玩具轉贈！皆因物質太充裕了…
以我記憶所及，車仔都係森伯常玩的玩具，記得細時有款小巴的玩具車，見處處玩具舖都有得賣，相信當時都幾普遍，我諗而家在一些舊式玩具舖都可能搵到（好似在葵涌廣場都見過），是塑膠製的！唔知點解細個好鍾意小巴的顏色，而且又係縮細版，當然愛不釋手啦！！之後就玩合金車仔細細架！至於現在見到有靚靚嘅甲蟲車都會買～
當然可遇不會求（皆因唔係太熱衷嗰種），唔會網上搵見到先買…雖則現在的玩具車跟以前都沒有太大分別，但手工精細了！尤其是以真比例做的玩具車～車身的漆油都好少會甩色，相對較耐擺…
細時的車仔只會當玩具玩，但到人大了就會將車仔當一樣擺設，現在潮流興玩地道，懷舊！有很多模型車仔都有復古版，好似見過貨車仔同雪糕車都幾有懷舊味道，再見到都會買嚟擺，至緊要係細細架唔阻定……
小時候，我收藏過約廿多架火柴盒大細的模型車。但有一天回家就不見了，原來又是我母親傑作，她愛丟棄我的玩具，就是不想我玩創個心，那便可以好好用功讀書！
回覆刪除你講得似火柴盒應該幾細架…記得以前細個都有好多呢類小型車仔，儲起餅盒就好似一個迷型的停車場咁～～你媽媽怕你玩創個心都無可厚非，做父母我就未必明，恕兄為人父母都知…緊張你即係關心你啫…
刪除我第一架玩具車唔係親人、同學、朋友送。等我第一次出題畀聰明森伯，估吓係乜水同我有乜關係？
回覆刪除當架電動車碰到障礙物後就會自動轉方向，嗰時我仲係小學雞，覺得好神奇。雖然係話送畀我，𣎴過，都要被迫同班阿哥們分享。
聰明森伯就唔係嘞…聰明笨伯就知道~~估中有冇得點呀一爺破例寫Blog架?!!...照推理一爺小學應該係精乖學生，兼且仲要得意…我估係老師送?!!小學我都有收過老師的禮物…
刪除你講起電動車，我記起以前都有一部要用條電線牽住，好薯！好想日後有部遙控車仔，結果到而家都未買過…
係追求姐姐嘅男仔送架，依家叫觀音兵。
刪除講十個寫卜嘅好處黎聽吓，不過，我係淫賤不能移，森伯都係慳番啖氣去識 插畫啲客仔仲好啦！
我乖，老師評語係敦厚，咪唔精囉！ 不過，成積好咪係聰明，唔得意 但受歡迎。
退休無所事事咪買部車仔黎玩去打發時間。
以前叫觀音兵，依家未叫姐夫?!!……哈哈，一爺啲題都幾難撞中…
刪除blog的好處唔係寫出嚟，係親身感受出嚟…插畫啲客仔唔係咁識，係用自己的作品去自薦…
敦厚只係形容人的外表，精唔精係形容人的內在，兩者未必扯上關係
講真而家都唔敢提退休，怕越提越快……XXD
靚喎㗎小巴,連車門都可以開合,好盞鬼!
回覆刪除咁森兄多唔多收藏Tomica車仔?影多幾張相來欣賞下.....
遙控車我都有,記得是白色寶馬好型仔,同隔籬屋朋友仔果架波子成日一齊出走廊「鍊車」,好玩,不過好快鍊到無電XXXD
呢架小巴咪係所謂充裕小朋友玩剩的物資，畀我喱個舅父仔收留囉…有時都見到tomica啲車仔，細細部有排睇，不過冇我森水的甲蟲車，其實我唔係模型車迷冇乜收藏，有部黃色的甲蟲車早前已經post過…我只收藏鎖匙扣，日後介紹部份post出來…
刪除以前要用電芯的物品好麻煩，成日唔夠電，唔似家陣有鋰電池充電咁耐用…
我從來也沒有一架玩具車，基本上小時候也沒甚麼屬於自己的玩具。記憶中，有一兩盒積木。
回覆刪除阿摩可能比較早熟？！所以唔多玩具？對很多人來講，玩具都是童年回憶的一部份，以前的小朋友一般都唔會有太多，一兩件已經有排玩…
刪除細個時,最玩得多的玩具是豆槍. 其他玩具多數是自製的, 例如用薄紙條tighten在大鐡釘尾上, 當飛鏢玩.
回覆刪除細個都見人玩過豆槍，我諗玩的過癮但被射中都幾痛…至於你話嘅用紙條綁緊大鐵釘就冇印象…以前細路多動腦筋，有些玩意都係自己諗出來…
刪除今篇網誌真係清一色係森Blog啲巴打博友來留言，女博友細個未玩過車仔嘅咩?!真有趣......哈哈
回覆刪除森源~~係我呀...愚。您好嗎﹖你依然好多FANS.勁
回覆刪除我都開始寫BLOG,有空來探我。
回覆刪除cys911.blogspot.com